BAYATILAR
Əziziyəm bu dağa,
Yolum düşüb bu dağa.
Könlümün quşu uçub,
Gedib qonub budağa.
Doğulmuşam bu dağda,
Ölüb qallam bu dağda,
Şəhid olsam, ay ellər,
Məzar qazın bu dağda.
Ellərimi qar aldı,
Ocağımız qaraldı.
Sar aldı yurdumuzu,
Gül bənizim saraldı.
Möhtəşəm qala dağlar,
Verib baş-başa dağlar,
Qəlbimdə bir düyün var,
Bəlkə açasan dağlar?!
Qurban MƏMMƏDOV
525-ci qəzet.- 2016.- 24 noyabr.- S.7.