Sən oldun...

Unudulmaz Nurəngiz Günün əziz xatirəsinə

Sən oldun günəşin, güllərin dostu,

Sən oldun ayların, illərin dostu,

Sən oldun xınalı əllərin dostu,

Sən oldun, Sən oldun!

Ayrı bir aləmdən gələn sən oldun,

Kövrələn biz olduq, gülən sən oldun,

Bizi bizdən yaxşı bilən sən oldun,

Sən oldun, Sən oldun!

Tanrı göylərində mələk oldun sən,

Sevgi qanadında dilək oldun sən,

Ürəklə yaşadın -ürək oldun sən,

Sən oldun, sən oldun!

Jaləni, Müjganı nisgilli qoyan,

Əbədi yuxudan bircə an oyan,

Bircə sözümüzdən bizləri duyan,

Sən oldun, sən oldun!..

Maşallah MƏFTUN

525-ci qəzet.- 2016.- 4 mart.- S.4.