Kamal Abdullayev: “Bizdə ermənifobiya yoxdur”

“AZƏRBAYCAN XALQININ ERMƏNİLƏRLƏ BİRGƏ YAŞAMAQ POTENSİALI VAR”

Dünən Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, Bakı Beynəlxalq Multikulturalizm Mərkəzinin Himayəçilik Şurasının sədri, akademik Kamal Abdullayev “Multikulturalizm ili” ilə bağlı mətbuat konfransı keçirib.

K.Abdullayev bildirib ki, “Multikulturalizm ili”nin əsas məqsədi Azərbaycan xalqının birgə yaşayış, tolerantlıq ənənələrini dünyaya daha geniş şəkildə təqdim etməkdir. Onun sözlərinə görə, multikulturalizm özündə birgəyaşayış, çoxmədəniyyətlilik anlayışı ilə bərabər şəfqət və mərhəmət hisslərini ehtiva edir: “Öz-özgə” qarşıdurması xalqımızın formalaşma tarixi boyunca özünün ən yumşaq şəklində təzahür edib. Prezident İlham Əliyevin 2016-cı ilin Azərbaycanda “Multikulturalizm ili” elan olunması haqqında imzaladığı Sərəncamdan sonra bu məsələyə daha böyük maraq və diqqət göstərilir. Azərbaycan multikulturalizmi yeni bir elmdir, intellektual, yaradıcı sahədir. Bu elm Azərbaycan psixologiyasını, ədəbiyyatını, mənəviyyatını, bu gününü və perspektivlərini özündə əks etdirir. Azərbaycan multikulturalizmi model kimi multikulturalizm ənənələrindən uzaqlaşmaq istəyən bir çox ölkələr üçün örnəkdir. İndiyə qədər Avropa, Kanada, Avstraliya multikulturalizmi modelləri mövcud idisə, indi artıq dünyada Azərbaycan multikulturalizmi modeli də tanınmaqdadır və onun kökündə azərbaycançılıq mədəniyyəti, intellekti və potensialı dayanır. Azərbaycanın multikulturalizm modeli işləkdir. Bu, dostlarımızı sevindirir, bədxahlarımızı isə qıcıqlandırır.

Azərbaycan multikulturalizminə olan maraq respublikamızın dünyada tarixi, örnək dəyərlərə malik ölkə kimi tanıdılmasının nəticəsidir. Bu gün “Azərbaycan multikulturalizminin ədəbi-bədii qaynaqları” kitabının nəşri,”Azərbaycan multikulturalizmi” dərsliyinin yazılması, eyniadlı fənnin proqramının tərtib olunaraq dünya universitetlərinə təqdim edilməsi, dünyanın 11, Azərbaycanın 19 ali təhsil ocağında tədris olunan “Azərbaycan multikulturalizmi” fənninin faydası və lazımlılıq dərəcəsi bizim işimizin həm mürəkkəbliliyini, həm çoxşaxəliliyini, həm də cəmiyyətimiz, gələcəyimiz üçün vacibliyini bir daha vurğulayır”.

Kamal Abdullayev deyib ki, Prezidentin bu ili “Multikulturalizm ili” elan etməsi bütün Azərbaycan xalqının əsrlərdən bəri bu günə qədər bu istiqamətdə tolerantlıq, birgəyaşayış, başqa millətin, fərqli dinin nümayəndəsinə hörmət xüsusiyyətlərini əxz edərək küll halında dünya ictimaiyyətinə təqdim etmək məqsədi daşıyır: “Cənab Prezident məhz Azərbaycan xalqının və dövlətçiliyinin əsrlərdən bəri əldə etdiyi nailiyyətlərin multikulturalizm çərçivəsində dünyaya təqdim edilməsinə arxalanıb, əsaslanıb 2016-cı ili Azərbaycanda “Multilkulturalizm ili” elan edib. Bu Sərəncamdan sonra bizim üzərimizə düşən vəzifə vətəndaş cəmiyyətimizi koordinasiya edib müvafiq qurumlarla bu istiqamətdə ümumi işi həyata keçirməkdir. Bu gün Azərbaycanda bütün dinlərin və millətlərin nümayəndələri sərbəstdir. Bu gün Azərbaycanda hansısa bir yəhudinin, xristianın, yaxud başqa dinə mənsub şəxsin yanından keçən azərbaycanlı ona nifrət hissi ilə yanaşmır və ya təəccüblü şəkildə baxmır. Azərbaycanın belə bir təcrübəsi isə Avropada maraqla qarşılanır.

