Azərbaycan kitabının Moskva zəfəri

 

 

Bəzən elə günlər olur ki, onları unutmaq qeyri-mümkündür. Ürəyinin fərəh hissiylə dolduğu, Vətəninin adının qürurla çəkildiyi, ədəbiyyatının incəsənətinin möhtəşəmliyinin təsdiqini gördüyün günlər... O gün belə günlərdən biriydi.

15 ildən bəridir yaşadığım Rusiya Federasiyasının paytaxtı Moskva şəhərində, dünyanın ən böyük sərgi salonlarından biri olan Ümumrusiya Sərgi Mərkəzində bugünlərdə Dünya Kitab Sərgisi keçirildi. Sərgi bir həftəyə yaxın davam edəcək. Burada müxtəlif ölkələrlə yanaşı (Türkiyə, Qırğızıstan, Çin, Misir, İran, Türkmənistan, Belorusiya, Ukrayna s.) vətənimiz Azərbaycandan bir sıra kitablar təqdim olunur. Onların sırasında bir çox görkəmli ədibimizinMəmməd Arazın, Mirzə İbrahimovun, İlyas Əfəndiyevin, Anarın, Elçin Əfəndiyevin, Kamal Abdullanın... əsərləri, eləcə Azərbaycan təbiətinə, incəsənətinə mədəniyyətinə dair kitablar var. MənimSəni düşünürəmadlı kitabım da burada öz yerini tutub.

İnsanların maraqla diqqətlə vərəqlədiyi bu kitablar bizim ən böyük əvəzedilməz sərvətimizdir. Məhz belə kitablarımızdan bir neçəsi dahi Tolstoyun Dostoyevskinin ölkəsindəKitab sənətiadlı 10-cu beynəlxalq müsabiqədə yeddi nominasiyadan üçündə qalib gəldi. Müsabiqədə MDB üzvü olan ölkələr iştirak edirdilər.

Gündüz saat 1-də başlayan tədbiri professor Vladimir Qriqorin açdı. O, ölkələrarası münasibətlərin inkişafında tənzimlənməsində kitabların, ədəbiyyatın rolu haqda danışdı, qalibləri təbrik etdi.

Mənim ölkəmnominasiyasındaMaqomayev planeti”, “Mədəniyyət, elm təhsilnominasiyasında “The strukture of a Modern Theatre” “ART kitabnominasiyasında isəNizami Gəncəvi. Lirikakitabları birinci yerə layiq görüldü.

Mükafatları almaq üçün səhnəyə görkəmli şair tərcüməçi Çingiz Əlioğlu Əfəndikitab evinin rəhbəri Leyla Əfəndiyeva dəvət olundular.

MükafatlarıKitabçılar gildiyasıkompaniyasının prezidenti, iqtisad elmləri doktoru Boris Yesenkin təqdim etdi. O, Azərbaycanın bu müvəffəqiyyətinə ürəkdən sevindiyini söyləyərək, belə gözəl kitablara görə bütün kitabsevərlər adından minnətdarlığını bildirdi.Çingiz Əlioğlu Leyla Əfəndiyeva öz növbəsində bu proyektə görə məsul şəxslərə rus oxucularına təşəkkür edərək, çox sevincli olduqlarını, kitablarımızın uğurlarına görə qürur duyduqlarını bildirdilər. Bu uğurda kitabların ərsəyə gəlməsində əməyi olan insanların  rolunu qeyd etdilər. Çingiz Əlioğlu dedi: “Bu anda mənim ürəyim qürur hissiylə doludur. Bu qələbə bizim qələbəmiz deyil, Azərbaycan kitabının qələbəsidir. Öndə kitabdır! O, insanları birləşdirən sehrli qüvvədir, elə bir qüvvə ki, onu heç nəylə əvəz etmək olmaz!”

Təntənəli çıxışlardan xatirə fotoşəkilləri çəkiləndən sonra tədbir sərgi salonunda səmimi bir ab-havada keçən yığcam ziyafət verildi. Bütün iştirakçı ölkələrin nümayəndələri bir-bir bizə yaxınlaşıb ürək sözlərini deyir, Azərbaycanla birgə sevindiklərini bildirirdilər.

Bir neçə günə dünya kitabları sərgisi sona çatacaq. Həmvətənlərimiz Azərbaycana dönəcək, qürbətdə yaşayanlar isə onları bir daha görmək arzusuyla yaşamaqda davam edəcəklər. Təskinlik verən odur ki, dəyişilməz qalan bir həqiqət var: “Söz, kitab, ədəbiyyat hər zaman olub, var olacaq!

Yazımı bir bənd şeirlə yekunlaşdırıb xalqıma, onun kitabsevərlərinə, ədəbiyyatımızı incəsənətimizi dünyaya tanıdan bacı qardaşlarıma bütün ziyalılarımız adındanÇox sağ olun!”deyirəm!

 

Dünya qəribədir,

                      dünya maraqlı!

Günləri, ayları,

                           qərinəsi var...

Dünya bir kitabdır,

                     min bir varaqlı,

Dünyanınsözadlı

                           xəzinəsi var!

 

06.09.13.

Moskva

 

Afaq Şıxlı

525-ci qəzet.- 2013.- 10 sentyabr.- S.7.