Bölgələrdə Vurğun
təntənələri
Təbiət baharda təzələnir. Sözün də
baharı olur. Sözün baharı böyük sənətkarlardır.
Dünyaya baharda gəlmiş, dünyadan baharda getmiş, Azərbaycanın
ilk Xalq şairi Səməd Vurğun bəlkə elə ilk şeirini də baharda yazmışdı. Elə buna
görə də onun şeirləri əbədi qüdrətə
malikdir, həmişəbahardır. Martın 21-i YUNESKO tərəfindən Ümumdünya Poeziya Günü kimi qeyd olunur. Bu gün xalqımızın
milli bayramı olan Novruza təsadüf
etsə də, bir də ona
görə önəmlidir
ki, martın 21-i həm də Xalq şairi Səməd Vurğunun doğum günüdür.
Bu təqvimin dünya şeir bayramı elan olunması poeziya kəhkəşanının sönməz
ulduzu olan böyük ustadın tale
yazısıdır.
Ulu öndərimiz
Heydər Əliyevin S.Vurğun irsinə böyük rəğbəti
vardı. Təsadüfi deyil ki, H.Əliyev
onun barəsində deyib: "Səməd Vurğun böyük şairdir. Şərq aləmində şair
həmişə ən
yüksək hörmətə
layiq olmuşdur.
Səməd Vurğun isə
öz dövrünün
şairlərinin şairi
olubdur".
Səməd Vurğunun poeziya
günlərinin keçirilməsi
ənənəsi məhz
ümummilli liderimiz
Heydər Əliyevin imzaladığı sənədlə
meydana gəlib. Dahi şairimizin 110 illiyi münasibətilə də
bu ənənə davam etdirildi. Böyük sənətkarın
doğulduğu Qazax
torpağında Yazıçılar
Birliyinin Qazax zona şöbəsinin təşəbbüsü ilə müxtəlif tədbirlər keçirildi.
lll
Martın 21-də Vurğun ocağında - Yuxarı Salahlıdakı
poeziya evində tədbir təşkil edildi. Bakıdan və respublikanın
müxtəlif regionlarından
gəlmiş qonaqların
iştirakıyla keçirilən
möhtəşəm poeziya
bayramı yubiley ərəfəsində şairin
ad gününə ən
gözəl hədiyyə
oldu.
Tədbirin aparıcısı AYB-nin Qazax zona filialının
sədri Barat Vüsal
S.Vurğunun şair kimi, şəxsiyyət kimi böyüklüyündən
söhbət açdı.
Görkəmli alim-tədqiqatçılar Rüstəm Kamal, Valeh Nəsibli, Yusif Alı Avşar, Musa Vəliyev, Hacı Zaməddin Ziyadoğlu, Zərəngiz
Dəmirçi Qayalı
və b.böyük şairin həyat və yaradıcılığı
ilə bağlı fikirlərini bölüşdülər.
Şairlərdən Rüstəm Qazaxlı, İbrahim İlyaslı, Mustafa Rasimoğlu,
Əbülfət İslam,
Saqif Qaratorpaq, Səhlədar Hidayətoğlu,
Məzahir Yaqub, Mübariz Qaragözlü,
Tamella Poladlı, Elməddin Nicat, gənc şairlər Gülnar Səma, Məhəmməd Mehdixanlı,
Sevil İşıq, Şəfa Vəli, İntiqam Yaşar, Təhminə Çaxmaqlı,
Rüfət Axundlu, Mehman Rasimoğlu, Pərvanə Muradlı, Elnaz Süleymanlı,Günel
Bayramsoy, Məhəmməd
Turan və digərləri S.Vurğunun
poeziya işığında
ürək sözlərini
şeirlə ifadə
etdilər.
Məktəblilərin ifasında şairin şeirlərindən nümunələr
səsləndi, "Səma"
rəqs qrupunun çıxışı iştirakçılar
tərəfindən alqışla
qarşılandı.
