Türk rəssamının “Cənnət”i İçərişəhərdə

“İçərişəhər” Dövlət Tarix-Memarlıq Qoruğu İdarəsinin təşkilatçılığı ilə İçərişəhərdə Azərbaycan təsviri və dekorativ-tətbiqi incəsənət mərkəzi – “İncəsənət Bağı”nda məşhur türk rəssamı Günseli Katonun əsərlərindən ibarət “Cənnət” adlı sərgi açılıb.

“Art Group” və Azərbaycan-Türkiyə İş Adamları Birliyi tərəfindən təşkil olunmuş sərgi iki həftə davam edəcək.

G.Kato Türkiyə və Yaponiyada təhsil alıb, 1983-cü ildən başlayaraq özünün Tokiodakı şəxsi məktəbində türk miniatürünə dair mühazirələr oxuyub. Eyni zamanda 12 il İslam keramikası sənətinin mütəxəssisi Takuo Katonun emalatxanasında çalışıb.

Sərginin açılış mərasimində müəllifin teatrlaşdırılmış monosəhnəciyi nümayiş etdirilib.

SARA

525-ci qəzet.- 2010.- 26 may.- S.7.