Məryəm Ələkbərlinin rəsmləri
Dünya İncəsənət Sərgisində
Birləşmiş Ərəb Əmirliklərinin
Dubay şəhərində
Dünya İncəsənət
Sərgisi açılıb.
AZƏRTAC xəbər verir ki, 40-dək ölkəni təmsil edən sənət adamlarının əl işləri ilə birgə Azərbaycana aid guşə də ziyarətçilər üçün
cəlbedici olub.
Azərbaycan tədbirdə gənc rəssam Məryəm Ələkbərlinin 30 rəsm
əsəri ilə təmsil olunub. Ölkəmizə məxsus stendin təqdimatında Prezident Administrasiyasının Humanitar
siyasət məsələləri
şöbəsinin müdiri
Fatma Abdullazadə və Azərbaycanın Dubay Əmirliyindəki baş konsulu Pərviz İsmayılzadə
iştirak edib.
Açılış mərasiminə gələn
Dubay Əmirinin müavini Şeyx Haşır Al Maktum azərbaycanlı rəssamın
yeni əl işlərini maraqla izləyərək, rəsmlərdə
əks olunan yaradıcı keyfiyyətləri
yüksək qiymətləndirib.
Stendimizə maraq göstərən ziyarətçilərə Azərbaycana
xas milli sənət nümunələrindəki
özünəməxsusluq və mədəniyyət
aləminə bəxş
etdiyimiz töhfələr
haqqında məlumat verilib. Sərgiyə təqdim olunan
əsərlərdə qədim
xalçaçılıq ənənələrinə aid milli ornamentlər, Qobustan qayaüstü rəsmlərindən nümunələr
və Azərbaycanın
təbiət gözəllikləri
əks olunub. Eyni zamanda, gənc rəssamın əl işlərindən ibarət
kitablar da sərgi iştirakçılarına
paylanılıb.
Sərginin əsas özəlliyi yaradıcı gənclərin
yeni əl işlərini sənət
dünyasına tanıtmaq
və onların beynəlxalq təbliğinə
dəstək olmaqdır.
Qeyd edək ki, sərgi çərçivəsində
ölkəmizi Yaxın Şərq, Orta Asiya, Avropa, Amerika və Afrikanı təmsil edən sənət
adamları arasında tanışlıq məqsədli
görüşlər keçirilərək rəsm və
heykəltəraşlıqda müasir yanaşmalar, yeni ideyalar mövzusunda
müzakirələr aparılıb.
525-ci qəzet.- 2016.- 9 aprel.- S.12