Elçinin Şekspir əsərinin tamaşası Türkiyədə mükafatlandırılıb

 

İstanbulda Taksim-Bebek Rotary Klubu tərəfindən verilən üçüncü Rotary teatr mükafatlarının təqdimetmə mərasimi olub.

 

Mərasimdə Türkiyə ictimaiyyətinin görkəmli nümayəndələri, elm sənət adamları, İstanbulun tanınmış ziyalıları, teatrsevərlər iştirak ediblər.

 

Azərbaycanın Xalq yazıçısı Elçinin Şekspir əsəri əsasında səhnələşdirilmiş eyniadlı tamaşa da mükafatlandırılanlar sırasında olub. Bu, əməkdar incəsənət xadimi Məlahət Abbasovanın səhnə tərtibatı ilə quruluş verilən tamaşanın Türkiyədə layiq görüldüyü sayca onuncu mükafatdır.

 

Klubun qərarı ilə Məlahət Abbasova İlin ən yaxşı rejissoru, tamaşada tibb bacısı rolunu ifa edən aktrisa Ezgim Kılınç isə İlin ən yaxşı köməkçi qadın aktrisası nominasiyalarında mükafatlara layiq görülüblər. Tamaşa yüksək səhnə dekorasiyasına görə üç müxtəlif teatr mükafatı ilə təltif olunub.

 

Xatırladaq ki, Şekspirin Türkiyədə səhnələşdirilməsi bu əsəri qardaş ölkədə sürətlə populyarlaşdırıb. Təkcə ötən il bu səhnə əsərində oynayan 5 aktyor İlin ən yaxşı aktyoru mükafatına layiq görülüb. Tamaşanın bəstəkarı həmyerlimiz Aygün Səmədzadədir.

 

Şekspir İstanbulun ən mötəbər teatr səhnələrində maraqla oynanılmaqda baxılmaqdadır.

 

S.ABDULLAYEVA

525-ci qəzet.- 2015.- 30 may.- S.17.