Mənəvi səfalətin ünvanı
(Müasir dünya
əhalisinin böyük
hissəsi ruhi-mənəvi
səfalət içində
yaşamaqdadır. İnsanları bir araya gətirən
ideya, mənəvi-əxlaqi,
dini və müqəddəs ailə
dəyərlərindən artıq
əsər-əlamət qalmayıb.)
Beynəlxalq ictimaiyyətin idrak səviyyəsi hələ
müasir dövrdə
baş verən ideya dəyişikliyini, əsrlər boyu qazanılmış dəyərlər
itkisini qavrayacaq dərəcədə inkişaf
etməyib. Xeyirlə şər, həqiqətlə
yalan, sevgi ilə nifrət, hərblə sülh arasındakı tarazlıq
o qədər pozulub ki, cəmiyyətdə sülh və əmin-amanlığın bərpası
artıq mümkünsüz
məsələyə çevrilməkdədir.
Riyakar siyasətçilər, acgöz
bankirlər - birja və kapital sahibləri, yüksək mövqeli bir qrup din xadimləri belə mühitin davamlı olmasını istəyirlər desək, yanılmarıq. Bu gün
insanlara mənəvi-əxlaqi
dəyələrin tənəzzülünü
ləngidəcək, eyni
zamanda müasir Qərb cəmiyyətinin əsas ünsürlərindən
olan sosial, maliyyə və ailə-nikah məsələləri
baxımından sabitlik
yaradaraq cəmiyyətin
saflaşdırılmasına doğru gedən yol göstərəcək
tanınmış şəxsiyyətlər,
siyasi xadimlər sanki yoxa çıxıblar.
Düşünürəm ki, bəlkə
də var, amma bütün məlumat alətləri digərlərinin - insanlar
arasında cahillik, mənəviyyatsızlıq yaradanların
əlində olduğundan
onların cəmiyyətə
təsir imkanları yoxdur.
Uzun illərdir özünü
söz azadlığı,
yaşamaq hüququ, ədalətlilik prinsipi, milliyyətindən, dinindən
və irqindən asılı olmayaraq hər kəsə eyni münasibət bəsləmək kimi mühüm demokratik dəyərlər piramidasının
zirvəsində hiss edən
Qərbin yüksək,
varlı təbəqə
nümayəndələri həqiqəti
indi anlayıb. Bütün ölkələrə
təbliğat, söz
vasitsəilə, son on il
ərzində isə silah gücü ilə tətbiq olunan bu "məzmunsuz dəyərlər",
sən demə, demokratiya çətiri altında gizlənmiş yalan, riyakarlıq və xudbinlikdən başqa heç nəyə yaramır. Bu acı həqiqət
ilk növbədə dünyanın
sosial-iqtisadi və mənəvi-əxlaqi sisteminin
faciəvi halı artıq göz qabağındadır. Bunu görməmək
mümkün deyil.
Lakin həqiqəti dərk etmək Qərb dünyası üçün
böyük problemə
çevrilib. İndi dünya
mənəvi-əxlaqi istiqamətini
itirərək fırtınaya
düşmüş və
okeanda idarəsini itirmiş nəhəng gəmini xatırladır.
Gəmidə "yayılan" həyəcan siqnalının
səsi okeanın dörd bir tərəfinə
əks-səda salıb.
Amma gəmi sahildən çox uzaqdadır.
Kimsənin xilas olacağına
ümid getdikcə azalır. Demək, bu dünya
gəmisinin beynəlmiləl
sərnişin heyəti
əzablı ölümə
məhkumdur. Aclıq onlara
güc gələcəyi
anda həyatda qalmaq naminə ölüm-dirim savaşına
girəcəklərinə, özünüxilas instinktinin
zəiflərin məhvinə
səbəb olacağına,
hətta onların ərzağa çevriləcəyinə
insanda heç bir şübhə qalmır. Nə qardaş qardaşa,
nə qonşu qonşuya aman verməyəcək, "can candan
şirindir" deyib qonşularını öldürüb
yemək məcburiyyətində
qala bilərlər.
Bu nəhəng gəminin
sahibi kimi qəbul etdiyimiz dünya kapitalizminin ən "ağıllıları"
belə batan gəminin xilası üçün çıxış
yolu axtarıb tapmaqda, hətta bu barədə düşünməkdə belə
acizlik çəkirlər. Kapital və
hakimiyyət hərisliyi
onların bütün
digər hisslərini,
demək olar ki, məhv edib.
Ədalət, mərhəmət məfhumları artıq onların dərketmə orqanı xaricindədir.
Bu günə kimi bütün cinayətlərin
cəzasız qaldığı,
Yer üzərində
ilahi ədalətin süqut etdiyi bir cəmiyyətdə yaşadığını zənn
edənlər, əlinə
düşən ilk fürsətdə
yoxsulun malını qoparanlar, başqa xalqların sərvətlərini
mənimsəyənlər, özgə torpaqlarını
işğal edənlər
indi canlarını onlar üçün hazırlanmış dar ağacından qurtarmağın
yollarını axtarırlar.
Dünya
xaqlarının faciəsinə
səbəb olmuş bu "cənablar" bir-birlərini müxtəlif
istiqamətlərə doğru
itələyərək zülmətdə
işıq axtaranlara bənzəyirlər. Hər
an əcəlin onları
yaxalayacağı qorxusu
ilə yaşayan həmin "cənab"lar iynənin ucu boyda işığa
həsrət qalıblar.
