Qarabağ müharibəsi: zərif talelər” kitabının təqdimatı oldu

Dekabrın 19-da Azərbaycan Yazıçılar Birliyinin (AYB) "Natəvan" klubunda tanınmış yazıçı, publisist Zemfira Məhərrəmlinin "Qarabağ müharibəsi: zərif talelər" kitabının təqdimat və imza mərasimi keçirilib.

Mərasimdə AYB əməkdaşları, tanınmış ziyalılar, oxucular media nümayəndələri iştirak ediblər.

Tədbiri giriş sözü ilə açan AYB-nin katibi Rəşad Məcid Z.Məhərrəmlinin yaradıcılığı, yeni kitabı haqqında məlumat verib: "Zemfira xanım uzun illərdir ki, bədii publisist yaradıcılıqla məşğuldur. Bu kitab da yaxın zamanların deyil, uzun illərin gərgin əməyin məhsuludur. Müəllif burada çox önəmli mövzuya toxunub. Düşünürəm ki, Qarabağ həqiqətlərini özündə ehtiva edən bu kitab xüsusən gənc nəslin vətənpərvərlik ruhda tərbiyə olunması üçün çox dəyərli nəşrdir".

Çıxışlardan öncə kitabın müəllifi yeni nəşr haqqında geniş məlumat verib, mövzunun ideyanın qaynağından danışıb: "Bu mənim sayca 13-cü, Qarabağ mövzusuna həsr olunmuş isə 6-cı kitabımdır. Bu mövzuya həsr olunmuş bir çox kitablarımı çox böyük çətinliklə ingilis rus dillərinə tərcümə etdirib, çap etdirmişəm ki, bu həqiqətlər bizi düşmən kimi görənlərin əlinə keçsin onlar bunu oxuyub, məlumatlansınlar. Qarabağla bağlı yazılarımın bir çoxu özümün şəxsən 1991-ci ildən atəşkəsə kimi ön cəbhədə gördüklərimdir. Müharibəni adətən, kişilər başlayır, əsas ağrını, acını isə qadınlar uşaqlar çəkir. Bu kitabın qəhrəmanları olan qadınlarımız, qızlarımızın çoxu ön cəbhədə yaralı əsgərlərimizin köməyi, dayağı olan həkimlərimiz, tibb bacılarımızdır. Onların gərgin məşəqqətli fəaliyyətindən yazmamaq mümkün deyil. Ayrı-ayrı məqalələr, həkayələr yazılıb, amma tədqiqat əsəri kimi, sistemli şəkildə kitab yox idi. Mən bunu eləmək istədim. Vətən müharibəmizin qadın döyüşçüləri, onların taleyi məni narahat edirdi. Buradakılar həqiqi həyat hekayələridir. Burada az da olsa məşəqqətli əsirlik həyatı yaşamış qızlarımızın da həyatından yazmışam. Bu qızlar müharibəyə müharibənin özünü öldürməyə getmişdilər.

Qarabağ hekayətlərinin yer aldığı yeni kitabım bu qanlı savaşa atılıb kişilərlə çiyin-çiyinə döyüşən qadınlarımızın, habelə məşəqqətli əsirlik həyatına məhkum olmuş  qız-gəlinin ağrı-acılı taleyindən söz açır. Bu publisistika nümunəsini Azərbaycan Xalq Cümhuriyyətinin Milli Ordumuzun 100 illiyinə həsr etmişəm".

Müəllif kitabın "Regional Hüquqi İqtisadi Maarifləndirmə" İctimai Birliyinin dəstəyi ilə çap olunduğunu da vurğulayıb.

Yazıçı Elçin Hüseynbəyli çıxışında mövzunun və kitabın əhəmiyyətindən söz açıb: "Kitab çox ağrılı, acılı mövzuya həsr olunub. O qurbanlarla, onların ailələri ilə hər dəfə edilən söhbət o ağrıları təzədən yaşadır. Mən inanıram ki, Zemfira xanımın bu kitabındakı ayrı-ayrı hadisələr əsasında hansısa əsər, hekayə yazılacaq. Çünki bu kitab yazılacaq Qarabağ əsərləri üçün bir mənbədir".

"Ulduz" jurnalının baş redaktoru Qulu Ağsəs kitabda haqqında söz açılan qəhrəman xanımların bir çoxunu müharibə dövründə şəxsən gördüyünü, onların fədakarlıqlarının şahidi olduğunu deyib: "Mən arzu edirəm ki, bu dəyərli kitab ünvanına çatsın".

Qarabağ müharibəsi veteranı Rüxsarə Cumayeva çıxışında həmin illəri xatırlayıb: "Bəzən deyirlər ki, tibb bacıları oradaedib axı. Orda nələr yaşadığımızı biz bilirik. Biz oradakı döyüşlərimizlə qürur duyuruq. Bu qədər böyük fədakarlıqları ancaq Azərbaycan xanımları edə bilərdilər. Qarabağla bağlı bircə cümlə belə yazan, bizi unutmayan, unutdurmayan hər kəsə təşəkkür edirəm".

Şair-publisist Həyat Şəmi çıxışında qeyd edib ki, bu kitab özünə azərbaycanlı deyən hər kəs üçün çox həssas mövzuya həsr olunub: "Xüsusən bu mövzunun zərif qəhrəmanlarının həyat hekayələrinə toxunulması olduqca əhəmiyyətlidir. Belə insanların taleyindən yazmaq böyük cəsarət və ürək tələb edir. Bu, faktlara əsaslanan fakturalı əsərdir. Ancaq burada Zemfira xanımın zəngin bədii təxəyyülü də öz sözünü deyir. Mən təklif edərdim ki, bu kitabdakı talelər əsasında bədii filmlər çəkilsin".

Daha sonra kitabın redaktoru Xəyal Rza, Şahin Musaoğlu, Varis Yolçuyev, Nəzakət Məmmədli, Aləm Kəngərli, Fərqanə Mehdiyeva, Qəşəm Nəcəfzadə, Təranə Vahid və başqaları çıxış edərək kitab haqqında fikirlərini bölüşüb, müəllifə daha böyük yaradıcılıq uğurları diləyiblər.

Kitab əsasında bu yaxınlarda "Döyüşə qızlar gedir" adlı sənədli filmin çəkiləcəyi xəbərini verən Zemfira Məhərrəmli ona göstərilən bu diqqətə görə, başda AYB rəhbərliyi olmaqla, hər kəsə öz təşəkkürünü bildiribsonda kitablarını qonaqlar üçün imzalayıb.

Şahanə MÜŞFİQ

525-ci qəzet  2018.- 20 dekabr.- S.8.