Su keçdi burulğana, qayığım, burul
yana...
TANIDIM
Tanıdım,
Nəfəsin
tanışdır mənə,
Hər
şeyi lal - dinməz
Danışdı
mənə.
Tanıdım,
qadası,
Bu da
əks - sədası :
Həzin
- həzin küləyi gəlir,
Hə,
hə, sən də qəribsən,
Ağzından
Vətən iyi gəlir.
SƏNİ GÖRƏNDƏ
Səni
görəndə
deməyə
bilmirəm bunu :
Vətən xalça kimidir,
Adam var divardan asır,
adam var
döşəməyə sərir onu.
ELƏ HA
Elə
ha
çağırır bir - birini
bu biçarə quşlar :
“ - İsa,
- Musa,
-Tapdın?
- Yox... "
Nədir
axtardıqları?
Nəyi
tapa bilmir bu quşlar?
Bu əbədi həsrətin
axı kökü nədəndir?
Yoxsa...
Onların da mənim kimi
itirdikləri vətəndir?!
AY KASIB
Ömrün çatdı başa,
ay kasıb.
Çox
ev - ev deyirdin,
Qonşular yığışıb
sənə bir ev tikdilər,
Bir ev -
qapısı yox, pəncərəsi
yox
Di get, yaşa,
ay kasıb.
DƏYMƏZ QARA QƏPİYƏ
Qoyun - qoyun adamları
Kənd
- kənd,
Şəhər - şəhər
Otaran kişi,
Dəyməz qara qəpiyə
nə qədər öyünsən
belə.
Axı kiminsə qabağında
sən özün də qoyunsan belə.
BİRCƏ DƏFƏ
Çox
dərdi
çox
çəkdim
Birinin ruhu incimədi,
burnu qanamadı,
başı ağrımadı.
Bircə
dəfə
dərd
məni çəkdi,
Onda da
düşdüm xəstəxanaya,
Qohum - əqrəbanı da
əldən - dildən saldı
ağrım - acım.
FƏRYAD
Fəryadı eşitdinmi
yuvasına ilan girmiş
sərçənin səsində?
Aman
Allah,
bəlkə el
dərələr də fəryad
yeridir,
şırım - şırım açılıb
dağların sinəsində.
SƏN GET
Sən
get, qadası,
Mən hələ
Sabaha xam,
Mən hələ
Dünənə
Srağagünə qayıdacağam,
Bacarsam.
EY KİM
Ağac
kimi yıxılıb
yolumu kəsdin, ey kim
Məcburam
üstündən keçim.
YOL
Nə gözəldi bu yol,
Yol, nə yol, -
Necə
şirin
Necə
acı.
Bir başında azadlıq eşqi
O biri başınd
dar ağacı.
O DA
Lap "Cücələrim"dəki kimi,
Sən ondan tut,
O da səndən tutsun.
Düzülək bir sıraya
aramızdakı
Qərib
adam da
heç
olmasa bir anlığa
Tək olduğunu unutsun.
GƏLƏCƏK O GÜN
Özümü görürmüş
kimi görürəm,
Nə vaxtsa
gələcək o gün,
Onda sabahdan əvvəl
dünəni tanıyacağıq.
Onda hardasa
boy sırasına
düzüləcəyik hamımız,
Mən səni,
sən məni tanıyacağıq.
ÜMİD AĞACI
Hamı
bəlkə
bu boyda
dünyanı da unutdu,
Mən unuda bilmədim
O dağları.
İçimdə bir
Ümid
ağacı var,
Böyüyür dibçəkdən
Tavana kimi
Tavana çatdımı,
əyilir
qırılır,
tökülür budaqları.
ORDA - BURDA
Bir dağ orda,
Bir dağ burda,
O dağ
çiçək - çiçək boylanır üzübəri
Bu dağ kimsəyə görünməz,
Bu dağ
özü boyda dərd çiçəkləri
O dağ dərə - dərə,
Bu dağ şırım - şırım,
Orda qarlı zirvələr
Burda tənə - tənə
Yanıq
yerləri,
Burda söz - söz aşırım.
NİYƏ?
Niyə
belə dolmusan,
Niyə
belə solmusan,
ay çiçək?
Yəni
deyirsən ki...
Özgə torpağında deyilsən
ki?...
Yarış
Yaşamaq da
yarışdı ha,
ay qoçaq,
Görək ölümünə
kim daha tez çatacaq.
OT
Yolda bitsə,
ayaqaltıdır,
Addım
- addım
tapdanacaq,
döyüləcək
Yalda bitsə,
daha pis,
Külək hardan əssə
o tərəfə əyiləcək.
BUYUR
Biri dişinə güvənir,
Biri ayaqlarına,
Gör hansı
Qalib gələcək?
Buyur :
Pələng,
Yoxsa cüyür?
ÇOBANALDADAN QUŞ
Ay çobanaldadan quş,
Kim qurdu bu oyunu,
Necoldu?
Aldatdın çobanı,
əcəb elədin,
elə çobana o da azdır
heç
axı demədin ki,
otardığı hara getdi,
quzusu, qoyunu
necoldu?
Ütüləndikcə
Sözü ütüləyə - ütüləyə,
sığallaya - sığallaya danışırsan,
Pis vəziyyətdə
qalır
söz.
Söz paltar deyil ki,
ay nadan,
Sığalladıqca,
Ütüləndikcə
Daddan - tamdan düşür,
Daha səliqəsiz
olur söz.
KİM İSƏ. KİMİNSƏ
Hərənin öz yeri,
Öz işi,məlum,
Biri o birinə
Örnək kimidir.
Kim isə kiminsə
Canını güdür
Bəzisi
şalvar kimidir.
Bəzisi
pencək kimidir.
HAMI BİLMƏSƏ DƏ
Yandıqca oxu,
Oxuduqca yan
Hamı
bilməsə də
Mən bilirəm axı,
Çölü vətəndə,
İçi qürbətdə olanı
Hansı
dərddi oxudan.
FƏRQİ YOX SƏNİNÇÜN
Ay naşı,
Üfürə - üfürə içirsən
elə,
Fərqində deyilsən ki,
içdiyin nədir,
Meyvə
şirəsi,
Bulaq suyu,
Yoxsa göz yaşı.
DEDİLƏR
Bir az qumun,
bir az sementin,
palçığına qatıb dəmiri
Dedilər :
yüz il də uzandı
ömrü.
SƏNİNKİ DƏ BELƏ
Kiminsə çörəyi
daşdan
çıxır,
Kiminsə boğazına
saldığı çatıdan.
Səninki də belə,
-
külək
gətirir,
Nə
dırnağınla daş yarırsan
nə
sürünə - sürünə dağa
çıxırsan,
Yel əsir,
qoz tökülür,
Çömbəlib
bir tərəfdən
dədə
malı kimi yığırsan.
Bərdə
Xasay MEHDİZADƏ
525-ci qəzet.-2012.-30 iyun.-S.30.