Həyatın dəyəri onlar
üçün əhəmiyyətini
artıq çoxdan itib. Uzun illər boyu
qarşısında diz
çöküb sitayiş
etdikləri kapital indi onlara xidmət
etməkdən boyun qaçırır. Digərlərinin qanının su yerinə axıdılaraq qazandıqları bu var-dövlət indi nəinki onları ölümün caynağından
xilas edə bilmir, hətta çəkdikləri əzab-əziyyətləri,
düşdükləri acınacaqlı
vəziyyəti kənardan
etinasızcasına seyr
edir. "Dar gündə hər zaman bəndənin imdadına yetişən mələklər" də
onlardan üz çevrib. İndi hər şey
Əzrailin əlindədir.
Son sözü "ölüm mələyi"
deyəcək. O isə
görünür ki, tələsmir hələ
fikirləşir, götür-qoy
edir. Kapital qullarının Yer
üzündə törətdikləri
fitnə-fəsad Əzraili
heyrətləndirə və
ya küsdürə bilməz. O, yalnız
ruhu bədəndən
alandır. Ölüm haqda birinci arayışı o verir.
Amma birdən-birə cəhənnəmə
bu qədər insan ruhunu necə
aparacağını planlaşdırır.
Tanrının nümayəndəsi
sayılan Əzrail nə qədər öz işinin peşəkarı olsa da, güman etmək olar ki, o, ilk dəfə üzləşdiyi böyük
daşqından sonra yaranmış mürəkkəb
vəziyyətdə üzərinə
düşən səlahiyyətləri
icra etməkdə çətinlik çəkir...
Az əvvəl oxuduqlarınız, zənnimcə, bu gün Avropa ölkələrində baş verən hadisələrin əsas səbəblərindəndir. Həmin ölkələrdə yaşayan mühacir müsəlmanların sahib olduqları nə varsa, hər şeyi əllərindən alıb çarəsiz buraxıblar. Söhbət Qərbin qanlı müharibələr apardığı, yüz minlərlə günahsız insanı qətlə yetirdiyi müsəlman ölkələrindən gedir - Əfqanıstan, İraq, Suriya, Liviya. Onların artıq heç bir mülkiyyətə ümidləri qalmayıb. Bu zavallıları həyatda yaşadan tək bir səbəb imanlarıdır. Onlara təsəlli verən də odur ki, onların Allahı nə vaxtsa bu zalımları, cinayətkarları cəzalandıracaq. Onlar Allaha sığınaraq, təvəkkül edərək səfil həyat sürməkdən də çəkinmirlər. Onların yeganə silahı imanlarıdır. Amma məkrli Qərb siyasətçiləri artıq ona da əl uzadıb. İmanları da əlindən alınandan sonra müsəlmanları artıq bu həyatla bağlayacaq heç nə qalmır. Nədənsə Qərb liderləri bu sadə, bəsit həqiqəti dərk etmirlər. Onlar sonda öz xalqlarının və ölkələrinin də məhvinə səbəb olacaq böyük səhvə yol verdiklərini anlamırlar. Belə olduğu halda bu dövlətlər və onların əsasən günahsız sakinləri siyasi və mənəvi-əxlaqi iflasa məhkumdurlar. Avropa vətəndaşlarının şüurunda yaranacaq bu hərc-mərcliklərin qarşısını dünyanın ən güclü ordusu belə almaqda acizlik çəkəcək. Mənəvi boşluq çox qorxulu haldır.
İman ideologiyaya çevrilərkən (bu gün Avropa, Asiya və Afrikada məhz bu proses gedir) o, artıq çox problemi həll etməyə qabil olur. İmanın ideologiyası dindir. O, insanlar, möminlər arasında münasibətləri tənzimləyən yeganə mənəvi strukturdur ki, daxili nəzarəti təmin edir. İman qəlbin məhsuludur. İmanı yalnız qəlbi ilə deyil, həm də şüuru ilə qəbul edən insan ətrafdakılar üçün əsl təhlükə mənbəyinə çevrilir. Bu zaman o, ya yaşadığı cəmiyyətə üsyan edir, ya da onun imanına, ideallarına və prinsiplərinə uyğun gəlməyən həmin cəmiyyəti məhv etməyə başlayır. Söhbət radikal dini liderlərin onlara öyrətdikləri və sayəsində qula çevirdikləri prinsiplərdən gedir. Bütün dinlərdə belə prinsipləri tapmaq və ondan istifadə etmək mümkündür. Hər şey dini necə şərh etməkdən asılıdır. Buna real hadisələri, Qərbin mənəvi səfalətini də əlavə etsək, ümumi mənzərə aydın görünəcək.
Hazırda, xüsusilə Parisdə təşkil olunmuş provokasiyadan sonra yaranmış vəziyyət təsəvvür etdiyimizdən də təhlükəlidir. Qərb artıq müsəlmanların Şərqdə baş verən faciələrə görə Qərbi cəzalandıracağına inandıqları son pənah yeri olan Allahla aralarındakı elçini - Məhəmməd Peyğəmbəri təhqir etməklə bu əlaqəni kəsməyə başlayıblar. Bu da mənəvi dəyərlərini itirmiş Qərb siyasətçilərinin faciəvi sonunun başlanğıcı, mənəvi-əxlaqi pozğunluğun acı nəticələri...
Rafiq Əliyev
525-ci qəzet.- 2015.- 20 yanvar.- S.5.