“Ulu öndər Heydər Əliyev xalqın xatirəsində” mövzulu tədbir keçirilib

M.S.Ordubadinin ev-muzeyində ümummilli lider Heydər Əliyevin anadan olmasının 88-ci ildönümünə həsr edilmiş “Ulu öndər Heydər Əliyev xalqın xatirəsində” mövzusunda tədbir gerçəkləşib. Ziyalıların, müəllimlərin, şagirdlərin, ictimaiyyət nümayəndələrinin iştirak etdikləri tədbirdə ev-muzeyinin direktoru Lalə Abaszadə ümummilli liderin həyat və fəaliyyəti haqqında ətraflı məlumat verib. Muzeyin elmi işçi İradə Vəliyeva “Heydər Əliyev və muzeylər”, Laçın Mehdiyeva isə “Heydər Əliyev və gənclər” mövzusunda məruzələrlə çıxış edib.

Bülbülün ev-muzeyinin direktoru Ədilə Məmmədova çıxışında ümummilli lider Heydər Əliyevin yürütdüyü məqsədyönlü siyasətin xalqın xoş gələcəyi, rifahına müsbət təsirini dilə gətirib, bu siyasətin uğurla davam etdirildiyini vurğulayıb.

Tədbirdə paytaxtın Məmməd Rahim adına 7 nömrəli məktəbinin şagirdləri ümummilli liderə həsr olunmuş şeirlərdən ibarət ədəbi-bədii kompozisiya təqdim ediblər.

HÜSNİYYƏ

525-ci qəzet.- 2011.- 12 may.- S.7.