"Vahidəm – xalqımın qəzəl şairi..."

 

GÖRKƏMLİ SƏNƏTKARIN 120 İLLİYİ FİLARMONİYADA TƏNTƏNƏ İLƏ QEYD OLUNUB

 

 

Müslüm Maqomayev adına Dövlət Filarmoniyasında görkəmli şair Əlağa Vahidin 120 illiyinə həsr olunmuş təntənəli yubiley gecəsi keçirilib.

 

Tədbirdə çıxış edən Mədəniyyət turizm nazirinin birinci müavini Vaqif Əliyev Prezident İlham Əliyevin "Əlağa Vahidin 120 illik yubileyinin keçirilməsi haqqında" 2015-ci il 18 mart tarixli Sərəncamının əhəmiyyətini vurğulayıb, Azərbaycanda, eləcə Yaxın Şərqdə qəzəl şairi kimi şöhrət qazanmış Vahidin həyat yaradıcılığı barədə ətraflı danışıb: "Müvafiq sərəncama uyğun olaraq ilboyu ölkəmizin hər yerində şairə həsr edilmiş silsilə tədbirlər təşkil olunub. Ölkəmiz müstəqilliyini yenidən bərpa etdikdən sonra Vahid yaradıcılığının tədqiqinə xüsusi diqqət yetirilib, şairin əsərləri çap olunub, haqqında çoxsaylı elmi məqalələr yazılıb. Dahi Füzulini özünün böyük ustadı adlandıran Vahid onun bədii üslubundan, işlətdiyi əruz bəhrlərindən, təsvir ifadə vasitələrindən, qafiyə rədiflərindən bilavasitə faydalanaraq öz yaradıcılığında bədii sözün məna dolğunluğuna, ifadə səlisliyinə nail olub. Klassik qəzəl məktəbinin istedadlı davamçısı kimi öz dəst-xətti ilə seçilən, qəzəlləri satirik şeirləri xalq arasında yayılan Vahid sevilərək dillər əzbərinə çevrilib".

 

Vahid poeziyasının yeni qəzəlxanların yetişməsində mühüm rol oynadığını söyləyən mədəniyyət turizm nazirinin birinci müavini deyib ki, bu gün Azərbaycanın çox yerlərinə şairin adını daşıyan məktəblər, küçələr var ki, bu da Vahid yaradıcılığına olan böyük hörmət sevginin bariz nümunəsidir.

 

Tədbirdə akademik Teymur Kərimli Azərbaycan Yazıçılar Birliyinin katibi İlqar Fəhmi çıxış edərək poeziyamızda xüsusi yeri olan qəzəlxan şair Əlağa Vahidin özünəməxsus yaradıcılıq yolundan söz açıblar. Qeyd olunub ki, ədəbiyyatımıza misilsiz töhfələr bəxş etmiş Vahidin 120 illik yubileyinin keçirilməsi haqqında sərəncam dövlətimizin başçısının sənətə, ümumilikdə ədəbiyyatımıza verdiyi yüksək diqqət qayğının nəticəsidir. Vahid lap gənc yaşlarında Bakıdakı "Məcməüş-şüəra" ədəbi məclisində iştirak edib, ilk şeirlərini yazıb. Satirik şeirlərində ictimai nöqsanları, mövhumatı, zülm haqsızlığı ifşa edib. "Tamahın nəticəsi" adlı ilk kitabı nəşr olunub. "Kupletlər" (1924), "Mollaxana" (1938) kitablarındakı şeirlərində yeniliyə mane olanlar kəskin satira atəşinə tutulub. Böyük Vətən müharibəsi illərində yazdığı əsərlərdə ("Döyüş qəzəlləri", "Qəzəllər" kitabları) Ə.Vahid Vətənə məhəbbət, düşmənə nifrət, qələbəyə inam hissləri təbliğ edirdi. Qəzəlləri poetik dilinin sadəliyi, xəlqiliyi ahəngdarlığı ilə seçilir, xanəndələrin repertuarında mühüm yer tutur.

 

Əsrlərdən bəri qəzəlin baş mövzusu eşq olub. Amma bu eşq mənaları da birrəngli olmayıb. Vahidin qəzəlləri Vətən məhəbbətindən, Tanrıdan tutmuş gözələ qədər ülvi hisslərlə doludur".

 

Gecədə şairin həyatından bəhs edən "Qəzəlxan" filmi nümayiş olunub, tanınmış xanəndələrin ifasında ustad sənətkarın qəzəllərinə bəstələnmiş musiqilər səsləndirilib.

 

S.ABDULLAYEVA

525-ci qəzet.- 2015.- 6 noyabr.- S.7