“XX əsrin teatr tendensiyalarımüzakirə olunub

 

Martın 3-də A.Şaiq Adına Azərbaycan Dövlət Kukla Teatrında “XX əsrin teatr tendensiyalarımövzusunda elmi konfrans keçirilib.

AZƏRTAC xəbər verir ki, tədbir Azərbaycan Dövlət Mədəniyyət İncəsənət Universitetinin Azərbaycan DövlətYuğTeatrının birgə təşkilatçılığı ilə baş tutub.

Mədəniyyət İncəsənət UniversitetininTeatrşünaslıqkafedrasının müdiri, Əməkdar İncəsənət Xadimi Aydın Talıbzadə çıxış edərək konfransın əhəmiyyətindən söz açıb. O deyib: “Konfransın hədəfi tələbələrdir. Formatı açıq dərs tipli olan konfransda tələbələr müəyyən biliklərini, o cümlədən, XX əsr dünya teatr mədəniyyəti haqqında mövcud tendensiyalar bölüşəcəklər. Konfransın məqsədi öyrənməkdir, öyrənilənlərin dərinliyinə getməkdir”.

Konfransda Mədəniyyət və İncəsənət Universitetinin müəllimi Elçin Cəfərovun “XX əsr. Teatrdan qeyri-teatra doğru” adlı məruzəsi dinlənilib. Həmçinin konfrans çərçivəsində universitetin III və IV kurs tələbələri Dilşad Əhmədzadə “Merholdun teatr metodunun konseptual mahiyyəti”, Yusif DağlarM.ÇexovAktyor texnikası - nurlanmış aktyora doğru”, İlahə QuliyevaB.Brextin epik teatr nəzəriyyəsi”, Nadir Əhmədov “Y.Quratovskinin Yoxsul teatr poetikası”, Nisə İbadlı “A.Arto və Qəddarlıq teatrı” və Emin Əliyev “T.Kantorölüm teatrı” adlı məruzələrlə çıxış ediblər.

Məruzələr ətrafında müzakirələr aparılıb.

 

525-ci qəzet.- 2017.- 4 mart.-S. 13.