Kiyevdə azərbaycanlı rəssamın sərgisi açıldı

Ukraynanın paytaxtı Kiyev şəhərində azərbaycanlı rəssam Rasim Seyidovun sərgisinin açılış mərasimi keçirilib.

Ukrayna Azərbaycanlılarının Birləşmiş Konqresinin rəhbəri, Dünya Diasporlar Assambleyasının həmsədri Rövşən Tağıyev çıxış edərək bildirib ki, onun əsərləri Ukrayna muzeylərinin ekspozisiyalarına, Azərbaycanda, Rusiyada, ABŞ-da, Böyük Britaniyada və digər ölkələrdə şəxsi kolleksiyalara daxil edilib. Onun sərgiləri həmişə böyük maraqla qarşılanıb. R.Tağıyev bildirib ki, soydaşımızın yaradıcılığı Azərbaycan və Ukrayna xalqları arasında möhkəm dostluq körpüsüdür.

Sərgidə çıxış edənlər bildiriblər ki, rəssamın parlaq, özünəməxsus rəsmləri insanın daxili aləmi ilə Şərq ilə Qərb arasında sərhədlərin silindiyi qloballaşmış dünyada xarici məkanın vəhdətini ifadə edir.

Xədicə RƏHMAN

525-ci qəzet.-2017.-26 dekabr.-S.7.