Bişkekdə Rəşid BehbudovMüslüm Maqomayev yad edilib

 

 

Dekabrın 17-də Bişkek şəhərində Abdılas Maldıbayev adına Qırğız Milli Akademik Opera Balet Teatrında Rəşid Behbudovun 100 illik yubileyinə Müslüm Maqomayevin yaradıcılığına həsr olunmuş "Göy əbədiyyət" adlı qala-konsert keçirilib.

 

Tədbirin əvvəlində teatrın foyesində qonaqları Qırğızıstanda yaşayan azərbaycanlıların İctimai Birliyi olan "Azəri"nin musiqi ansamblı qonaqları Azərbaycanın milli mahnıları ilə qarşılayıblar.

 

Tamaşaçılarla dolu olan nəhəng salonda Qırğız Respublikasının rəsmiləri, görkəmli ziyalılar - elm, mədəniyyət, ədəbiyyat xadimləri, ictimaiyyətin tanınmış təmsilçiləri, soydaşlarımız iştirak ediblər.

 

A.Maldıbayev adına Milli Akademik Opera Balet Teatrının baş direktoru Bolotbek Osmonov gecəni açaraq, növbəti dəfə Azərbaycan mədəniyyəti ilə bağlı belə böyük tədbirin onun rəhbərliyini etdiyi teatrda keçirildiyinə görə böyük fəxr həyəcan duyğusu yaşadığını, qala-konsertin dahi sənətkarlar Rəşid Behbudov Müslüm Maqomayevə həsr olunmasının xüsusi önəm daşıdığını, qırğız xalqının onlara böyük rəğbət sevgi bəslədiyini qeyd edib.

 

Baş direktor belə tədbirlərin hazırlanmasında keçirilməsində verdiyi ardıcıl dəstəyə görə Azərbaycanın Qırğız Respublikasındakı Səfirliyinə minnətdarlığını bildirib.

 

Sonra səfir Hidayət Orucov çıxış edərək, Azərbaycanın dahi sənətkarlarına verilən qiymətə görə qırğız xalqına təşəkkürünü dilə gətirib. Səfir son zamanlar həm Azərbaycanda, həm   Qırğızıstanda mədəni əlaqələr baxımından bir çox vacib tədbirlərin keçirildiyini qeyd edib. O, belə tədbirlərin təşkil olunmasının iki qardaş xalqı daha da yaxınlaşdırdığını vurğulayıb. Sonra H.Orucov həm R.Behbudovun, həm M.Maqomayevin şəxsiyyəti yaradıcılığı barədə fikirlərini bölüşüb, prezident İlham Əliyevin təşəbbüs tapşırıqları əsasında hər iki korifey sənətkarın xatirəsinin layiqincə anıldığını əbədiləşdirildiyini diqqətə çatdırıb.

 

Sonra rejissor İskender Saatbayevin quruluş verdiyi, Rəşid Behbudovun repertuarından, Müslüm Maqomayevin, Üzeyir Hacıbəyovun əsərlərindən, həmçinin Sevil Əliyevanın, Gövhər Həsənzadənin musiqilərindən ibarət qala-konsert başlanıb. Qala-konsertdə Qırğızıstanın populyar opera müğənniləri Yuliya Babiç, Almaz İstambayev, Ayzirek Momunova, Yelena Ovçinnikova, Elnura Kanatbekova, Said Bekmuratov, Aleksandr Donis, Kamçıbek İsenbayev, Anton Leshov ilə yanaşı həmyerlimiz Faik Baxışev, "Almaz-studio" qrupunun üzvləri, "Bişkek Biq-bend" rəqs qrupu çıxış edib. Bir çox mahnılar Azərbaycan dilində səsləndirilib. Müslüm Maqomayevin "Azərbaycan" mahnısı ilə bitən qala-konsert gur alqışlarla müşayiət olunub.

 

Tədbir yaxın günlərdə göstərilmək üçün ölkənin əsas dövlət kanalı olan İctimai Televiziya (KTRK) vasitəsi ilə tam şəkildə lentə alınıb.

 

CEYHUN

 

525-ci qəzet.- 2016.- 20  dekabr.- S.8.