Azərbaycanın multikulturalizm modeli bir növ katalizator rolunu oynayır. Avropanın bir çox qabaqcıl ölkələri multikulturalizm ənənələrindən əl çəkib. Amma Prezident İlham Əlyevin də söylədiyi kimi multikulturalizm ənənələri Azərbaycanda həmişə yaşayır və yaşayacaq”.

Dövlət müşaviri bildirib ki, BBMM Təhsil, Mədəniyyət və Turizm nazirlikləri, Dini Qurumlarla İş üzrə Dövlət Komitəsi, AMEA və digər təşkilat və nazirliklərlə əməkdaşlıq edir və birgə təkliflər paketi üzrə işi yekunlaşmaq üzrədir: “Bakı Beynəlxalq Multikulturalizm Mərkəzinin birgə təkliflər paketi yaxın zamanda ölkə Prezidentinə təqdim ediləcək”.

Akademik “Multikulturalizm ili” çərçivəsində BBMM-in xaricdə filiallarının yaradılacağının, universitetlərdə “Azərbaycan multikulturalizmi” kafedralarının açılacağının, bölgələrdə Yaradıcılıq fakültələrinin təşkilinin nəzərdə tutulduğunu diqqətə çatdırıb.

Daha sonra o, jurnalistlərin suallarını cavablandırıb. O bildirib: “Xalq diplomatiyası çərçivəsində ermənilər Azərbaycana gələrkən Bakıdakı erməni kilsəsini görəndə təəccüblənmişdilər ki, Azərbaycanda erməni dilində kitablar, materiallar səliqə-sahmanla qoruyub saxlanılır: “Onlar Moskvaya zəng vurub deyirdilər ki, mən Bakıda filan qiymətli əlyazmanı gördüm. Bu, Azərbaycan xalqının dini, mənəvi və intellektual dəyərlərə verdiyi qiymətin nümunəsidir”. O bildirib ki, Azərbaycanda ermənifobiya yoxdur: “Azərbaycanda ermənifobiyanın olmadığını dünya yavaş-yavaş başa düşməkdədir. Biz ermənifobiya ilə yaşamadığımızı hər addımımızda göstəririk. Bizdə ermənifobiya yoxdur”.

K.Abdulla əlavə edib ki, xalq diplomatiyasının davamı maraqlı ola bilərdi: “Üçüncü ölkələr də bunu davam etmək istəyirdilər. Amma ermənilər bundan imtina etdilər. Azərbaycan xalqının ermənilərlə birgə yaşamaq potensialı var. Münaqişənin sülh yolu ilə həll olunması potensialı bitməyib. Biz sülhün tərəfdarıyıq”.

O, həmçinin bildirib ki, Nardaranda “Bilik evi”nin yaradılması planlaşdırılır: “Nardaran camaatı ilə söhbətlər aparılacaq, onların multikultural əhvalı, dinə, dövlətə münasibəti istiqamətində bir çox iş görüləcək. Nardaran sakinləri buna mənən hazırdır. Nardaranda və Bakının başqa kəndlərində çox dəyərli ziyalılarımız olub və var. Bizim əsas dayaq nöqtələrimiz o insanlar olacaq”.

