Xoreoqrafiya Akademiyası "Şelkunçik"i təqdim etdi

Yanvarın 17-də Azərbaycan Dövlət Akademik Opera və Balet Teatrında Bakı Xoreoqrafiya Akademiyasının hazırladığı P.İ.Çaykovskinin "Şelkunçik" baletinin premyerası keçirilib.

Bakı Xoreoqrafiya Akademiyası 90 illik tarixi ərzində ilk dəfə olaraq təhsil müəssisəsinin tələbə və şagirdlərinin iştirakı ilə tamaşa nümayiş etdirib. Tədris tamaşasının məqsədi Azərbaycanda klassik rəqs və balet irsinə marağın artırılması, balet sənətinin təbliği və bütövlükdə xoreoqrafiya sənətinin inkişafına töhfə verməkdir.

Beynəlxalq müsabiqələr laureatı, Opera və Balet Teatrının dirijoru Əyyub Quliyevin idarə etdiyi tamaşanın quruluşçu baletmeysteri Əməkdar müəllim Pellumb Aqalliyay, bədii rəhbəri Xalq artisti Kamilla Hüseynovadır.

Baletmeyster-repetitorlar arasında BXA-nın Baletmeyster sənəti kafedrasının müdiri, pedaqogika üzrə fəlsəfə doktoru, professor Lyudmila Həsənova, BXA-nın "Klassik rəqs" kafedrasının müdiri, Əməkdar mədəniyyət işçisi Mayra Almaszadə, BXA-nın Klassik rəqs kafedrasının müəllimi, Əməkdar mədəniyyət işçisi Sergey Boqdanov, BXA-nın Klassik rəqs kafedrasının baş müəllimi, Əməkdar mədəniyyət işçisi Lyudmila Qutlyanskaya, BXA-nın Kollecinin direktor müavini Yekaterina Mustafayeva da var.

Tamaşada Bakı Xoreoqrafiya Akademiyasının tələbələri - Murad Kərimov, Dinara Şirinova, Mikayıl Həsənzadə, Fatimə Xəlilova, Sübhan Abışov, Nurlan Rəsulov, Seymur Qədiyev, Arzu Əsədova, Mətanət Rəcəbli, Ləman Nəbiyeva, Gülanə Əsgərova, Əsmər Mövsümova, Liana Praqa, Rafael Atayev, Surac Qurbanov, Rifan Qəhrəmanov, Ümid Zülfiqarov, Nicat Teymurlu, Azər Pənahov, FatimaXələfova, həmçinin şagirdlər - Maksim Lobaçov, Nərgiz Abdullayeva, Aza Nurullayeva, Nəzrin Adıyeva, Aydan Hüseynova və Roza Zeynalova iştirak ediblər.

525-ci qəzet.- 2017.- 19 yanvar.- S. 2.