Qəhər dolu aydınlıq

 

 

 

Neçə saat keçib bu xəbəri eşitdiyimdən... İnana bilmirəm uzun müddət bəlkə qəbul etməyəcəm. Sevimli müəllimim bunu Sizə heç yaraşdırmadım...

 

Bir neçə gün öncə Attestasiya blankını təqdim edəndə mənə müsbət rəyinizi elə coşqu ilə vermişdiniz ki, bütün kafedra eşitmişdi. İndi məni bu çətin yolda tək qoydunuz... Bu necə elmi rəhbərlik , bu necə müəllimlikdi... Xatirələrim o qədər çoxdur ki... o qədər yaxşı tanıyırdım ki, sizi... Hələ belə bir gediş etdiyinizi ağlıma gətirə bilmirəm. 6 illik tələbəlik vaxtımda yeganə “4”-ü sizdən almışam bu mənim üçün çoxəla”lardan yüksək qiymət oldu. Çünki Sizdən “5” almaq o qədər asan məsələ deyildi. Amma buna da nail oldum. Sizin dissertantınız oldum dönə-dönəsən mənim ən yaxşı tələbəmsənsözlərini eşitdim. Mən sizi bir müəllim kimi örnək göstərdiyim kimi, siz məni tələbələrinizə nümunə çəkirmişsiniz... Bircə təsəllim var ki, elmi işimin ilk variantı ilə tanış olub müəyyən tövsiyələrinizi vermisiniz indi onlarla məşğul oluram.

 

Məsləhətlərinizin ömrü həyatınızdan uzun oldu, müəllimim bu hər zaman belə davam edəcək. Qürurla deyirəm həmişə səsləndirəcəm... Mən Aydın Dadaşovun tələbəsiyəm. Sizdən öyrəndiklərim çoxdur bu biliklər yolumda işıq olacaq. Tez-tez sual verərdiniz ən müxtəlif təriflərlə bağlı. Məsələn, “Xarakter nədir?” Mən tezİdeyası uğrunda ölümə gedən... cavabını verərdim. “Afərindeyərdiniz. bunun kimi bir çox suallar... Axı sizin xarakterinizdə Sözünüzdən qaçmaq, dostunu yarıyolda qoymaq yox idi... Axı Siz həm bir dost idiniz mənim üçün.

 

Ən çox da mübahisələrimiz üçün darıxacam... Siz təkcə bir tələbə, alim yox, Siz həm bir vətəndaş yetişdirirdiniz. Mənə verdiyiniz söz hələ xatirəmdədi, sonuncu təbəssümünüz kimi...

 

Gözlərinizdəki kədər həyat yoldaşınızı avtomobil qəzasında itirdikdən sonra sanki  daha da sezilən olmuşdu. Bu kədərin adıŞuşasızlıqidi.  Amma tale sizə ömür-gün dostunuzu itirib ayaqüstə dayanmağı da qismət etdi. O ayaqlar ki, qəzada kifayət qədər zədə görmüşdü...  İndi facebook səhifənizə baxıram, Şuşada yaşadığınızı qeyd etmisiniz... Duyğularınız həmişə orda idi, indi ruhunuz da ora pərvazlandı.

 

Bəzən saatların necə keçdiyindən xəbərimiz olmazdı... Müzakirələr, mübahisələr gəlinən nəticələr... Halbuki siz vaxtınızın qədrini bilən adam idiniz. Elə ona görə ölümünüz vaxtsız oldu.  Novruz bayramından sonra görüşəcəkdik, müəllimim, indi hara gedəcəyimi bilmirəm.  Ekran dramaturgiyasıkitabınız indi mənə baxır, mən isə onu götürüb oxuya bilmirəm. Amma dayanmaq, durmaq olmaz. Axı mənim Sizə verdiyim bir söz var idi. Axı siz məni qoçaq bilirdiniz. Axı... Çoxdu axılar...

 

Yadımdadı, həmişə deyirdiniz ki, cümləyə elmilik gətirmək  üçün əvvəl  səbəbləri, sonra  nəticəni bildirməlisən. İndi o öyrətdiyiniz tərzə bir cümlə qurmağa çalışacam . -  Aydın Dadaşovun  tələbələrə fərdi yanaşması, yaltaqlıq riyadan uzaq olması,  gənclər arasında işıqlıları, ziya sahiblərini görə bilməsi, onları anlaması dəstək olub yol göstərməsi necə bir şəxsiyyət, adında ehtiva olunduğu kimi necə bir Aydın olduğunu göstərir bütün bunlardı onu bizim sevimli müəllimimiz edən.

 

Qəhər boğur məni, müəllim, halbuki güclü olmağı öyrətmisiniz hər zaman.  olursa olsun, gələcəyə baxmağı... Sizə söz verirəm! Elmi işimi tez bir vaxtda müdafiə etmək üçün əlimdən gələndən də artığını edəcəm. Və təşəkkür edirəm Sizə, elmi rəhbərim!.. Qədərdə Sizin sonuncu dissertantınız olmaq da var imiş...

 

 

Bəhruz NİFTƏLİYEV

 

525-ci qəzet.- 2017.- 18 mart.- S.15.