Hərbi liseydə Səttar Bəhlulzadə ilə bağlı görüş

Cəmşid Naxçıvanski adına Hərbi Liseydə Azərbaycan Rəssamlar İttifaqının kollektivi ilə incəsənət həftəsi çərçivəsində Xalq Rəssamı Səttar Bəhlulzadənin yaradıcılığına həsr olunmuş görüş keçirilib.

Müdafiə Nazirliyinin mətbuat xidmətindən AZƏRTAC-a bildiriblər ki, görüşdə Xalq Rəssamı Arif Hüseynov, Əməkdar İncəsənət Xadimi Ziyadxan Əliyev və rəssam Adil Şıxəliyev Səttar Bəhlulzadənin yaradıcılığından və yaratdığı əsərlərdən danışıblar.

Hərbi liseydə rəsmlə məşğul olan kursantlara rəsm ləvazimatları və S. Bəhlulzadənin yaradıcılığına həsr olunmuş kitablar hədiyyə edilib.

Sonda qonaqlar kursantların çəkdikləri rəsmlərə tamaşa edib və onlarla xatirə fotosu çəkdiriblər.

525-ci qəzet.- 2016.- 31 mart.- S.7.