“Cənnətdən yuxarı” Türkiyədə
maraqla qarşılanıb
Mayın 7-də Ankarada Türkiyə Yazıçılar Birliyinin
“Şənbə söhbətləri”
layihəsi çərçivəsində
azərbaycanlı yazıçı-jurnalist
Təranə Vahidin “Cənnətdən yuxarı”
kitabının təqdimatı
keçirilib.
Tədbirdə yazıçının fərqli
üslubda qələmə
aldığı qısa
hekayələrinin məziyyətlərindən
söz açılıb,
yaradıcılığı ilə bağlı müəllifə suallar ünvanlanıb, hekayə
və esseləri oxunub. Sonda Təranə
Vahid “Cənnətdən
yuxarı” kitabını
imzalayaraq
Mayın 9-da isə Kayseri şəhərinin
Erciyes Universitetinin Ədəbiyyat fakültəsində
“Cənnətdən yuxarı”
kitabının geniş
təqdimatı və
imzalanma mərasimi keçirilib. Təqdimatda Erciyes Universiteinin professoru Qafar Mehdiyev, Əddəbiyyat fakültəsinin müəllimi
Əsli Xəlilqızı,
Türkiyənin tanınmış
yazıçısı İmdat
Afşar, Kayseri Mədəniyyət
və Turizm Şöbəsinin müdiri
İsmet Taymuş, universitetin müəllim və tələbə heyəti iştirak edib.
Azərbaycan ədəbiyyatının türk dünyasında yorulmaz təbliğatçısı
İmdat Afşar çıxış edərək
Təranə Vahidin yaradıcılığını geniş təhlil edib. O, yazıçının
yaradıcılığından ana xətt kimi
keçən Qarabağ
hekayələrini müharibə
mövzusunda yazılmış
“ən təsirli kiçik nəsr nümunələri” adlandırdı.
O, qeyd edib ki, bu hekayələr
dünyanın istənilən
dilinə çevrilsə
böyük maraqla qarşılanacaq. Çünki bu hekayələr fərqli üslubda, fərqli düşüncə
və ustalıqla qələmə alınıb.
Tədbirin sonunda Təranə
Vahid ədəbiyyatla
bağlı fikir və düşüncələrini
iştirakçılarla bölüşüb,
bu gün Azərbaycan ədəbiyyatında
Qarabağ mövzusunun
əsas mövzulardan biri olduğunu qeyd edib, Qarabağ
dərdlərindən, Vətənindən
ayrı düşən
insanların yaşantılarından
və həsrətlərindən
söz açıb.
Tədbirdə iştirak edən tələbələr ayağa
qalxaraq “Qarabağ bizimdir, bizim olacaq!” şüarını
səsləndirərək yazıçıyla
həmrəy olduqlarını
bildiriblər.
Təranə Vahid “Cənnətdən
yuxarı” kitabının
türk dilində işıq üzü görməsində əməyi
olan hər kəsə - nəşrin
redaktoru Əsli Xəlilqızı Əliyevaya,
kitabı türk dilinə çevirən Ünal Yoldaşa, kitabın korrektoru Fatma Nura və
eləcə də Erciyes Universitetinin müəllim və tələbələrinə öz
təşəkkürünü bildirib.
Müəllif yüzdən artıq kitabını imzalayaraq tədbir iştirakçılarına
hədiyyə edib.
Xatırladaq ki, Təranə
Vahidin Türkiyədə
çap olunan “Cənnətdən yuxarı”
kitabının ilk imza
günü aprelin
29-da Trabzon 3 kitab sərgisində
keçirilib və böyük maraqla qarşılanıb.
Mehparə SULTANOVA
Ankara
525-ci qəzet.- 2016.- 14 may.- S.12