Ay sonası...
Sona xanım Çərkəzin mərhum
ömür yoldaşı, folklorşünas
alim Çərkəz Quliyevin
doğum gününə
"Ölüm son demək deyil..." artıq 20 ilə yaxındır ki, ədəbi mühitdə fərqli və sanballı yazıları, lirik və ictimai-siyasi mövzuda yazdığı
təsirli şeirləri
ilə tanınan və geniş oxucu kütləsi qazanan Sona Çərkəzin
çapdan çıxmış
sayca 14-cü kitabıdır.
Və bu nəşrlər arasında 20 illik bir məsafə, 20 illik həsrət yüklü, nisgil yüklü uzun və ağrılı bir yol var.
Onun
"Çərkəzli, Çərkəzsiz
günlərim" adlı
ilk kitabı sədaqətli
və qayğıkeş
ömür-gün yoldaşı,
BDU-nun ədəbiyyat müəllimi,
folklorşünas alim,
dəyərli insan Çərkəz Quliyevin
avtomobil qəzası nəticəsində qəfil
ölümünün sevimli
Sonasında doğurduğu
şok və sarsıntının məhsulu
olaraq yazılmışdısa,
ondan sonra sıralanan "Nələr
gördüm, dünya,
səndə", "Sənin
xətrinə", "Sənsiz
səninlə", "Bəxtimə
düşən dünya",
"Taleyim mənim",
"Daş olmaq istəyirəm", "Ben dünyayı
tanıyorum" və
sair kitablarındakı
yazılar artıq şəxsi kədər və qüssədən, həyat yoldaşını,
qəlb dostunu, simsarını və arxasını itirən bir xanımın ürək ağrılarından,
tale ilə giley-güzarından
kənara çıxaraq
daha geniş müstəvini əhatə
edir, fərdi hissləri aşaraq ümumbəşəri hadisələri
haqlayır. Nəsr və nəzmlə yazılmış bu ədəbi parçalarda
valideyn böyüklüyündən
və ülviliyindən
tutmuş övlad qayğısı, nəvə
şirinliyi, bacı, qardaş məhəbbəti,
qonşu simsarlığı...
günümüzün ağrıları
və acıları, Qarabağ dərdimiz, Xocalı faciəmiz, 20 Yanvar qırğınımız,
savaşda evlərindən
və yurd-yuvalarından
perik düşmüş
qaçqınlarımız və məcburi köçkünlərimiz... hamısı
var. Uzun illər hüquq-mühafizə orqanlarında
şərəflə çalışmış
"Azərbaycan bayrağı"
ordenli qardaşı Füzulinin müəmmalı
ölümündən tutmuş
keçmiş polis işçisi
olan atası Məmməd kişinin haqqın dərgahına qovuşduğu günəcən...
burada hər bir hadisəyə bir övlad, bacı münasibəti bəsləyən bir ziyalı, bir yazar yanaşması da vardır.
"Yazdım hərdən"
şeirində onun haqqında yazdıqlarımı
tamamilə təsdiqləyir.
Giley dolu fikirlərim,
Kədərimdən yol keçiblər...
Tapıb
mənim ünvanımı,
Ürəyimdən su içiblər...
Yaxud da "Keç dedi..." şeirindəki
kimi...
Zəhər qatıb şərbətimə
Fələk ölmüş iç
dedi,
Soldurub gül-çiçəyimi
Qəm əkdirib biç dedi.
Qəfil
girib taleyimə
Gəl bu yolu seç
dedi,
Köz ələyib o yollara
Ayaqyalın keç dedi...
Türkiyə türkcəsində qələmə aldığı
"Sözünü tutmadın"şeirində
isə
Yorulmuşum bu hayattan,
Dönməm bir daha dünyaya,
Çekdigim öyle dert var ki,
Bir anı benzer bin aya...
- deyərək,yorğunluğundan
giley-güzar edir, geri çəkilib
dinlənmək istəyir,
amma bacarmır.
"Əfsus" şeirində
də bu motiv hakimdi:
Məzarımın üstünə sinə
daşı qoymayın,
Mən onsuz da yorğunam,
torpağımı yormayın...
