Asif Ata Yazıçılar Birliyində
anılıb
Ötən gün Azərbaycan Yazıçılar
Birliyinin “Natəvan” klubunda Mütləqə İnam Təliminin və fəlsəfəsinin
yaradıcısı Asif
Atanın 75 illiyi ilə bağlı tədbir keçirilib. Tədbirdə Mütləqə
İnam Ocağının
övladlarıyla yanaşı,
Ocaq dostları və bir çox
ziyalılar iştirak
ediblər. Mərasimi
Mütləq İnam Ocağının Yükümlüsü
İşıqlı Atalı
açaraq 50 ildir ki, Azərbaycan ictimai mühitində İnam Ata (Asif Ata) obrazının fəlsəfi,
milli, mənəvi, insani, ruhani yöndə işlər gördüyünü bildirib.
O vurğulayıb ki, yurddaşlarımızı Asif
Atanın cazibəsinə
salan onun insana sərhədsiz sevgisi və inamıdır: “Biz hesab edirik ki, Asif
Ata yubileydən yüksəkdir.
O insanın kamilləşməsinə
inanırdı. Bu ocağın
da məqsədi kamil insanlar yetişdirməkdir. Asif Atanın ömrü və yaradıcılığı
bundan sonra daha ciddi şəkildə
araşdırılacaq”. Asif
Atanın 36 illik əqidədaşı, Mütləqə
İnam Ocağının
Ruhani başçısı
Safruh tədbirdə filosofun yaradıcılığından
bəhs edib: “İnam Atanın 45 müqəddəs kitabı
var. Bunlar onun yaratmış olduğu “Mütləqə İnam”
adlı dünyabaxışı
özündə daşıyan
irsidir. Atanın başqa əsərləri
də çoxdur. Həcmi heç də bu əsərlərindən
az deyil. Hələ bir araya gətirilməyib, kitablaşdırılmayıb. Bu əsərlərdə onun
xüsusi kəskinliklə
car çəkdiyi məsələlər
var. Ata bunları ədəbi,
bədii, estetik, etik, elmi, fəlsəfi
mətn, mətləb
kimi deyib, yazıb”. Sonra söz filologiya elmələri doktoru,
professor Nizami Tağısoya
verilib. O bildirib ki, Asif Atanın
nəzər saldığı
hər bir məsələnini üstündə
dayanmağa böyük
ehtiyac var: “Asif Atanın yaratdığı Ocaq insanın böyüklüyünü,
onun əzəmətini,
vüqarını, tamlığını,
milli və bəşəri ruhunu qorumaq üçün mənəviyyatı ön
plana çəkir. Çünki insanı öz yolundan sapdırmağa çalışanlar
bəşər övladı
qarşısında ən
qatı cinayətkarlardır.
İnsanı haqq, ruhaniyyat, mənəviyyat yoluna qovuşdurmaq gərəkdir. Bu missiyanı
Asif Ata öz üzərinə götürdü
və bu işi indi Ocaqçılar
böyük məsuliyyətlə
davam etdirirlər”. Tədbirdə Salman Mümtaz adına Ədəbiyyat və İncəsənət Arxivinin
direktoru Maarif Teymur, şair Abbas Abdulla və
başqaları da Asif Atanın şəxsiyyəti və
yaradıcılığı haqqında fikirlər söyləyiblər.
GÜNEL
525-ci qəzet.- 2011.- 15 fevral.- S.7.