Geniş baxış” ssenari müsabiqəsinin qalibləri açıqlanıb

 

Ötən gün Nizami Kino Mərkəzində Azərbaycan Prodüserlər Gildiyasının (APG) “Geniş baxışssenari  müsabiqəsinin nəticələri elan olunub. Tədbiri açan APG sədri, “Azərbaycanfilmkinostudiyasının direktoru Müşfiq Hətəmov çıxış edərək  görülən görüləcək işlər barəsində media nümayəndələrini məlumatlandırıb: “ Bildiyiniz kimi, Azərbaycan kinosu həmişə incəsənətimizdə ən sevilən öndə gedən bir sahə olub. Məhz bu səbəbdən həmişə cəmiyyət bu sahəyə həssaslıqla yanaşıb. Bütün keçmiş sovetlər məkanında olduğu kimi Azərbaycanda da kino öz böhranlı dövrünü yaşayırdı, obyektiv subyektiv səbəblərdən böyük çətinliklərlə üzləşirdi. Bunu nəzərə alaraq Prezident İlham Əliyev kinonun inkişafına dair dövlət proqramı imzaladı, bu proqramdan irəli gələrək biz kino işçiləri günün tələblərinə uyğun bir çox addımlar atdıq”.

M.Hətəmov Azərbaycanda ilk dəfə olaraq qalib ssenarini prodüserlərin özlərinin seçdiyini qeyd edərək çağdaş dövrdə kinoda gedən proseslərdən söz açıb: “Kinoindustriya düzgün qurulmasa, doğru mexanizmi olmasa, istənilən nəticəni əldə etmək olmaz. Ona görə məhz bununla əlaqədar mədəniyyət turizm naziri Əbülfəs Qarayevlə mütəmadi olaraq görüşlər keçiririk, xarici yerli mütəxəssislərlə birlikdə Azərbaycanda kinoindustriyanın düzgün qurulması sahəsində bir çox addımlar atırıq. Son bir ildə “Kino haqqında qanun”da dəyişikliklər edilməsi işin xeyrinə olub. Xarici şirkətlərin Azərbaycanda rahat fəaliyyət göstərməsi üçün verginin ləğvinə nail olmağa çalışırıq. Bunun da Azərbaycana həm böyük yatırımın gəlməsində və xarici şirkətlərin “Azərbaycanfilm”lə müştərək işləməsində böyük rolu ola bilər. Xarici şirkətlərin Azərbaycana gəlməsində ona görə maraqlıyıq kmi, uzun müddət bizdə kinonun problemi deyiləndə at, maşın və başqa bu kimi məsələlər ortaya qoyulurdu. Ancaq bu gün kinonun problemləri dedikdə qrimyordan tutmuş işıqçılara qədər, həmçinin kinonun inkişafında əvəzsiz rol oynayan mütəxəssislərin azalması, onların bəzilərinin yox dərəcəsində olması nəzərdə tutulur. Xaricdə kadrların hazırlanmasında bizə dövlət tərəfindən də dəstək var. Sadəcə, bunun qanuni bazasını yaratmaq və bunu daha da stimullaşdırmaq lazımdır. Bu gün kinoda elementar normativ sənədlərin düzgün qurulması, qonorar məsələlərində standartların müəyyənləşdirilməsinə çalışırıq. Mütəxəssislər hazırda bunun üzərində işlər aparırlar. Bu yaxınlarda bu iş başa çatacaq. Biz artıq Avropa Kino İnkişaf Fonduna məktubla müraciət etmişik. Bura üzv olarıqsa, bu, Azərbaycan kinosunun inkişafını daha da sürətləndirər. Rusiya artıq 2011-ci ildən oranın üzvüdür. Qonşu Gürcüstan da həmçinin. Bu da filmin yayılmasında əvəzsiz rol oynayır. Kinomuzda sovet istehsalat sistemindən tədricən müasir istehsalat prinsiplərinə keçid baş verir. “Azərbaycanfilm”də artıq bunu tətbiq etmişik. İlk dəfə olaraq Azərbaycan kinosu tarixində bir ildə 7-yə yaxın film tamamlanıb. Və bir neçə film də yekunlaşmaq üzrədir. “Azərbaycanfilm”də bizim gördüyümüz əsas iş istehsalın düzgün qurulması və filmlərin ərsəyə gətirilməsi mexanizmlərini düzgün qurmaqdır. Azərbaycanda özəl şirkətləri birləşdirmək məqsədilə biz Prodüserlər Gildiyasını təsis etmişik. Respublikada 18 aparıcı şirkəti birləşdirmişik. Şükürlər olsun iki, artıq çəkdiyimiz filmlərin texniki bazası Azərbaycanda olan özəl şirkətlər tərəfindən təmin olunur. Bununla yanaşı biz ssenari seçimi mexanizmini də dəyişməyə çalışdıq. Bilirsiniz ki, bu mexanizm bizdə müəyyən yaradıcı qruplar tərəfindən təqdim olunurdu. İlk dəfə olaraq ssenarilərin seçimi məsələsini Prodüserlər Gildiyası öz üzərinə götürdü və ilk dəfə olaraq hər bir prodüser ssenarini maliyyələşdirməyi öhdəsinə götürdü. Biz artıq ssenarinin seçilmə prosesini dəyişdik. Yəni ki, bədii şuralar tərəfindən, dövlət sifarişi ilə olan filmlərlə yanaşı Azərbaycan özəl şirkətlərinin inkişafı, yaradıcı adamların daha da çox cəlb edilməsi üçün bu, əsas rol oynayır. Keçirdiyimiz “Adari Films” prodakşn şirkəti “Motivlər” layihəsi ilə qalib olub. Bu, İradə Bağırzadənin layihəsi idi. İnanıram ki, müsabiqə nəticəsində seçilən gənclər gələcəkdə uğurlu tammetrajlı filmlər çəkəcək. Bununla bağlı nazirimiz Əbülfəs Qarayevə məruzə edəndə o bunu alqışladı və dövlətimiz tərəfindən buna hər bir şərait yaradılacağını qeyd etdi”.

“Azərbaycanfilm” kinostudiyasının beynəlxalq əlaqələr üzrə aparıcı mütəxəssisi Orxan Hüseynov layihə qalibləri haqqında məlumat verib: “ “Motivlər” layihəsi 6 rejissorun çəkəcəyi 6 qısametrajlı filmdən ibarət kinoalmanaxdır. Layihə çərçivəsində əlavə olaraq daha iki qısametrajlı film nəzərdə tutulur. Layihənin maraqlı cəhəti ondadır ki, filmləri  çəkmək üçün rejissor heyəti xaricdə yaşayan və kino təhsili alan azərbaycanlılardan seçilib. Müsabiqənin qalibləri Teymur İsmayılov, Anar Abbasov, Cəfər Axundzadə, Rüfət Həsənov, Vüqar İslamzadə və Elmar İmanovdur”. O.Hüseynov qaliblərin hər biri haqqında ətraflı məlumat verib və onlara işlərində uğurlar arzulayıb.

 

Sevinc HƏMİDLİ

 

525-ci qəzet.- 2013.- 30 may.- S.7.