AZƏRBAYCAN

Ay-ulduzlu bayrağın var,

Qədim, ulu torpağın var;

Əsrlərdən sorağın var,

Özün boyda çırağın var.

Əsirgəmir uğrunda can

Min-min igid, Azərbaycan!

Yaşa, eşqi çiçək açan

Azad, vahid Azərbaycan!

İstiqlalın yolu çətin,

Məskənisən bol sərvətin;

Tanrı bizi bağışlamaz

Qorunmasa təbiətin.

Azıxdır ilk ünvanımız,

Qobustan daş dastanımız.

Xudafərin körpüsündən

Yenə keçər karvanımız.

Bakı daim şöhrətimiz,

Xəzər mavi qüdrətimiz.

Heykəl kimi ucalacaq

Qürurumuz, qeyrətimiz.

Əsirgəmir uğrunda can

Min-min igid, Azərbaycan!

Yaşa, eşqi çiçək açan

Azad, vahid Azərbaycan!

Oqtay Rza,

Əməkdar müəllim

525-ci qəzet.- 2014.- 28 may.- S. 7.