Səməd Vurğunun ev muzeyinin yaradılmasının 40 illiyi qeyd olunub

 

 

Xalq şairi Səməd Vurğunun ev muzeyinin yaradılmasının 40 illik yubileyi keçirilib.

 

Tədbirdə ev-muzeyin direktoru Nüşabə Vəkilova ev-muzeyin yaranma tarixindən danışıb: “Böyük şairimiz Səməd Vurğun Azərbaycan poeziyasının min illik populyarlığını yaradan şairlərimizdəndir. Muzey 1975-ci il oktyabrın 6-da ulu öndər Heydər Əliyevin təşəbbüsü ilə yaradılıb. Böyük şair bu evdə ömrünün son 2 ilini (1954-1956) yaşayıb”.

 

Mədəniyyət turizm nazirinin müavini Sevda Məmmədəliyeva 40 ildir ki, səmərəli fəaliyyət göstərən Səməd Vurğunun ev-muzeyinin həcmcə böyük fondlara malik muzeylər kateqoriyasına aid olduğunu burada zəngin eksponatların qorunub saxlandığını söyləyib: Muzey yarandığı gündən ictimaiyyətlə sıx əlaqə qurub, burada müxtəlif sərgilər tədbirlər, elmi sessiyalar keçirilib. Səməd Vurğunun həyat yaradıcılığını əks etdirən ekspozisiya daima təkmilləşdirilib, şairin övladları-Xalq yazıçısı Yusif Səmədoğlu, Xalq şairi Vaqif Səmədoğlu, qızı-əməkdar mədəniyyət işçisi Aybəniz Vəkilovanın həyat yaradıcılığına həsr olunmuş guşələr yaradılıb yeni eksponatlarla zənginləşdirilib”.

 

Tədbirdə Xalq yazıçısı Anar, millət vəkilləri Nizami Cəfərov, Elmira Axundova başqaları unudulmaz şairin yaradıcılığından, Azərbaycan poeziyasinda tutduğu mövqeyindən söhbət açıblar.

 

Xalq artisti, bəstəkar Sevda İbrahimova atası - Xalq yazıçısı Mirzə İbrahimovla şairin yaradıcılıq münasibətlərindən dostluğundan xatirələr danışıb.

 

Tədbirdə Səməd Vurğunun sözlərinə S.İbrahimovanın bəstələdiyi mahnı, həmçinin şairin nəticəsi, beynəlxalq müsabiqələr laureatı Vurğun Vəkilovun fortepianoda ifa etdiyi musiqi səsləndirilib.

 

525-ci qəzet.- 2015.- 5 dekabr.- S15