Od dastanı... Yurd
dastanı...
2015 -ci il aprelin
26-da Bakıda ilk Avropa
Olimpiya oyunlarının
Atəşgahda məşəlinin
möhtərəm prezident
İlham Əliyev tərəfindən yandırılması
münasibətilə
Əsrlərdən keçdi, gəldi,
Sənin
əlin tutan məşəl!
Yuxulardan
uçdu, gəldi,
Sənin
əlin tutan məşəl!
Bir sevinci min eylədi,
Gör bir bizi kim eylədi?
Arzuları çin eylədi,
Sənin
əlin tutan məşəl!
Cənab İlham Heydər oğlu.
Yerlər
oğlu! Göylər
oğlu!
Budur Yerlər, Göylər Odu-
Sənin
əlin tutan məşəl!
Əməlindən şölələnib,
Amalından şölələnib,
Kamalından şölələnib,
Sənin
əlin tutan məşəl!
Elə yanır, sönməyəcək,
Endim, deməz, deməyəcək!
Elə qalxıb, enməyəcək,
Sənin
əlin tutan məşəl!
Ağdamlıdır, Şuşalıdır,
Təbriz,
Dərbənd, Borçalıdır.
Min illərin məşəlidir,
Sənin
əlin tutan məşəl!
Yanar çağdan alovlanır,
Yanar haqdan alovlanır,
“Yanardağ” dan alovlanır,
Sənin
əlin tutan məşəl!
Məşəlləşmiş növrağımdır,
Məşəlləşmiş torpağımdır,
Məşəlləşmiş bayrağımdır,
Sənin
əlin tutan məşəl!
Haqq-hesabı soracaqdır,
Düşmən bağrı yaracaqdır.
Qarabağı alacaqdır,
Sənin
əlin tutan məşəl!
Yas paltarın soyundurub,
Bayram donu geyindirib.
Millətini sevindirib,
Sənin
əlin tutan məşəl!
Qələbələr gətirəcək,
Bizi bizə yetirəcək,
Çox
məşəllər götürəcək,
Sənin
əlin tutan məşəl!
İstər sevgilər çox
olsun,
İstər sevgilər şah
olsun!
Qoymaz sevgilər yıxılsın,
Sənin
əlin tutan məşəl!
İmzasını nəyə qoymaz,
Amalı
ölməyə qoymaz,
Bir odu sönməyə qoymaz,
Sənin
əlin tutan məşəl!
Yurd dastanı yaz, der, mənə,
O dastanı yaz, der, mənə!
Od dastanı yaz, der, mənə,
Sənin
əlin tutan məşəl!
Aya qalxıb, Günə qalxıb,
Şölələnər yenə qalxıb,
İnsanlıq naminə qalxıb,
Sənin
əlin tutan məşəl!
Maşallah gözəldi, elə,
Gəzdiyim əsərdi elə!
Mən deyən məşəldi
elə...
Sənin
əlin tutan məşəl!
Təzə baxça- bar deməkdir.
Təzə sabahlar deməkdir,
“Allah bizə yar!” -deməkdir,
Sənin
əlin tutan məşəl!
Tövrat-
Varlıq kitabıdır,
Quran- Xaliq kitabıdır.
Təzə tarix kitabıdır,
Sənin
əlin tutan məşəl!
Budur oyun qaydam, deyir,
Budur mənim
faydam, deyir.
“Bu meydan, bu şeytan!”
deyir,
Sənin
əlin tutan məşəl!
Gəzənlər gəzə fatehi,
Göstərə bizə fatehi.
Dünyanın təzə fatehi-
Sənin
əlin tutan məşəl!
Ay Eşqidi, Gün Eşqidi,
Ay eşidir, gün eşidir!
Şərqdən doğan Günəşdi
ki,
Sənin
əlin tutan məşəl!
Dünyanın sevinc yaşıdı,
Kəbənin qan qardaşıdı,
Həcərül Əsvəd daşıdı,
Sənin
əlin tutan məşəl!
Xoş günlərçün yarışdadır,
Hər addımda,
qarışdadır.
Səngərdədir, döyüşdədir,
Sənin
əlin tutan məşəl!
Haqqın
bizə nəzəridi,
Səhərlərin səhəridi.
Zəfərlərin zəfəridi,
Sənin
əlin tutan məşəl!
Babaların öz odudu,
Alov odu, köz odudu.
Babaların şad ruhudu,
Sənin
əlin tutan məşəl!
Olub Yer, Göy - Azərbaycan,
O tay, bu tay- Azərbaycan!
Bütöy... bütöy Azərbaycan,
Sənin
əlin tutan məşəl!
Hoyumuza çatıb bizim,
Könlümüzə yatıb bizim.
Əlimizdən tutub bizim,
Sənin
əlin tutan məşəl!
Yerlərin qatından çıxdı,
Göylərin bətnindən çıxdı.
Atəşgah odundan çıxdı,
Sənin
əlin tutan məşəl!
Odlar yurdudu, bilirəm,
Qalib ordudu, bilirəm.
Bəşər Odudu, bilirəm,
Sənin
əlin tutan məşəl!
Gücümüz yanmağa çatdı,
Haqqa inanmağa çatdı.
Bir ilkə də imza atdı,
Sənin
əlin tutan məşəl!
İnsanı bərk-bərk tutubdu,
Yox! Günəşi tək tutubdu!
Məşəl yox, ürək
tutubdu,
Sənin
əlin tutan məşəl!
Hamı
bilir, işin haqdı,
Zülmətləri bu haqq boğdu,
Məşəli təzədən doğdu,
Sənin
əlin tutan məşəl!
Məşəl -sevinc, məşəl-
zəfər,
İstəyəni məşəl edər!
Yanacaq Məhşərə qədər,
Sənin
əlin tutan məşəl!
04.05.2015
Barat VÜSAL
525-ci qəzet.- 2015.- 9 may.- S.20.