Aysel XIDIROVA

Kamal Abdullayev: “Bizdə ermənifobiya yoxdur”

“AZƏRBAYCAN XALQININ ERMƏNİLƏRLƏ BİRGƏ YAŞAMAQ POTENSİALI VAR”

Mədəniyyət

Oxunub: 62 dəfə

Facebook Twitter MySpace Google a - A +

23.01.16 16:26

Kamal Abdullayev: “Bizdə ermənifobiya yoxdur”<b style="color:red"></b>

Dünən Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, Bakı Beynəlxalq Multikulturalizm Mərkəzinin Himayəçilik Şurasının sədri, akademik Kamal Abdullayev “Multikulturalizm ili” ilə bağlı mətbuat konfransı keçirib.

K.Abdullayev bildirib ki, “Multikulturalizm ili”nin əsas məqsədi Azərbaycan xalqının birgə yaşayış, tolerantlıq ənənələrini dünyaya daha geniş şəkildə təqdim etməkdir. Onun sözlərinə görə, multikulturalizm özündə birgəyaşayış, çoxmədəniyyətlilik anlayışı ilə bərabər şəfqət və mərhəmət hisslərini ehtiva edir: “Öz-özgə” qarşıdurması xalqımızın formalaşma tarixi boyunca özünün ən yumşaq şəklində təzahür edib. Prezident İlham Əliyevin 2016-cı ilin Azərbaycanda “Multikulturalizm ili” elan olunması haqqında imzaladığı Sərəncamdan sonra bu məsələyə daha böyük maraq və diqqət göstərilir. Azərbaycan multikulturalizmi yeni bir elmdir, intellektual, yaradıcı sahədir. Bu elm Azərbaycan psixologiyasını, ədəbiyyatını, mənəviyyatını, bu gününü və perspektivlərini özündə əks etdirir. Azərbaycan multikulturalizmi model kimi multikulturalizm ənənələrindən uzaqlaşmaq istəyən bir çox ölkələr üçün örnəkdir. İndiyə qədər Avropa, Kanada, Avstraliya multikulturalizmi modelləri mövcud idisə, indi artıq dünyada Azərbaycan multikulturalizmi modeli də tanınmaqdadır və onun kökündə azərbaycançılıq mədəniyyəti, intellekti və potensialı dayanır. Azərbaycanın multikulturalizm modeli işləkdir. Bu, dostlarımızı sevindirir, bədxahlarımızı isə qıcıqlandırır.

Azərbaycan multikulturalizminə olan maraq respublikamızın dünyada tarixi, örnək dəyərlərə malik ölkə kimi tanıdılmasının nəticəsidir. Bu gün “Azərbaycan multikulturalizminin ədəbi-bədii qaynaqları” kitabının nəşri,”Azərbaycan multikulturalizmi” dərsliyinin yazılması, eyniadlı fənnin proqramının tərtib olunaraq dünya universitetlərinə təqdim edilməsi, dünyanın 11, Azərbaycanın 19 ali təhsil ocağında tədris olunan “Azərbaycan multikulturalizmi” fənninin faydası və lazımlılıq dərəcəsi bizim işimizin həm mürəkkəbliliyini, həm çoxşaxəliliyini, həm də cəmiyyətimiz, gələcəyimiz üçün vacibliyini bir daha vurğulayır”.

Kamal Abdullayev deyib ki, Prezidentin bu ili “Multikulturalizm ili” elan etməsi bütün Azərbaycan xalqının əsrlərdən bəri bu günə qədər bu istiqamətdə tolerantlıq, birgəyaşayış, başqa millətin, fərqli dinin nümayəndəsinə hörmət xüsusiyyətlərini əxz edərək küll halında dünya ictimaiyyətinə təqdim etmək məqsədi daşıyır: “Cənab Prezident məhz Azərbaycan xalqının və dövlətçiliyinin əsrlərdən bəri əldə etdiyi nailiyyətlərin multikulturalizm çərçivəsində dünyaya təqdim edilməsinə arxalanıb, əsaslanıb 2016-cı ili Azərbaycanda “Multilkulturalizm ili” elan edib. Bu Sərəncamdan sonra bizim üzərimizə düşən vəzifə vətəndaş cəmiyyətimizi koordinasiya edib müvafiq qurumlarla bu istiqamətdə ümumi işi həyata keçirməkdir. Bu gün Azərbaycanda bütün dinlərin və millətlərin nümayəndələri sərbəstdir. Bu gün Azərbaycanda hansısa bir yəhudinin, xristianın, yaxud başqa dinə mənsub şəxsin yanından keçən azərbaycanlı ona nifrət hissi ilə yanaşmır və ya təəccüblü şəkildə baxmır. Azərbaycanın belə bir təcrübəsi isə Avropada maraqla qarşılanır.

