yol

 

Bu yol hardan başlayır,

Harda qurtaracaq bəs?

Hara gedir bu yolçu,

Bu   yolu  seçən kəsə!

 

  yola olub rəvan,

Bu Sarvan Haqqa aşiq.

Bu yolun əksi dalan,

Bu yolun sonu işıq.

 

Haqqa şahid göy üz ü

Bu karvanı salamlar.

Bu yol "Quran"ın izi,

Bu yol dürlü kəlamlar.

 

Bu karvanın yolu Haqq,

Yolçu Adəm övladı.

Yol sahibi Ulu Haqq,

O bu Haqqa mövladı,

 

Aləmlərə can verib,

Ol sözüylə yaradan.

Hər kəsə yol göstərib,

Haqq iziylə  Yaradan!

 

Behiştin gülləri solmaz

 

Balaca Zəhranın xatirəsinə

 

Qarabağda  rüzgar əsdi,

Bu fələyin nədi qəsdi,

Balamızın başın kəsdi

Bu qədər müsibət olmaz,

"Bu nahaq qan yerdə qalmaz".

 

Alxanlını atəş yaxdı,

Köndələndən qanlar axdı,

Bir cocuğun soldu baxtı,

Bu yara sızlar, sağalmaz,

"Bu nahaq qan yerdə qalmaz".

 

Yer titrədi, göylər doldu,

Analar saçların yoldu,

Məsum Zəhra şəhid oldu.

Behiştin gülləri solmaz,

"Bu nahaq qan yerdə qalmaz".

Zəlil olsun namərd yağı,

Ağır olur bala dağı.

Zəhranı dünya ağladı,

Bəşərin dərdi azalmaz,

"Bu nahaq qan yerdə qalmaz".

 

Rövşən Budaq

 

525-ci qəzet.- 2017.- 21 sentyabr.- S.7.