“Qarabağ danışıqları
prosesində intensivlik
arta bilər”
YENİ AZƏRBAYCAN PARTİYASI (
– Mübariz
müəllim, bu ilin ilk ayı artıq başa çatmaq üzrədir. Necə hesab edirsiniz, bu il 23 ildən artıq davam edən Ermənistan- Azərbaycan münaqişəsi
danışıqlar yolu
ilə tənzimlənməsi
yönündə ciddi
irəliləyişlərin əldə edilməsi mümkündürmü, gözləniləndirmi?
Yoxsa, bu il də
ötən illərin
davamı olacaq, münaqişənin həlli
öz yerində sayacaq?
– Qarabağ
münaqişəsi ilə
bağlı məsələni
cavabandırmazdan öncə
onu qeyd etmək istərdim ki, ötən illərdə olduğu kimi, 2011-ci ildə də iqtisadi artım, iqtisadi inkişaf davam edəcək. Bəlkə
də, 2011-ci il iqtisadi baxımdan Azərbaycan üçün daha əlverişli illərdən
biri olacaq. Çünki dünya iqtisadiyyatı
postböhran dövrünü
– böhrandan sonrakı
dövrü yaşayır
və bir sıra ölkələr artıq bu böhrandan
çıxıblar, onlarda
maliyyə-iqtisadi vəziyyət
yaxşılaşmaqdadır. Belə olan şəraitdə, mən
belə düşünürəm
ki, Azərbaycanda iqtisadi sahədə əldə olunan uğurların sayı bu il daha da çox
olacaq. 2011-ci ildə
eyni zamanda, Qarabağ məsələsinin
dinc danışıqlar
yolu ilə həll edilməsi yönündə aparılan
danışıqlar prosesində
intensivlik arta bilər. Lakin Qarabağ məsələsinin
həlli ilə əlaqədar hansısa böyük sıçrayışın
olacağını da
proqnozlaşdırmıram. Təəssüf ki, bunu demək zorundayıq.
Hərçənd ki,
biz daha çox ümidverici fikirlər səsləndirməliyik, ancaq
yuxarıda dediyim kimi, bu il Qarabağ məsələsi ilə bağlı sıçrayışlı
hadisələri gözləmirəm.
2008-ci ilin məlum Rusiya-Gürcüstan müharibəsindən
sonra Qarabağla əlaqədar danışıqlar
prosesinin istiqamətində
müəyyən dəyişiklik
müşahidə olunur...
– Söhbət
hansı dəyişikliyin
müşahidə olunmasından
gedir?
– Bilirsiniz, ötən dövrdəki hadisələr onu göstərir və göstərdi ki, bu məsələ – yəni, Qarabağ məsələsi təkcə Ermənistanla Azərbaycan arasında münaqişə deyil, bu məsələ, bu münaqişə geopolitik baxımdan böyük münaqişələrdən biridir və bu münaqişə yalnız Qafqazı əhatə edən bir məsələ də deyil. Bu münaqişə bütövlükdə hazırda böyük bir ərazidə gedən mübarizənin nəticəsidir. Bu münaqişə eyni zamanda, Qafqaz, Mərkəzi Asiya, Ön Asiya uğrunda gedən “döyüşün” tərkib hissəsidir. Ona görə Azərbaycan üçün bu, mürəkkəb bir münaqişədir. Bununla yanaşı, 2011-ci ildə Azəbaycanın diplomatik cəbhədə yeni-yeni uğurlar əldə edəcəyinə əminəm. Həmçinin, Azərbaycanın sosial-iqtisadi üstünlüyü Ermənistanda daxili-siyasi böhranı daha da dərinləşdirəcək. Yəni, Ermənistanda daxili-siyasi böhranın dərinləşməsi və bu böhran nəticəsində erməni əhalisinin əhval-ruhiyyəsində ciddi dəyişikliklərin baş verəcəyini proqnozlaşdırmaq mümkündür. Ermənistanda bu problemin həlli ilə bağlı kompromisə çağırışlar daha çox səslənə bilər və səslənəcək. Bu ehtimalı daha güclü hesab edirəm. Bütövlükdə bu il dünyanın özündə də “Wikileaks”ın yaratdığı həmin o əks-sədaların nəticəsi olaraq bəzi problemləri ortaya qoya, bəzi məsələləri gündəmə gətirə bilər. Xüsusilə, böyük dövlətlər arasında münasibətlərdə açıq diplomatiyanın fəsadlarını görə bilərik. Daha doğrusu, qapalı diplomatiyanın önə çıxmasının fəsadlarını görə bilərik.
Kamil HƏMZƏOĞLU
525-ci qəzet.-
2011.- 25 yanvar.- S.5.