"Qarabağın səsi" layihəsi yekunlaşdı

 

Azərbaycan Milli Konservatoriyasında (AMK) "Qarabağın səsi" adlı layihəyə yekun vurulub.

 

Final konserti Yunus Əmrə İnstitutu, Təkamül İnteqrasiya Beynəlxalq İctimai Birliyi, Azərbaycan Türkiyə İş Adamları Birliyi Türk İşbirliyi Koordinasion Agentliyi Milli Konservatoriyanın birgə təşkilatçılığı ilə gerçəkləşib.

 

Tədbirdə AMK-nın rektoru, Xalq artisti Siyavuş Kərimi çıxış edərək layihənin önəmindən söz açıb, dəstək göstərən təşkilatlara təşəkkürünü bildirib. Daha sonra rektor layihə barədə qısa məlumat verib öz ata-baba yurdlarından uzaq düşmüş qarabağlı istedadların bu işdə qazana biləcəyi uğurları diqqətə çatdırıb.

 

Konsertdə Azərbaycanın cəbhə bölgələrindən seçilən Qarabağdan olan istedadlı uşaqlar, milli musiqi alətləri vokal ifaları ilə xalq, bəstəkar muğamlarımızı səsləndiriblər.

 

Sonda bütün ifaçılara sertifikat xüsusi hədiyyələr təqdim olunub.

 

ŞAHANƏ

525-ci qəzet  2017.- 9 noyabr.- S.4.