Əlbəttə, bu şeirlərinə görə Sona xanımı başa düşmək mümkündü. Onun yaradıcılığını
təhlil edənlər
Sona xanımın dərdlərinin də fərqli olduğunu, fikirlərinə, düşüncələrinə
rəng qatdığını
əbəs yerə söyləmirlər. Amma
Sona xanım araya-ərsəyə gətirdiyi
14 kitabla sübut edə bildi ki, ona əlinə
qələm götürüb
şeir yazdıran əslində yalnız kədər deyil, taledən küskünlük
deyil, o ətraf aləmə, hər şeyə poeziya gözü ilə baxıb düşüncələrini
muncuq kimi nəzmlə düzə bilir. Elə buna görə
də şeirlərinin
geniş oxucu kütləsi var, yaradıcılığına müraciət
edən tənqidçilər
əsərlərini peşəkarlıqla
təhlil edirlər.
Bəzən düşünürəm ki,
Sona xanımı ədəbi aləmə atan, bir-birindən maraqlı və dərin məzmunlu şeirlər yazdıran yalnız dərd deyil. Onda doğuşdan
gəlmə bir istedad, bacarıq var. Sadəcə bunu üzə çıxarmağı
gərək bilməmişdi,
həm də ailə qarışıq ətrafındakıların bitib-tükənməyən
istəkləri, problemləri
şamın ətrafında
dövrə vuran pərvanə timsallı Sona xanımın şeirə olan marağını, digər
qabiliyyətlərini arxa
plana çəkmişdi.
Çərkəz müəllim əbədiyyətə
qovuşan günə
qədər Sona xanımın həyat qayəsi, yaşam fəlsəfəsi ailəyə,
qohum-qardaşa, çalışdığı
kollektivə, ümumilikdə
desək insanlığa
rəğbət və
qayğıdan yoğrulmuşdu.
Başqa heç bir şey! Amma
kim olur
olsun, heç kəs alnımızdakı
yazını poza bilməz, necə deyərlər, əlimizdəkini
alarlar, alnımızdakını
poza bilməzlər. Sona xanım da məhz
belə bir fərqli ömür yaşamalıymış. Həyatını tən ortadan
yarı bölən o
müdhiş yol qəzası onu tamam başqa bir adama - yazı-pozu
əhlinə çevirdi.
Yuxarıda sadaladığım
yüksək insani keyfiyyətləri özündə
daşımaqla yanaşı
ədəbi aləmə
yeni bir imza da gəldi:
SONA ÇƏRKƏZ. Sədaqətli və qayğıkeş ömür yoldaşı,
həyat arkadaşı
Çərkəz Quliyevın
ölümündən sonra
onun adını soyadına əlavə etdi, yarım qalmış ömrünü
də öz ömrünə qatdı,
beləcə yaşadı,
beləcə yazdı-pozdu,
beləcə sadiqliyini
göstərdi, beləcə
həyatını davam
etdirir.
Dediyim kimi Sona xanım
poeziyasında dövrümüzün
və günümüzün
aktual mövzularına
müntəzəm yer
verir, insanlığı
narahat edən olaylardan yan keçmir, əksinə şama möhtac
pərvanələr kimi
özünü bu hadisələrin içində
yandırır. 20 Yanvar
faciəsi şəhidlərinin
məzarlarına örtük
olmuş qərənfilləri
Sona xanım poetik dillə belə təsvir edir:
Millətimin şəhidinə kəfən
olub,
Qan bağlayan qərənfillər...
"Ana torpaq" şeirinə diqqət yetirək:
İnsafa
gəl ana torpaq,
Cavanlara
qıyma barı.
Qoyma pöhrə ikən sola,
Milyon-milyon arzuları...
Təbii ki, burda illərdir
davam edən Qarabağ savaşına işarə olunur, gənc ikən dünyasını dəyişib
şəhidlik donunu geyinən cavanlarımıza
ağı deyilir.
lll
Ay sonası, çay gətir mənimçün,
Qələndərəm, pay gətir mənimçün,
Bağ yeridir qəndi çox işlətmərəm,
İstəyirsən, say gətir mənimçün...