Azərbaycanın multikulturalizm modeli bir növ katalizator rolunu oynayır. Avropanın bir çox qabaqcıl ölkələri multikulturalizm ənənələrindən əl çəkib. Amma Prezident İlham Əlyevin də söylədiyi kimi multikulturalizm ənənələri Azərbaycanda həmişə yaşayır və yaşayacaq”.

Dövlət müşaviri bildirib ki, BBMM Təhsil, Mədəniyyət və Turizm nazirlikləri, Dini Qurumlarla İş üzrə Dövlət Komitəsi, AMEA və digər təşkilat və nazirliklərlə əməkdaşlıq edir və birgə təkliflər paketi üzrə işi yekunlaşmaq üzrədir: “Bakı Beynəlxalq Multikulturalizm Mərkəzinin birgə təkliflər paketi yaxın zamanda ölkə Prezidentinə təqdim ediləcək”.

Akademik “Multikulturalizm ili” çərçivəsində BBMM-in xaricdə filiallarının yaradılacağının, universitetlərdə “Azərbaycan multikulturalizmi” kafedralarının açılacağının, bölgələrdə Yaradıcılıq fakültələrinin təşkilinin nəzərdə tutulduğunu diqqətə çatdırıb.

Daha sonra o, jurnalistlərin suallarını cavablandırıb. O bildirib: “Xalq diplomatiyası çərçivəsində ermənilər Azərbaycana gələrkən Bakıdakı erməni kilsəsini görəndə təəccüblənmişdilər ki, Azərbaycanda erməni dilində kitablar, materiallar səliqə-sahmanla qoruyub saxlanılır: “Onlar Moskvaya zəng vurub deyirdilər ki, mən Bakıda filan qiymətli əlyazmanı gördüm. Bu, Azərbaycan xalqının dini, mənəvi və intellektual dəyərlərə verdiyi qiymətin nümunəsidir”. O bildirib ki, Azərbaycanda ermənifobiya yoxdur: “Azərbaycanda ermənifobiyanın olmadığını dünya yavaş-yavaş başa düşməkdədir. Biz ermənifobiya ilə yaşamadığımızı hər addımımızda göstəririk. Bizdə ermənifobiya yoxdur”.

K.Abdulla əlavə edib ki, xalq diplomatiyasının davamı maraqlı ola bilərdi: “Üçüncü ölkələr də bunu davam etmək istəyirdilər. Amma ermənilər bundan imtina etdilər. Azərbaycan xalqının ermənilərlə birgə yaşamaq potensialı var. Münaqişənin sülh yolu ilə həll olunması potensialı bitməyib. Biz sülhün tərəfdarıyıq”.

O, həmçinin bildirib ki, Nardaranda “Bilik evi”nin yaradılması planlaşdırılır: “Nardaran camaatı ilə söhbətlər aparılacaq, onların multikultural əhvalı, dinə, dövlətə münasibəti istiqamətində bir çox iş görüləcək. Nardaran sakinləri buna mənən hazırdır. Nardaranda və Bakının başqa kəndlərində çox dəyərli ziyalılarımız olub və var. Bizim əsas dayaq nöqtələrimiz o insanlar olacaq”.

Aysel XIDIROVA

525-ci qəzet.- 2016.- 23 yanvar.- S.7