Tanınmış el aşıqları aşıq Camoy, aşıq Hüsən, aşıq Samir, aşıq Hüseyn və başqalarının
ifasında səslənən
saz havaları məclisi daha da rövnəqləndirdi.
lll
"Sərhəd" tədris müəssisəsində
də S. Vurğunun
110 illiyi ilə bağlı tədbir keçirildi. Şairlərdən Barat Vüsal və
Səhlədar Hidayətoğlunun
da iştirak etdiyi tədbirdə daha çox söz məktəblilərə
verildi. Onlar şairin şeirlərindən
əzbər söyləyib,
əsərlərindən parçalar
səsləndirdilər. Azərbaycan dili və ədəbiyyat
müəllimi Afaq Qazaxlı S.Vurğunun həyat və yaradıcılığı ilə
bağlı məruzə
ilə çıxış
etdi. Sonda tədris müəssisəsinin
müdiri Mövsüm
Həmidullayev belə
tədbirlərin tərbiyəvi
əhəmiyyətindən söhbət açıb,
mərasim iştirakçılarına
öz təşəkkürünü
bildirdi.
lll
Bu günlərdə isə Ağstafa Yazıçılar Evində
S.Vurğunun 110 illik yubileyi təntənəli
şəkildə qeyd
edildi. Tədbirin aparıcısı "Hüseyn
Arif" adına
ədəbi məclisinin
sədri şair Saqif Qaratorpaq giriş nitqi söyləyərək sözü
AYB-nin Qazax zona filialının sədri, şair B.Vüsala verdi. O, tədbir iştirakçılarına
S.Vurğunun məlum olmayan və ya az bəlli olan xüsusi məziyyətlərindən
danışdı.
Uzun illər
təhsil sahəsində
çalışmış, qabaqcıl marif xadimi, 90 yaşlı ağsaqqal müəllim
Mahmud Məmmədov öz
çıxışında böyük şairi görməsindən fəxrlə
danışaraq, xatirələrini
söylədi. Ağstafa şəhər 1 saylı məktəbin şagirdləri Jalə və Eltacın ifasında şairin şeirləri dinlənildi.
Şairlərdən Mustafa Rasimoğlu,
Səhlədar Hidayətoğlu,
Aydın İbrahimoğlu,
Vaqif Əli, Qurban Həmidoğlu çıxışlarında S. Vurğun şəxsiyyətinə
və şeirinə məhəbbətdən söhbət
açdılar.Gənc şair,
prezident mükafatçısı
Rüfət Axundlu böyük şairin poeziya işığında öz
şeirini dedi. S.Vurğun poeziyasının pərəstişkarı,
şeir-sənət vurğunu
Misir Qələmçəli
şairə həsr olunmuş poemadan böyük bir hissəni əzbər söylədi.
Aşıq Hüseyn Əzizoğlu, aşıq Rauf, aşıq İlqar Qələmçəli, balaca
aşıq Vüsalın
və rayonun incəsənət ustalarının
çıxışları tədbir iştirakçılarına
xoş ovqat bağışladı.
lll
Səməd Vurğunun adını daşıyan Qazax şəhər 2 saylı orta məktəbində də yubiley tədbiri keçirildi. Zəngin pedaqoji və təlim ənənələri olan bu təhsil ocağı 1965-ci ildən fəaliyyət göstərir.
Məktəbin direktoru Eyvaz Rəfiyev iştirakçıları salamlayaraq tədbiri aparmaq üçün sözü təşkilatçı müavin Elnurə İbrahimovaya verdi.
Məktəbin dil, ədəbiyyat müəllimi Firəngiz Abdullayeva S.Vurğunun həyat və yaradıcılığı haqqında məruzə ilə çıxış etdi.
Şair B.Vüsal S.Vurğun poeziyasının həmişəyaşarlığının poetik sirlərindən söhbət açdı.
Şair M.Rasimoğlu böyük şairin şəxsi keyfiyyətlərindən, qəhrəman, cəsarətli şair kimi fəaliyyətindən nümunələr gətirərək, bu sahədə tədqiqata ehtiyac olduğunu bildirdi.
Şairlərdən Tamella Poladlı, Bilal Qoca dahi şairə həsr etdikləri şeirlərini oxudular.
Məktəblilər Balaməmmədov Məhəmməd, İsmayılova Nəzrin, Aslanova Aysel, Əfəndi İsmayıl və başqalarının ifasında şairin şeirləri əzbər söyləndi, rus dilinə tərcümələri səsləndirildi.
Sonda dahi şairə həsr olunmuş rəsm sərgisində müsabiqənin qalibləri mükafatlandırıldı.
Mustafa RASİMOĞLU
525-ci qəzet.- 2016.- 30 mart.- S.4.