Dadını kim bilir olmayanların - olmayanlar olmur... olan
yaxşıdı
Vaqif BƏHMƏNLİ
Qoşma
Bir
heçdi cəhənnəm,
cənnət
xülyadı,
axırsa
damarda al qan - yaxşıdı.
Adam
örüşüdü,
xırman
dünyadı,
mən
bilən, adamdan insan
yaxşıdı!
Fəqirə
zülm edən nəcabətdənsə,
Topuğu
qandallı hər adətdənsə,
Zirvəni
alçaldan həqiqətdənsə
dərəni ucaldan yalan... yaxşıdı.
Xeyri nə
boşalıb dolmayanların?-
Allahı
iblisdi solmayanların...
Dadını
kim bilir olmayanların -
olmayanlar
olmur... olan yaxşıdı.
Çəpərlər
yarmağa yaxşı dost hanı? -
Ölən
çoxdan ölüb,
qalan...
forslanır...
Yemişi
üstündə solan bostanın
tağları kökündən talan...
yaxşıdı!
Biz də
gəlib taxdıq qolçaq dünyaya -
səs
saldı qoşa daş, çax-çax dünyaya...
Vaqiflər
qalmayan alçaq dünyaya
Uca Vaqiflərdən
qalan yaxşıdı!..
Əmr və şeir
Köhnə
əmri hərləmir,
guya yanmış
biletdi,
Çoxu
tullayır onu,
ilişib tində
qalır,
Məndə
bir az fərqlidi;
elə ki, icra bitdi
Arxivə
gedən əmrin
surəti məndə
qalır.
Dən
ömürü ömrümə qəsd eləyib
yığıram
Kargüzarlıq,
şairlik -
hər işimin
ortağı.
Elə
ki, əmrləri
dəstələyib
yığıram
atmağa
əlim gəlmir,
arxası
ağdı axı...
Damğalar
qaraltmasın
mənə gərək
ağ üzü
Tərs
üzdə alovlanır
avand sözün
şamları.
Bəlkə
də otuz ildi
pul vermirəm
kağıza,
Arxasına
yazıram
şeiri sərəncamların.
Qaranın
ağ yerini
bulmaq hikmətdi
düzü,
Altını
his tutmasa
necə qaynayar ləyən?
Yer
üzündə nə qədər
kağız var, əsas
üzü
bizdən
əvvəl yazılıb,
varmı bunu bilməyən?
Özüm
kimi avara eldə, obada təkdi
Görünür
daş istəyir
dik alnım,
yastı qaşqam.
Şeir
arxivi sevmir,
onun rəfi
ürəkdi,
Hökumət
hökmü başqa,
şairin
hökmü başqa!...
Son
nöqtə bəs eləyər,
nəyə
lazım qol çəkim? -
Vərəqin
o üzündə
imzanın yeri
durur.
Sözdə
hökmə baxın bir, daşdan keçir,
nədən
ki,
Şeirimin
arxasında rəisin əmri durur!
Şəhriyar qafiyələri
Proloq
İşıq
saçır ustadım
Təbrizdə
Günəş kimi!
Var olsun əziz
adı -
Canda gizlin eşq kimi.
Ey Turan pəhləvanı,
Ey
İran pəhləvanı,
Sənin
tək bilən hanı
qüssə , xiffət məşqini?
1.
Heydərbabanın
oğlu -
danışır, amma, laldı,
acıdır, amma, baldır...
həqiqəti ucaldır
həqiqətin düşkünü!
2.
Heydərbabanın
oğlu,
Şənbən,
bazarın - qopuz,
adınan,
cümən - Novruz,
həftə səkkiz, sən doqquz...
yoxluğun da iş günü.
3.
Heydərbabanın
oğlu,
Sənsən
həsrətə yağı;
Şahid
Savalan dağı!
Didirsən
ayrılığı
daşlar
qıran diş kimi.
4.
Heydərbabanın
oğlu,
Sən
kimsənsə, biz oyuz,
Həm bu
üzsən, həm o üz,
Sən
yaz,
sən yay,
sən
payız
həm
də qarlı qış günü...
5.
Heydərbabanın
oğlu,
Araz
axır dənizə,
Suyu duz
yığır dizə...
dəryadı dörd yan bizə
harda sərək
yaş günü?
6.
Heydərbabanın
oğlu,
qalın
buz neynim, sınsın?
güc
verim, çiynim sınsın...
Tarixin
boynu sınsın
parçaladı püskümü.
7.
Heydərbabanın
oğlu,
gözüm yaşı üzüm tək,
dostum
yoxdu dözüm tək!
Ayırmayıb
bizim tək
zalım
fələk heç kimi...
