Opera və Balet Teatrının orkestri Almaniyada Qut-İmmlinq opera sənəti festivalına qatılıb

Azərbaycan Dövlət Akademik Opera və Balet Teatrının orkestri Almaniyada keçirilən Qut-İmmlinq opera sənəti festivalında iştirak edir. SİA-nın verdiyi məlumata görə, orkestr Avropanın mötəbər mədəniyyət tədbirlərdən olan bu festivala artıq yeddinci dəfə qatılır.

Bavariyanın səfalı guşələrindən olan Qut-İmmlinqdə təşkil olunan ənənəvi festivala bu il Avropanın bir çox ölkələri, ABŞ, Çin, Yaponiya, Türkiyə - ümumilikdə 38 ölkədən musiqiçilər dəvət alıb.

Opera və Balet Teatrının orkestri avqustun 10-da festivalın qala-konsertdə çıxış edəcək. Qala-konsertdə Avropa bəstəkarları ilə yanaşı, Azərbaycanın ölməz bəstəkarları Üzeyir Hacıbəyli, Qara Qarayev və Fikrət Əmirovun əsərləri də ifa olunacaq. Kollektivi festivalın bədii rəhbəri və baş dirijoru Korneliya fon Kerssenbrofk və Azərbaycanın Xalq artisti, professor Cavanşir Cəfərov idarə edəcəklər

S.Abdullayeva

525-ci qəzet.- 2014.- 8 avqust.- S.4