Ana

 

Başında qar kimidi

Anamın telləri.

İncədir biləkləri,

Vardır gözəl əlləri.

 

Kimə necə olsa da,

Mənim gözümdə gözəl!

Öz anama yazdığım

Şeirim, sözüm gözəl!

 

Tezdən məni oyadır

Təbəssümü üzündə!

Nağıl danışır sanki,

Doymuram ki sözündən!

 

Hər gün evdən çıxanda,

Təbəssümü bəs edər -

Anam kefsiz olanda,

Hər işim hədər gedər.

 

Gözlərindən öpürəm,

Qarşında baş əyirəm.

Anam halsız olanda,

Sanki mən üşüyürəm.

 

 

Hamar DADAŞZADƏ

 

525-ci qəzet.- 2016.- 16 yanvar.- S.29