8.
Heydərbabanın
oğlu,
Allahın
nəfəsisən,
peyğəmbər əvəzisən;
ərisin
nəfəsindın
öküz, qayış, xış günü.
9.
Heydərbabanın
oğlu,
Şah
damarı özün tap -
həm
sualsan, həm cavab,
Sən
intibah, inqilab...
qanlı
nümayiş günü!
Epiloq
Hər
zülmətdə işıq var,
qismətdi zər, tapana.
Qoy bitsin
ayrılıqlar
üz
sürtüm sərdabənə
böyük sitayiş günü!..
Heydərbabanın
oğlu!
Dörd dost
Canım
dost istəsə, qardaş istəsə
yadıma
kim düşür, kimdən irəli?
Ölərəm
arzuma bir yox desə;
Maarif,
Ağacəfər, Tofiq Nurəli.
Birgə
boy atmışıq sözün ləkində,
Yan-yana canlanıb olmuşuq diri.
Biri tum,
biri bar, biri əkindi -
Maarif,
Ağacəfər, Tofiq Nurəli.
İsmayıllı,
Lerik, Qubadı dadım
Cəmi Füzuli tək dadlı, şirəli.
Bir
addım mənəmsə, onlar üç addım -
Maarif,
Ağacəfər, Tofiq Nurəli.
İçi
qızıl dolu küpümdü mənim-
Üç sahib dağlıdı, Vaqif dərəli.
Dost taya
keçməyə körpümdü mənim
Maarif,
Ağacəfər, Tofiq Nurəli...
Məhəbbət fakültəsi
Qırx il keçsə də artıq
getmir
könlümdən izi,
Xəyal
bu günə dartır
bizim
fakültəmizi...
Uşaq
çox, bina dardı,
bir yer
tutmurdu bizi,
Üç
yerdə yeri vardı
bizim
fakültəmizin.
Qonşu
binada “Narxoz”;
məktəblərin qəlizi...
sayırdılar çürük qoz
bizim
fakültəmizi.
Hamının
qiyməti “beş”,
hamının gülür üzü,
“Kafi”sin
görmədik heç
bizim
fakültəmizin.
...
Ömür xəzri, gilavar-
can tərpədir
dənizi.
Ayrı
bir sirri də var
bizim
fakültəmizin.
Orda təhsillə
birgə
kəşf etdik sevgimizi.
Seçdik
qayığa yelkən
bizim
fakültəmizi.
Cida
çuvalda qalmaz-
cin
görsə ikimizi...
ağzını yummaq olmaz
bizim
fakültəmizin.
Xəlvət
düşdüm arxanca
düz
beş il dizin-dizin...
“Dekanı”
səndin ancaq
bizim
fakültəmizin.
Ali təhsil
hünərdi -
denən,
hə, iki gözüm!
Məhsulu
nəvələrdi
bizim
fakültəmizin.
“Ailə
kafedrası”
yaratmışıq, əzizim,
üstündə var duası
bizim
fakültəmizin...
Rəhiləyə
Hərdən
mat qalıram
əməllərinə baxıb -
evin
içində sirsən...
Gah gilas
bişirirsən,
gah ərik
bişirirsən...
Üzün
yanıq kündədi,
hisdən
qaralıb don da.
Fərqinə
varmırsan heç
aləm
öz kefindədi
bulvarda, ya salonda...
Sənsə,
odda bişərək
Candan
şirəni sıxıb
qısa
ehtiyat üçün
alma,
heyva, gavalı,
tut
tutursan balonda...
Bizə nə qalır sonda? -
Şirəli
ləyən, qaşıq,
“vay ürəyim, bay başım...”
Mərəkə
qopur onda!
Adbaad
şeir
Gəldi
nəvəm İsgəndər;
Töküldü
çoxlu qanlar -
qırıldı istəkanlar...
İsgəndər
eeh... İsgəndər...
Verin
ATƏT-ə xəbər
məhləm oldu dərbədər!
Gəldi
nəvəm Səfurə -
qara
geydi ağ süfrə,
alnıma
dəydi küftə...
Səfurə,
eeh... Səfurə -
Sazişi
vurdu yerə
Nota verdik
səfirə!
Gəldi
nəvəm Elmira
mərcan
diş - sıra-sıra,
çatma qaşları qara
Elmira,
eeh... Elmira -
yaraşıqdı paltara
Küsməyi
dərin yara,
gülməyi dərdə çara...
Bu da Səfərdi,
Səfər -
hərəkət, işlək təkər!
Xatirinə
dəyənin
vurub
gözünü tökər.
Səfər,
Səfər, eeh... Səfər -
gəldi,
fikrim dağıldı.
