Yarpaq tökümüyaxud düşüncələrim...

 

İmamverdi İSMAYILOV

 

 

Edəcəyin  yaxşılığın əvəzini Böyük Tanrı özü qaytaracaq

 

İşıqdan aldığın qüvvəti qüdrəti elə işığa da xərclə

 

Allahın altında Allahlıq olmaz!..

 

Taxıl biçinindən  gəlmək hələ evə çörək gətirmək deyil

 

Açıq qəlbə külək çox əsər

 

Dünyanın ən möhtəşəm sevincini çiçəkləyən ağaclar yaşayır...

 

Sözlərini dişlərinin dibində çürütmə, de gəlsin...

 

Nübarın tamı damaqda çox qalar

 

Sonalama, qismətin nədirsə  - odur

 

Xeyirxahlıq düz başa düşülməyəndə səni köz kimi yandırar

 

Üzünə-gözünə öyrəşdiyinin yerinə üzünü-gözünü görmədiyin gələcək. Bəs onda olacaq?

 

Yaxınınla olan küsülülüyü tündləşdirmə, qaraldıb şitini çıxarma

 

Sınaqlar hər zaman qərəzli olmur

 

danışığını dəyiş, yerişini - kənardan tez bəlli edəcək

 

Bir belə göz yaşları Qəlbin hansı dərinliyində gizlənir görəsən?

 

ÜrƏk gəlməyəndə dil gətirmir

 

qəlbini ovundur, özünü aldat

 

Bir  belə yükü, dərd-səri bir ürək necə çəksin, Allahım?

 

Simlərdə gəzdirdiyin barmaqların ürəyimin tellərinə toxunmasa yaxşıdır...

 

Bilmirəm nədəndir,  elə toylar var ki, adama ağırlıq, sıxıntı gətirir, qəlbinə qüssə yığır, durub qaçmaq istəyirsən

 

İtirdiyin Dostu səndən soruşacaqlar

 

Yuxuların həqiqətə çevriləndə - sevinə bilərsən, kədərlənə

 

Topların atəşi bir əldən çıxmaz

 

Gözlərinin Nuru əriyəndə bir gün şam kimi sönəcəksən

 

Bir anlıq ayaq saxla - dilənən qara çarşablı qadın sənin Anan deyil ki?..

 

Hər canlının öz yolu, öz qisməti, öz çörəyi var, qarşısını kəsə bilməzsən

 

Ölüm hər qapıya bir cür gəlir...

 

Zəhərli sözləri  dilinin altındakı qənd  şirin etməyəcək

 

DƏdƏm qonşusuyla deyib-gülərdi: "Sən elə tərs-məssəb  adamsan ki, hər şeyin  tərsinədir, pul verəndə canın çıxır, danışanda da  pulun..."

 

Rahat vaxtlarında buraxdığın səhvlər bərk ayaqda, çətin anlarında sənin əleyhinə silah kimi işlədiləcək, sən bunun fərqindəsənmi?

 

Sözün keçir deyin, elə pislik etməlisən?!.

 

Dualarının eşidilməsi üçün əməlin düz olmalıdır

 

Yorğanın altından çıxan ayaqları dartıb yığmaqla gizlətmək olmaz

 

Sənin əlinlə  evinə bir  qismət çörək aparanın - sənin arxanca ya alqışı, ya da bir qarğışı var

 

Müsbət mənfi  insan söhbəti - ədəbiyyatın qondarması boş cəfəngiyyatdır. Hər insanın içində müsbət mənfi çalarlar çoxdur. İnsan qəlbi təzadlarla doludur: şəraitə baxır zamanında üzə çıxır

 

Sənə olan tərifi baxır kim söyləyir

 

Hər hürən it qapını qorumaq üçün deyil...

