Dünya teatr prosesinin problemləri və perspektivlərilə
bağlı konfrans yekunlaşıb
Bakıda keçirilən
“Dünya teatr prosesi XXI əsrdə: problemlər, perspektivlər
və alternativlər”
mövzusunda beynəlxalq
elmi-praktik teatr konfransı noyabrın
10-da öz işini davam etdirib. Növbəti mərasimin aparıcısı Akademik
Milli Dram Teatrının
direktoru İsrafil İsrafilov olub. Giriş sözü ilə çıxış
edən direktor mərasimdə iştirak edənləri salamlayıb
və ilk sözü İrina Kruzilinaya verib. ABŞ-da geyim üzrə rəssam-dizayner kimi fəaliyyət göstərən
İ.Kruzilina çıxışında
bu sahənin incəliklərini, rəssamlıqda
əhəmiyyətli ştrixləri
diqqətə çatdırıb.
Daha sonra iclasda Litva, ABŞ, Böyük Britaniya, Azərbaycan, Çin, İran, Türkiyə, Almaniya, Yunanıstan, Rusiya, İsveçrə və digər ölkələrdən gəlmiş
teatrşünaslar çıxış
ediblər. Çıxış
edənlər əsasən
öz ölkələrində
teatrların yaranma tarixi, həmin ölkələrdə keçirilən
festivallar, səhnələşdirilən
tamaşalar, teatr rəssamlığı, aktyorların
geyimi, müasir tamaşaçını düşündürən
məsələlər, səhnə
tərtibatı, teatrla
bağlı dünyada
mövcud qaydalar və digər mövzular haqqında ətraflı məlumat veriblər.
Konfransın işini
yüksək qiymətləndirən
Böyük Britaniyadan
olan şair və teatrşünas Devid Pərri Bakıda belə bir konfransın təşkil olunmasını
yüksək qiymətləndirdiyini,
konfrans çərçivəsində
eyni peşəni bölüşən həmkarları
ilə fikir mübadiləsi apardıqlarını
dilə gətirib.
Litvanın mədəniyyət
nazirinin müavini Deyvidas Staponkus isə çıxışında
Litva teatrının 4
əsrlik yaranma tarixindən, keçirilən
festivallardan danışaraq
bu konfransda ölkəsini təmsil etdiyi üçün qürur hissi duyduğunu bildirib. Avstriya Beynəlxalq Teatr İnstitutunun vitse-prezidenti, yazıçı-dramaturq
Reinhard Auer dünyada baş verən teatr prosesləri haqqında öyrənmək,
fikir mübadiləsi aparmaq məqsədilə təşkil edilmiş konfransın Azərbaycanda
keçirilməsini ölkəmiz
üçün möhtəşəm
bir hadisə kimi qiymətləndirib. Reinhard Auer konfransın teatr sənəti üzrə fikir və təcrübə mübadiləsinin inkişafına
təkan verərək
gələcəkdə bu
sahədə daha əhəmiyyətli uğurlar
əldə etməyin
mümkünlüyünü bildirib. İclasda çıxış edənlər
bugünlər ərzində
baxdıqları tamaşalar
haqqında fikirlərini
dilə gətirərək,
səhnə əsərlərində
müasirlik duyulduğunu
diqqətə çatdırıblar.
Konfrans çərçivəsində
Azərbaycan teatr portalının pilot layihəsinin
təqdimatı keçirilib.
Portalı “Musiqi dünyası” jurnalının
baş redaktoru,
professor Tariyel Məmmədov
festival iştirakçılarına təqdim edərək, Azərbaycanın bütün
teatrlarını əks
etdirəcək portal haqqında
ətraflı məlumat
verib: “Portalda Azərbaycanda fəaliyyət
göstərən 27 dövlət
teatrının hər
biri haqqında geniş məlumatlar, video
materiallar, mədəniyyət
xadimləri barədə
məlumatlar, onların
əlyazmaları, məktubları
yerləşdiriləcək. Portalın hazırlanması
təşəbbüsü Mədəniyyət və
Turizm Nazirliyinə məxsusdur. Bu portal üç
dildə – Azərbaycan,
rus və ingilis dilində istifadəyə veriləcək.
Bütün dünyadakı
teatrsevərlər bu
portal vasitəsi ilə
əsərlərlə, tamaşalarla
tanış olmaq imkanı əldə edəcəklər. Portalda
“O olmasın, bu olsun”, “Koroğlu” operasından, “Yeddi gözəl” baletindən nümunələr də yer alacaq. Veb-sayt
teatr haqqında bütün dünya üçün məlumat
kitabçası olacaq.Bir
ildən sonra böyük layihənin təqdimatını keçirmək
fikrindəyik”.
Beynəlxalq elmi-praktik
teatr konfransı çərçivəsində ötən gün Azərbaycan Dövlət Akademik Milli Dram və Azərbaycan Dövlət Gənc Tamaşaçılar teatrlarında
dramaturgiya və plastikaya həsr olunmuş seminarlar gerçəkləşib.
Seminarlarda ABŞ-ın
tanınmış teatrşünasları
– Rut Maqraff və
Roberto Verea çıxış
ediblər. Mütəxəssislər
iştirakçılarla bilik
və təcrübələrini
bölüşmüş, müasir teatrın forma və məzmunundan, dünyada mövcud məşhur teatrların üslub və ənənələri haqqında
fikir bölgüsü
aparıblar. Çıxış
edənlər dramaturgiyanın
güclü inkişaf
etdiyi ölkələrdə
teatrların böyük
marağa səbəb
olduğunu bildiriblər.
Beynəlxalq elmi-praktik
teatr konfransı Mədəniyyət və
Turizm Nazirliyi, Milli Elmlər Akademiyası və Azərbaycan Teatr Xadimləri İttifaqı
birgə təşkil
edib.
Hüsniyyə İSMƏTQIZI
525-ci qəzet.- 2010.- 12 noyabr.- S.7.