Deyil
sıradan nəfər
məhləmin bayrağıdı...
Gözüm
Nəzrini gəzir -
Görünmür
gül səbəti,
Uzaqdı
Ağcabədi...
Eeh... Nəzrin,
Nəzrin -
Bir az fikir çəkəndi
Hamı
sola çəkəndə
Nəzrin
sağa çəkəndi...
Gələn
çox, darvazam dar -
qarşılayım, ötürüm...
Hələ
Sübhanım da var;
qapı
aça bilmir o -
oğulluğa götürüb
onu Allah
əbədi...
Qansız
savaş
Nəyim
var,
paylayıb
müstəntiqlərə
üstünə şər atıb tutduracağam,
Özün
bir tərəfə,
nahaqca yerə
nəslinə qara qan udduracağam!
Nəmdi,
qəmsüzəndi
kiprik şoqərib -
tökdün gözlərimi dik qürur ilə.
Taygöz
quldurbaşı cildinə girib
yolunu kəsəcəm
qırx quldur ilə.
Elə
hey susursan...
Ağzında dil var,
Notaya
eyham yox
əsnəkdən başqa.
Məni də
baş düş,
ayrı nə
yol var
dilini
dibindən
kəsməkdən başqa?
Vuracam
düşəri, sarsılsın himi,
yerlə
yeksan olsun qalanın diki.
Amansız
savaşdan nişanə kimi
bir
saxsı parçası tapılsın təki.
Səbbin,
hövsələnin həddi var axı,
Can
hanı sülhə yol açana kimi?
Qəhr
olsun sirr qəsri-
sən ordan
çıxıb
imdada
üstünə qaçana kimi!
Səngərlər
küncündə
daşa
dönür can;
sümüklə gələnlər goracan gedər.
Varmı
gordan sonra
ayrı
bir məkan? -
bu
savaş qurtarmaz,
oracan gedər...
Yetər
müharibə,
kəcavəm, əylən,
ədalət qıraqda, cüt can ortada.
Bir kəlmə:
- Mən səni sevirəm, -
söylə,
qalxsın düşmənçilik,
bu qan
ortadan!..
Can
xahişi
Allaha,
tanrıya bax,
ey
yolötən, tut canımı,
Hərə
bir məhlə tutur,
sən
də Vətən tut canımı.
Axşama
can yerinə qupquru
çör-çöpdü qalan,
Dadıma
çat, dan üzü,
dopdolu
cam tut canımı.
Sən əsr,
era misal;
yüyrük asırsan zamana,
Mənsə
göz qırpımıyam,
timsalı, an, tut canımı.
Yanan od gərdəninə azca
sarıl
tüstü kimi -
Səni də
yadıraram,
canından gen tut canımı.
Qoca dəlləkdi
fələk,
almış ələ yun darağı;
Nazilən
tük kimiyəm
zülfünə tən tut canımı.
Tanrının
mürvəti yox,
həm
də əlində işi çox,
Ayağa
düşsəm əgər,
rəhm
elə, sən tut canımı.
Sevgi
sualları
Neçə
addım
ara
qalmalıdı
aramızda?
Uçum-uçum
uçunan
əllərimizi
gizlətməliyik
haramızda?
Başımızı
kəsib
hansı siniyə
qoymalıyıq?
Yerindən
çıxan
ürəyimizi
boşqaba,
yoxsa,
sinəyə
qoymalıyıq?
Sallaqxanaların
gen gərdənli
uca boylu
buz
dolablarını
utandırmazmı
düşdüyümüz
quyunun
sərinliyi?
Neçə
zümrüd kürəyi,
neçə tuluq göz yaşı,
neçə şaqqa ayrılıq,
neçə işıq ili olar
xilas yolunun
dərinliyi?
İmdad
edib çığırsaq
harayımız çatarmı
quyu həndəvərində
qanlı
yovşanlar qırpan,
qanlı
div ləpiri yalayan
qoyunların qulağına?
Düzün
düzündə
Yarıyan
bir kimsə
Yoxsa məhəbbətdən
niyə
çıxaq axı biz
bu dərin
və mübarək
f ə l a k ə
t d ə n?
Başımıza
gələnlər
nədən düşsün dillərə,
nədən
min yerə
yozulsun?
Yerimizi
niy ə
dəyişək ki,
yuxumuz
pozulsun?
Biz ki,
bilə-bilə
qul olduq
gedər-gəlməz niyyətə,
mamırlı
sərdabələr dibindən
bu
quyunun gen dibi
daha
yaxın deyilmi
sonsuz əbədiyyətə?
525-ci qəzet.-2017.-27 may.-S.22-23.