Milli Kulinariya komandası Rusiyada mükafat qazanıb

Rusiyada keçirilmiş Beynəlxalq kulinariya çempionatında Azərbaycan Milli Kulinariya Assosiasiyasının (AMKA) prezidenti Tahir Əmiraslanov müstəqil ekspert kimi təmsil olunub.

SalamNews-un məlumatına görə, o bildirib ki, 4 aşpazdan ibarət milli komandamız 6 fərdi yarışda və 1 komanda sinfində mübarizə aparıblar. Rusiya Federasiyasının Kabardin-Balkar, Dağıstan respublikalarından, Qazaxıstan və digər ölkələrdən gəlmiş 15 iştirakçı komanda arasında kulinarlarımız komanda hesabında qalib olub və “Qran-pri” mükafatı qazanıblar. Fərdi yarışmada isə onlar 1 gümüş, 1 bürünc medala, 2 diploma və Kulinariya Sənəti Akademiyasında I həftəlik təhsil almaq üçün sertifikata layiq görülüblər.

Bəxtityar

525-ci qəzet.- 2013.- 17 aprel.- S.6