Kövrək duyğuların tərənnümçüsü
Radio dalğalarının yaydığı
mahnılardan biri belə adlanır: “Mənə dəniz verin”.
Həzinliklə bərabər xoş ovqat bəxş edən şərqinin sözləri, sonradan bilmişəm ki, tanınmış şair
Sabir Abdininmiş. Bir neçə
ildir ki, yaxın yoldaşıq.
Bir zaman Mərdəkandakı
sanatoriyada daimi ünsiyyətimizin təməlini
qoymuşuq. O vaxt
həmkarımın çapa
hazırladığı qələm
məhsullarını mən
də gözdən keçirib, axıcılıqla,
oynaqlıq və məzmunla zəngin misraları xoşladım.
Bu yaxınlarda “Yazıçı”
nəşriyyatına getmişdim. Direktor Şəmsi Vəfadar Sabir Abdinin təzəcə
işıq üzü
görmüş kitabını
bağışlayıb dedi:
“Bəlkə mətbuat
səhifələrində öz
təəssüratını bildirəsən?”. Beləliklə müəllifin “Adını
sən seç” şeirlər kitabını
yubanmadan oxudum və ləngimədən
qeydlərimi qısa şəkildə də olsa oxuculara çatdırmaq qərarına
gəldim. Bəri
başdan bildirim, toplunun ön səhifələrində görkəmli
professor, ədəbiyyatşünas alim, Respublika Dövlət Mükafatı
laureatı Nizaməddin
Şəmsizadənin “Bədii
sözə ehtiram” sərlövhəli məqaləsi
yer alıb. Yazıda diqqət çəkən belə cümlələrlə rastlaşdım:
“Dünyada şairlik ixtisası yoxdur. Təhsilin sahəsinə görə hüquqşünas,
aqronom, çilingər
və s. peşələr
var. İnsan ya şair doğulur, ya da yox,
sadəcə nəzm qaydaları üzrə sözqoşan olur...”
Nüfuzlu hüquqşünas Sabir Abdin yüz on yarpaqdan ibarət misra düzümünü
maraqlı başlıqlarla
bölmələrə ayırıb. “Bir sən idin, bir də mən”,
“Pəncərəmi döyən
yağış”, “Bağlı
qapılar”, “Ölüm
və mən”. Mövzu rəngarəngliyi, məna
dərinliyi, təsvir
üsulları o qədər
təsirləndirici oldu
ki, bəzi bəndləri, beytləri,
sətirləri seçib
ayırdım. Onlardan bir
neçəsini misal göstərmək istəyirəm.
İşğala məruz qalan, nankor qonşuların tapdalayıb xarabaxanaya çevirdiyi torpaqlarımızın
taleyi Sabir müəllimi bərk düşündürür. Kövrək
duyğuların tərənnümçüsü
ürək ağrısı
ilə yazır:
Bənövşənin xalı yox,
Göz açmağa halı yox;
Durnaların yolu yox,
Qarabağa yaz gəldi.
“Sizsiz, sizinlə”,
“Sənə məktublarım”,
“Qınamasın yurdum
məni” - bu şeirlər Sabir Abdin qələminin vətənpərvər oxuculara
töhfələridir.
Əbədiyaşar, unudulmaz Milli Qəhrəmanımız
Mübariz İbrahimliyə
həsr etdiyi şeir daha təsirlidir:
Böyük türk ellərində,
Doğma
Azərbaycanın
Hər qarış torpağında,
Hər könüldə, ürəkdə,
Hər arzuda, diləkdə
Sənin
evin, ocağın var,
Sənin
isti bucağın var!
Odlar ölkəsinin
gözəlliklərini söz
rəssamı kimi nəzərimizdə canlandıran
müəllif doğulduğu,
boya-başa çatdığı
dədə-baba məskənini,
uşaqlıq çağlarını,
həyatın enişli-yoxuşlu
yollarında sabaha doğru inamla irəliləməyini yadda
qalan lövhələrlə
xatırladır.
Kitabda zövq
oxşayan nəğmə
mətnlərinə də
yer verilib. İstedadlı bəstəkar Nazim Əzimlinin musiqisi ilə uyğunlaşan poeziya mətnləri də təqdirəlayiqdir.
Ümumiyyətlə, tanınmış şair Sabir Abdinin “Adını sən seç”
toplusu onun ictimaiyyətlə
növbəti, uğurlu görüşü
sayılmalıdır.
Oqtay RZA
Əməkdar müəllim
525-ci qəzet.- 2016.- 27 avqust.- S.14.