Ölməz dramaturqumuz Cəfər Cabbarlının dillər əzbəri olan bu misralarını nədən xatırladım, niyə görə bu yazıda ona istinad etdim, dəqiq deyə bilmərəm. İlk öncə Sona adlarının eyniliyi diqqətimi çəkmişdisə, həyat yoldaşından bir çay istəmənin bu qədər məhrəmanə formada,həm də poeziya dilində ifadəsinin mümkünlüyü və ən başlıcası isə uğurlu alınması hələ orta məktəb illərindən diqqətimi çəkmişdi. Bir dəfə oxumaqla yadımda əzbər qalan misralar idi.
Yazımın qəhrəmanı Sona xanımdan isə yalnız çay istəmədilər: ev xanımı, qayğıkeş həyat yoldaşı, mehriban ana, hazırlıqlı və bilikli müəllim, qohum-əqrəbanın ümid yeri, tanışların simsarı, kimsəsizlərin himayədarı, bir sözlə, tanıyıb-tanımamasından asılı olmayaraq ondan kömək umanların ümid dolu ünvanı... Bəlkə də, Sona xanımın çiyninə düşən məsuliyyəti bütünlüklə, yükün çəkisini isə olduğu kimi izah edə bilmədim. Çünki bu mümkünsüz bir şeydi. Elədiklərini heç vaxt dilə gətirməz, birini bilərlərsə, onunu gizli saxlar. Qarşı tərəf dilə gətirməzsə, özü kimsəyə bu barədə söyləməz. Xarakteri belədi. Çünki xeyirxahlığı özünün insani borcu bilir. Amma orası da var ki, ona edilən zərrə qədər yaxşılıq-diqqət, qayğı, haqqında yazılan bir-iki cümlə fikir, üzünə söylənən layiq olduğu tərifli sözlər onu o qədər təsirləndirir ki, təvazökarcasına"bu qədər tərifə gərək yoxdu, mən neyləmişəm ki..." deyərək qarşısındakına sanki giley edir... Amma respublikanın ədəbi mühitinə daxil olduqdan sonra çevrəsini daha da genişləndirən həssas oxucuları, sevimli tələbələri, şeirlərinin və publisist yazılarının, ümumilikdə yaradıcılığının daimi izləyiciləri onu ən azından sadiq dostları qədər, tanışları, qohumları, sirdaşları qədər yaxından tanıyırlar. Çünki S.Çərkəz yaradıcılığı onun özünün həyat manifestidir.
Burada ömrünün ən mübhəmanlarından, onu hər an müşayiət edəcək ən kiçik detallardan tutmuş valideyn sevgisi, övladlıq borcu, dost sədaqəti, respublikanın ictimai həyatında baş vermiş müxtəlif hadisələrədək Sona xanımın nəzərindən heç biri yayınmır, diqqətindən kənarda qalmır.Sevimli ömür - gün yoldaşı, folklorşünas alim Çərkəz müəllimin vaxtsız ölümünün sarsıntıları və onda yaratdığı ümidsizliyin, həyatdan küskünlüyün və böyük həsrətin acısıyla qələmə sarılan Sona xanım bu gün ən çox oxunan və mütaliə edilən yazarlar səviyyəsinə yüksəlmişdir. Bu da təsadüfi deyildir. Çünki onun baxış bucağından kənarda qalmaq qeyri-mümkündür. Həssas, uzaqgörən və məsuliyyətli, həm də son dərəcə diqqətli bir insan, dövrünün ziyalısı, sanballı söz sahibidir. Ən mühümü də odur ki, yazmaqdan usanmayan, dərdlərindən sıyrılmağı bacarmayan, daha doğrusu, bunu istəməyən, içində özününküləşmiş dərdlərinə bir daha qucaq açan Sona xanımın yaradıcılığı da onun oxucularını və ondan bəhs edən yazarları bezdirmir, yormur. Çünki onun qələmə aldıqları yeknəsəq fikirlər, dayaz mövzular deyil, həyatımızın bir-birindən maraqlı və rəngarəng tərəfləridir. Təkrarsızlıq və yeniliklər isə hamını cəlb edir, öz orbitində saxlayır. Sona xanımın qələminin məhsulu olan ondan çox kitab kimi.
Əntiqə QONAQ,
Əməkdar jurnalist
525-ci qəzet.- 2016.- 21 aprel.- S.7.