Görkəmli bəstəkar Qəmbər
Hüseynli yad edilib
Əməkdar incəsənət xadimi, görkəmli bəstəkar
Qəmbər Hüseynli
milli musiqi sənəti salnaməsinə
yeni səhifələr
yazmış sənətkarlardan
biri olub. Azərbaycanın çoxəsrlik mədəni
irsinin təbliğində
onun xalq musiqisi zəminində bəstələdiyi və
dərin lirizmi ilə səciyyələnən
yaradıcılığının özünəməxsus yeri
var.
AZƏRTAC xəbər verir ki, aprelin
14-də Musiqi Mədəniyyəti
Dövlət Muzeyində
görkəmli bəstəkarın
100 illik yubileyinə həsr edilmiş anma mərasimi keçirilib.
Tədbirdə çıxış edən muzeyin direktoru, Əməkdar Mədəniyyət İşçisi
Alla Bayramova Prezident İlham Əliyevin müvafiq Sərəncamı ilə
böyük bəstəkarın
100 illiyinin bir çox mədəniyyət
ocaqlarında qeyd olunduğunu diqqətə
çatdırıb. Bildirib ki,
mərhum bəstəkarın
“Cücələrim” əsəri
bu gün də dünyada sevilə-sevilə dinlənilən
uşaq mahnılarından
biridir. Gəncədə
doğulub boya-başa
çatan Qəmbər
Hüseynli sonralar zəmanəsinin böyük
bəstəkarı olan
Fikrət Əmirov və istedadlı tarzən Zərif Qayıbovla birgə orta ixtisas musiqi
məktəbinin tar sinfində
təhsil alıb. İlk dəfə Cəfər Cabbarlının sözlərinə
“Tellər oynadı” romans-mahnısını bəstələyib.
Bu gözəl vokal əsəri 50 ildən çoxdur müğənnilərin repertuarından
düşmür.
Pedaqogika
elmləri doktoru, professor Vidadi Xəlilov sənətinə,
xalqına can-başla
xidmət edən bəstəkarın özünəməxsus
musiqi duyumu, orijinal üslubu ilə fərqləndiyini söyləyib. Qeyd edib ki, dahi bəstəkar Üzeyir Hacıbəylinin
xüsusi rəğbət
bəstələdiyi Q.Hüseynlinin
yaradıcılığında mahnı və romans janrı mühüm yer tutur. Sənətkarın
romanslarının zirvəsi
sayılan “Ay işığında”,
“Gecələr uzanaydı”,
“İlk məhəbbət”,
“Düşür yadıma”,
“Gülə-gülə”, “Sən-sən”
və digər əsərləri şəffaflığı,
şairanə ehtirası,
incəliyi və xalq ruhuna yaxınlığı
ilə seçilir. Bəstəkarın mahnı çələngində
bütün dünyanı
diyar-diyar dolaşan bir sənət incisi də var - “Cücələrim”.
Qəmbər Hüseynli deyəndə
“Cücələrim” yada
düşür. Mahnı indiyədək
100-dən çox xarici
dildə səslənib.
Bu, Azərbaycan musiqisinin sərhədləri
aşması deməkdir.
Q.Hüseynli “Qızıl quş”
uşaq operettasını
bitirə bilmədi.
Bu, dünyasını çox erkən, 45 yaşında dəyişən
bəstəkarın son əsəri
oldu.
Tədbirdə muzey materialları əsasında hazırlanmış
foto-sərgi, slayd-şou
və bəstəkarın
həyat və fəaliyyətinə həsr
edilmiş “Qəlbin
ay işığında” filmindən
fraqmentlər nümayiş
olunub.
Bəstəkarın oğlu Nəsimi Hüseynli tədbirin təşkilatçılarına və iştirakçılarına
minnətdarlığını bildirib.
Sonda Qədim Musiqi Alətləri Dövlət
Ansamblının müşayiəti ilə Q.Hüseynlinin
əsərlərindən ibarət konsert
proqramı təqdim edilib.
525-ci qəzet.- 2016.- 16 aprel.- S.13