“Azərbaycan faciələrinin təqvimi” hazırlanıb

Kitab Klubunun sərgi salonunda Nazim Tapdıqoğlunun “Azərbaycan faciələrinin təqvimi” kitabının təqdimatı gerçəkləşib. Tədqiqat xarakterli kitabda tarixən başı bəlalar çəkmiş Azərbaycanın ayrı-ayrı illərdə üzləşdiyi fəlakət və faciələrin təqvim tarixləri toplanıb. Tədbirdə çıxış edən klubun direktoru Elxan Rzayev, tarix elmləri doktoru Qasım Hacıyev, tədqiqatçı-alim İnqilab Nadirov, şair Zərəngiz Dəmirçi Qayalı, Dünya Azərbaycanlıları Konqresi İdarə Heyətinin üzvü Yəhya Yusif Caniyar və başqaları kitabın xalqımızın faciəli, eyni zamanda, dəyərli tarixi keçmişini əks etdirən və bu səpkidə ürəklə, əsl vətənpərvərliklə yazılan ilk sistemli nəşr olduğunu diqqətə çatdırıblar. Mərasimdə “Azərbaycan faciələrinin təqvimi” kitabının müəllifi Nazim Tapdıqoğluna “Qafqaz Media” İctimai Birliyinin təsis etdiyi “Vicdanlı qələm” mükafatı təqdim edilib. Sonda müəllif çıxış edərək tədbirin təşkilatçılarına və iştirakçılarına minnətdarlığını bildirib.

HÜSNİYYƏ

525-ci qəzet.- 2011.- 25 yanvar.- S.7.