Eynəli bəy Sultanov haqqında
kitab çap olunub
XIX əsrin
sonları XX əsrin əvvəlləri Azərbaycan ədəbiyyatının
tanınmış simalarından biri olan görkəmli
yazıçı, dramaturq, publisist, tərcüməçi,
pedaqoq, ictimai xadim Eynəli bəy Sultanovun anadan
olmasının 145 illik yubileyi ilə əlaqədar olaraq
hazırlanmış “Eynəli bəy Sultanov: taleyi və sənəti”
adlı kitab bugünlərdə işıq üzü
görüb.
AMEA
Naxçıvan Bölməsinin İncəsənət, Dil və
Ədəbiyyat İnstitutunun Ədəbiyyatşünaslıq
şöbəsinin tərtib etdiyi kitabda maarifpərvər
yazıçı Eynəli bəy Sultanovun (1866-1935) fədakarlıqla
dolu həyatından, taleyindən danışılır,
çoxcəhətli yaradıcılıq fəaliyyətindən,
mədəni tədbirlərin həyata keçirilməsində
ictimai xadimin əvəzsiz rolundan və Naxçıvanın
maarifçi mühitinin formalaşmasında göstərdiyi
xidmətlərindən ətraflı məlumat verilir. “Elm və
təhsil” nəşriyyat-poliqrafiya müəssisəsi tərəfindən
çap olunan 240 səhifəlik yeni nəşrdə eyni
zamanda Naxçıvan teatrının yaradılmasında
mühüm xidmətləri olmuş Eynəli bəy Sultanovun
teatr tarixində göstərdiyi böyük fədakarlığından
bəhs olunur.
Qeyd edək
ki, AMEA Naxçıvan Bölməsinin İncəsənət,
Dil və Ədəbiyyat İnstitutunun Ədəbiyyatşünaslıq
şöbəsi, AMEA-nın həqiqi üzvü, filologiya
elmləri doktoru, professor İsa Həbibbəylinin rəhbərliyi
ilə Naxçıvan ədəbi mühitinin öyrənilməsi
istiqamətində bir çox görkəmli ədib və
alimlərin həyatı və yaradıcılıqları ilə
bağlı yeni materiallar toplamış, sistemləşdirmiş
və çap etdirmişlər. Görkəmli
yazıçı, dramaturq, ictimai xadim Eynəli bəy
Sultanovun 145 illiyinə qiymətli bir hədiyyə olan “Eynəli
bəy Sultanov: taleyi və sənəti” adlı kitab da bu tədbirlərin
davamıdır.
525-ci qəzet.-
2011.- 19 oktyabr.- S.7.