Romada Alim Qasımovla görüş olub

İtaliyanın paytaxtı Romada Santa Çeçiliya Musiqi Akademiyasında Azərbaycanın xalq artisti Alim Qasımov və onu müşayiət edən ansamblla görüş keçirilib. Bu barədə Mədəniyyət və Turizm Nazirliyinin mətbuat xidmətindən məlumat verilib. Görüş Roma Musiqi Fondu və Santa Çeçiliya Konservatoriyasının layihəsi əsasında Azərbaycanın İtaliyadakı səfirliyinin himayəsi ilə təşkil olunub. Azərbaycan muğamına həsr edilmiş görüşdə iştirakçılara muğam, Azərbaycanın qədim musiqi alətləri barədə ətraflı məlumat verilib, muğamlar, eləcə də xalq mahnılarından parçalar səsləndirilib. Tədbirdə musiqiçilərimiz iştirakçıların Azərbaycan muğamı və milli musiqi alətlərimizlə bağlı çoxsaylı suallarını cavablandırıb. Həmin gün Alim Qasımov və qızı Fərqanə Qasımova Roma şəhərinin ən böyük konsert salonu “Auditorium – Musiqi Parkı”nda ABŞ-ın “Kronos Quartet” qrupu ilə birgə “Azərbaycan gecesi” adlı böyük konsert proqramı təqdim edib.

SARA

525-ci qəzet.- 2010.- 14 may.- S.7.