Səməd Seyidov Misirin Azərbaycandakı səfiri ilə görüşüb

Bu gün Azərbaycan Dillər Universitetinin (ADU)-nun rektoru, millət vəkili, professor Səməd Seyidov Misir Ərəb Respublikasının ölkəmizdəki səfiri, cənab Sabir Əbdülqadir Mənsuru qəbul edib.

Universitetin mətbuat xidmətindən “Qafqazinfo”ya verilən xəbərə görə, görüşdə S.Seyidov yeni tədris ilindən 10 azərbaycanlı tələbənin ADU-da ərəbşünaslıq ixtisası üzrə təhsil alacağını diqqətə çatdıraraq ərəbşünaslıq ixtisasının 2011-2012-ci dərs ilindən tədris olmasını məqsədəuyğun hesab etdiyini bildirib.

Səfir də öz növbəsində ərəb dili, mədəniyyətinin tanıdılması üçün məşhur alimlərin əsərlərinin Azərbaycan dilinə tərcüməsi və bu sahədə aparılan işlərin vacibliyindən danışaraq bildirib ki, ikitərəfli münasibətlərin inkişafında elm və təhsil sahəsində əməkdaşlığın xüsusi rol oynayır .Bu baxımdan tərəflər Ərəb mərkəzinin müxtəlif lazımi elmi-metodik materiallarla təmin edilməsi, Misirdən müəllimlərin, mütəxəssislərin dəvəti məsələlərini də ediblər.

Qarayeva Sevinc

525-ci qəzet.- 2011.- 22 yanvar.- S.2.