Bakıda yeni mütaliə mərkəzi - “Açıq kitabxana” istifadəyə verildi

 

Bakıda yeni mütaliə mərkəzi - <b style="color:red">“Açıq kitabxanaistifadəyə verildi</b>

Ötən gün Azərbaycan Respublikası Mədəniyyət və Turizm Nazirliyi ilə Milli Kitabxananın birgə reallaşdırdığı “Açıq kitabxanamütaliə mərkəzinin açılış mərasimi keçirilib.

Açıq kitabxana”nınMən oxudum, sən oxu!” devizi altında fəaliyyət göstərəcəyi bildirilib. Sərbəst istifadə kitab mübadiləsinə şərait yaradılan mərkəzə hər kəs günün istənilən vaxtı müraciət edə bilər.

KitabxanadaPoeziya gecələri”, yazıçılar, şairlər naşirlərlə görüşlərin keçirilməsi nəzərdə tutulur.

Həmçinin yaxın günlərdə kitab satış məntəqəsi, digər ölkə şəhərlərdən onlayn kitab sifarişi həyata keçiriləcək.

Mədəniyyət turizm naziri Əbülfəs Qarayev qırmızı lenti kəsərək yeni mütaliə mərkəzini açıq elan edib. Ə. Qarayev bu layihənin dünyada tətbiq olunan təcrübə olduğunu deyib:

“Mən düşünürəm ki, açıq kitabxanalar təkcə burada təşkil olunmamalıdır. Azərbaycanın müxtəlif bölgələrində, parklarında, insanların asudə vaxtlarını keçirdiyi yerlərdə bu cür mərkəzlər yaradılmalıdır. Bu layihə əhalinin kitaba münasibətinin dəyişməsinə çox müsbət töhfə verə bilər”. Mərasimin aparıcısı - Milli Kitabxananın direktoru Kərim Tahirov layihənin gerçəkləşdirilməsi barədə danışıb.

Azərbaycan Yazıçılar Birliyinin sədri, Xalq yazıçısı Anar bu təşəbbüsü yüksək qiymətləndirib:

Kitabla bağlı hər tədbir, hər təşəbbüs yazıçıları sevindirir. Müasir texnologiyalar kitabları bir az sıxışdırır. Belə şəraitdə kitab mütaliə mərkəzlərinin yaradılması çox təqdirəlayiq haldır”.

Millət vəkilləri Nizami Cəfərov, Qənirə Paşayeva, Hikmət Babaoğlu, AMEA Mərkəzi Elmi Kitabxanasının direktoru Leyla İmanova, Səbail rayon icra hakimiyyəti başçısının müavini Eldar Ağayev çıxış edərək layihənin yeni mütaliə mərkəzinin əhəmiyyətindən danışıblar.

 

Müşfiq ŞÜKÜRLÜ

525-ci qəzet.-2016.- 16 iyul.- S.13.