Sərdar Fərəcovun müəllif konserti

 

Dekabrın 8-də Müslim Maqomayev adına Azərbaycan Dövlət Filarmoniyasının kamera orqan musiqi zalında tanınmış bəstəkar Sərdar Fərəcovun müəllif konserti təşkil olunub.

 

AZƏRTAC xəbər verir ki, konsert Mədəniyyət Turizm Nazirliyinin təşkilatçılığı ilə reallaşıb.

 

Əvvəlcə Azərbaycan Bəstəkarlıq İttifaqının katibi, Əməkdar İncəsənət Xadimi Sərdar Fərəcovun yaradıcılığı haqqında məlumat verilib, onun yaratdığı musiqi nümunələrinin özünəməxsusluğundan danışılıb.

 

Daha sonra Zülfiyyə Sadıqovanın bədii rəhbərliyi ilə Xəzər Universitetinin kamera orkestri çıxış edib. Konsertdə gənc ifaçılar Fəridə Məmmədova, Sevinc Kərimova, Sevda Həsənova, İnci Azmanlı və Töhfə Əliyeva bəstəkarın tarorkestr üçün yazdığı Qarabağ, Rondeletto, o cümlədən Vals, Türk rəqsi və başqa musiqi kompozisiyalarını səsləndiriblər. Konsertdə Dövlət Simli Kvartetinin ifasında da müxtəlif musiqi əsərləri dinlənilib.

 

525-ci qəzet.- 2016.- 10 dekabr.- S.13.