 

Çəpərdən boylanan qonşu düz əməl sahibi olmaz

 

Qapını  açdılarsa, ağzında dayanma

 

KƏdƏr ehtiyac  adamın boynunu əyər, imkan vƏzifƏ isə şux tox göstərər

 

Hər əldə bir çirk var, hər baxışda bir nəfs

 

Anam deyərdi ki, kəsiyin çörəyini kəsməzlər, bala...

 

Ən yaxın ən isti münasibətlərdə belə qızışıb çox dərinə getmə, bunun geriyə qayıtmağı da olacaq bir gün

 

Səni aparan yollar səni geriyə qaytaracaqmı?

 

Baxışlar zövqlər fərdi olur heç vaxt üst-üstə düşmür. Başqasına da təlqin etmə!

 

HƏyƏcan TƏlƏskƏnlik məğlubiyyətə rəvac verər, şərik olar

 

Üzünün əvəzinə bığını qırxacaqsansa,  özünü güldürəcəksən!?.

 

Sözünün mabədini gətirə bilməyəcəksənsə, özünün arxanı qoruya bilməyəcəksən...

 

Qarşındakının düşündüyünü dərk edib qiymətləndirirsənsə, mübarizə qələbə asan olacaq

 

Nənəm ölə bilməyən, ağır can verən insanı görəndə deyərdi ki, zalımın balasının dalında çox qarğış var deyən,  belə zillət çəkir...

 

Başqasını duyğulandıra bilmək böyük bacarıqdır

 

Gözləmə ki, bağlı pəncərəni sənin əvəzinə gəlib açan olacaq

 

Özünü endirib bir qaldırmağın mənası var?

 

Ayağının altında tapdaladığın hansısa bir canlı ürəyin üstündədir

 

Min ilin qazancını bircə anın içində itirmək olar...

 

At üstündə dualar gecdir, yerdəykən tədbirini qıl

 

Bu dünyada rahat həyat var, rahat insan

 

Gördüyün yuxular sənə həm "mesajdır".

 

Haqqın dərgahından haqqın olanda danış!..

 

İnamsızlar hər yerə şübhə toxumu səpər

 

Kərənti görən biçənəyin damarı da qaçar, rəngi

 

Düyünlü, qırdınlı odunu  yarmaq asandır, nəinki, çətin, tərs-məssəb adamı başa salmaq

 

Döngəni dönəndə yada salmazlar

 

Sən özünü, öz  canını gəzdirmirsən ki?! Bir quru can götürüb aparmağa var?  

 

Bütün nəsləri naqislikləri insan özü gətirib dünyaya

 

QƏbahƏtlƏ xƏyanƏtin fərqi çoxdur

 

Elə münasibətlər var ki, üstünə çox getməsən-yaxşıdır

 

Vaxtından tez banlayan beÇƏnin başını kəsərlər...

 

"Qalibiyyət"ini gözə soxub "alver" etməyin mənası?!.

 

Yetişməyin vədəsi gələndə yetişmək faydalıdır

 

İnam ümid qırılanda ayaq yeriməz, dil açılmaz

 

Yolun da qibləsi var, başlayacağın işin

 

İntizar üzücü olar

 

yaxşı ki, qulağının dalını görə bilmirsən...

 

Qabar təkcə əllərdə olmur, insan qəlbində görünməyən o qədər qabarlar var ki...

 

Yeriyəndə qıvrıxan adam şübhə toxumu səpər

 

Elə odlan ki, səni söndürə bilən olsun

 

Hələ bilmək olmaz ki, özünü ağıllı göstərmək sənə fayda verəcək, ya yox

 

Qərib yolçu tez bilinər...

 

HƏsrƏtin sarıdan başqa  rəngi yoxdur

 

Məclisdə çox məsləhət verib özünü yorma, başqasını da bezdirmə

 

Hər qələbəni hər yerdə qol gücünə qazanmaq olmaz...

 

Dağın dərəsi olmasa, yelini kim çəkər?!

 

Axırı vay olan Var - kimə gərəkdir!?.

 

525-ci qəzet.-2017.-14 noyabr.-S.6.