Vaqiflə bağlı elmi konfrans

 

 

Oktyabrın 24-də AMEA-nın Məhəmməd Füzuli adına Əlyazmalar İnstitutunda görkəmli Azərbaycan şairi Molla Pənah Vaqifin 300 illiyinə həsr olunmuş "Molla Pənah Vaqif: Sələflər xələflər - erkən yeni dövr əlyazmaları Azərbaycan ədəbiyyatının tarixi problemləri" mövzusunda XV ənənəvi respublika elmi-nəzəri konfransı keçirilib.

 

Konfransı giriş sözü ilə açan İnstitutun elmi işlər üzrə direktor müavini Aybəniz Əliyeva-Kəngərli  M.P.Vaqifin milli poeziyamızın milli dilimizin inkişafındakı əvəzsiz xidmətlərindən danışıb. O, realist poeziyanın ümumiyyətlə, Azərbaycan ədəbiyyatının yeni mərhələsinin Vaqiflə başlandığını qeyd edib.

 

AMEA-nın Məhəmməd Füzuli adına Əlyazmalar İnstitutunun elmi işlər üzrə direktor müavini Paşa Kərimov M.P.Vaqifin 300 illik yubileyinin qeyd edilməsi haqqında Azərbaycan Respublikası Prezidentinin sərəncamından danışaraq bu ələmətdar hadisənin ölkənin əksər təhsil elmi müəssisələrində qeyd olunduğunu diqqətə çatdırıb: "Vaqif poeziyamızı ümumxalq danışıq dilinə qovuşduran, onu xalq yaradıcılığı nümunələri ilə zənginləşdirən sənətkardır. Mürəkkəb, ziddiyyətli keşməkeşli dövrdə yaşamasına baxmayaraq, xalqın şairi olmaq şərəfini ömrünün sonunadək ləyaqətlə qoruyub saxlamışdır".

 

Plenar iclasda P.Kərimovun "XVII-XIX əsrlər Azərbaycan poeziyasında qocalıq mövzusu", institutun şöbə müdiri Azadə Musabəylinin "Vaqifin iki türkiyəli sələfinin Bakı əlyazmaları", Gəncə Dövlət Universitetinin dosenti Afaq Yusiflinin "Könüldən könülə yollar görünür", Folklor İnstitutunun böyük elmi işçisi Sahilə Sədnikqızının "Molla Pənah Vaqif yaradıcılığına aşıq ədəbiyyatının təsiri" və digər çıxışlar dinlənilib.

 

Konfransın sonunda, Əlyazmalar İnstitutunun sərgi salonunda təşkil olunmuş "Vaqif - 100" mövzulu sərgiyə baxış keçirilib.

 

Şahanə MÜŞFİQ

 

525-ci qəzet.- 2017.- 25 oktyabr.- S.7.