55 yaşın
işığında
Müəllimlik peşəsini şərəfli
edən bir çox amillər var. Onlardan biri, bəlkə də birincisi, müəllimin yaşadığı həyata,
cəmiyyətə ehtiyac
duyulan əsl vətəndaş, əsl
insan yetişdirməsidir.
Müəllimlərimizdən bizə hansı vərdişlər qalıb? Bu sualı mənə versələr "insan kimi yaşamaq vərdişi"- deyərdim.
Müəllim deyəndə riyadan utanan, uğurdan qürrələnməyən şöhrətə
əsir, pafosa kəm-kəsir kimi baxan, insanın ağlına qəlbi qəlibindən daha böyük olanlar gəlir.
Məlumdur ki, şəxsiyyətin ahəngdar inkişafı məktəbdə müəllimin
üzərinə düşür. Bu baxımdan müəllim cəmiyyətdə çox
böyük rol oynayır. O, yaşlı
nəslin təcrübəsini
gənc nəslə ötürən, nəsillərarası
əlaqəni qırılmağa
qoymayan möhkəm körpüdür. Tanınmış şəxsiyyətlər müəllimin
əməyinə yüksək
qiymət vermiş, müəllimi günəşə,
zəhmətkeş bağbana,
mühəndisə bənzətmişlər.
Çünki o, günəş kimi gənc qəlbi və ağlı işıqlandırır,
uşaqlara bağban qayğısı göstərir,
mühəndis kimi insan qəlbinin layihəsini cızır.
Müəllimlik çətin, məsuliyyətli,
eyni zamanda, şərəfli və müqəddəs bir peşədir. Müəllim insanı həyata
hazırlayan, onun dünyagörüşünü, mənəvi dünyasını
və ictimai-siyasi baxışlarını formalaşdıran
etalon şəxsiyyətdir. Xalqın tərəqqisi məktəbdən,
məktəbin tərəqqisi
isə müəllimdən
başlayır.
Belə ziyalılardan biri də dərin mədəniyyətə və
mənəviyyata malik,
yüksək idarəçilik
və təşkilatçılıq
bacarığı ilə
seçilən, Bakı
şəhər 6 ¹ li
məktəb-liseyin direktoru
Gülşən xanım
Orucovadır. Onun peşəkar pedaqoq,
yüksək əqidə
və məslək sahibi, ziyalı olduğunu xüsusi vurğulamaq lazımdır.
O, cəmiyyət üçün
əsl vətəndaş
yetişdirilməsi işində
əlindən gələni
əsirgəməyən, şagirdlərini
də bu ruhda yetişdirən örnək ziyalılardandır.
Gülşən xanım
üçün vətənpərvərlik
ən ali peşədir.
Gülşən xanım şagirdlərini
vətənə məhəbbət
ruhunda tərbiyə edir, onların əsl vətəndaş kimi yetişdirilməsində
xüsusi rol oynayır. O, özündə
səmimiyyət, düzlük,
xeyirxahlıq, humanizm və sadəlik kimi nəcib əxlaqi keyfiyyətləri
cəmləşdirir.
Müəllim daim öz üzərində
çalışmalı, bütün
davranış və hərəkətləri ilə,
nəinki şagirdlər,
hətta cəmiyyət
üçün örnək
şəxsiyyət olmalıdır. Gülşən xanım hər zaman özünün peşəkar pedaqoji qabiliyyət və intellektual bacarıqlarını
səfərbər etməklə
elmin son nailiyyətlərini
şagirdlərinə çatdırmağı
özünə borc bilir, pedaqoji-metodik ustalığı hesabına
bilik və məlumatların şagirdlərə
effektiv şəkildə
mənimsədilməsində mühüm rol oynayır. Onun çevik və
yüksək ünsiyyət
qabiliyyəti uşaqlarla,
öz həmkarları
ilə və valideynlərlə ahəngdar
şəkildə çalışmasına,
demokratik, bərabərhüquqlu
müzakirələr aparmasına
imkan verir. Gülşən xanım hər
bir şagirdə şəxsiyyət kimi, müstəqil fərd kimi yanaşması, onlarla sıx ünsiyyət və təmasda olması onun yüksək peşəkarlığından irəli gəlir desək yanılmarıq.
Onun hər zaman pedaqoji kollektivin sırasında olması, müəllim və şagirdlərlə, eləcə
də valideynlərlə
sıx əlaqədə
fəaliyyət göstərməsi,
bütövlükdə məktəbdə
səmərəli və
əlverişli təlim-tədris
mühitinin formalaşmasına
şərait yaradıb.
Gülşən xanım
haqqında sadaladığım
bu keyfiyyətlər onun həmkarları - Rəna Mirzəyeva, Arzu Vəliyeva, Nailə Məmmədova, Lalə Yusifova, Təranə Səmədova,
İradə Cəlilova,
Xuraman Şabani, Xatirə Əhmədova, Mehriban İbrahimova, Gülnarə Quliyeva, Səbinə Kazımova kimi müəllimlər tərəfindən də
təsdiqlənir.
Bu gün 108 yaşı olan Tofiq İsmayılov
adına 6 ¹-li məktəb-liseyin direktoru Gülşən xanım Orucovanın doğum günüdür.
Onun pedaqoji fəaliyyətinin 25 ili, ömür yolunun 55 ili tamam olur. Onun tərcümeyi
halını oxuduqda nə qədər zəngin fəaliyyəti olduğunu görmək mümkündür. Tükənməz və yüksək yaradıcılıq enerjisi
ilə daim öz üzərində çalışan, pedaqoji
fəaliyyəti özünə
amal kimi seçən Gülşən
xanım Orucovanı istərdim siz də tanıyasız.
Gülşən xanım Orucova Bakı şəhərində ziyalı ailəsində anadan olub. 1987-ci ildə Bakı Dövlət Universitetinin Kimya fakültəsini fərqlənmə diplomu ilə bitirib. 2005-ci ildə ixtisasdəyişmə kursunu bitirərək II ixtisasa - ibtidai sinif müəllimi ixtisasına yiyələnim. 1989-cu ildən orta məktəbdə ibtidai sinif müəllimi kimi pedaqoji fəaliyyətə başlayıb.
G.Orucova 2001-2002-ci tədris ilində "İlin müəllimi" müsabiqəsində birinci yeri tutub. 18 il ibtidai siniflər üzrə məktəbin metodbirləşmə sədri olub. Təhsil Nazirliyinin təşkil etdiyi dərsliklərin müzakirəsində komissiyanın üzvü kimi işçi qrupunda çalışıb.
Ölkəmizdə həyata keçirilən kurikulum islahatına istinad edərək, 2008-2016-cı tədris illəri üçün çap olnunmuş müxtəlif dərliklərin və metodik vəsaitlərin həmmüəllifidir. 2007-2008-ci tədris ilində Azərbaycan Respublikasının Prezidentinin sərəncamı ilə "Ən yaxşı 100 müəllim" müsabiqəsinin qalibi olub. 2010-cu ilin fevralında Azərbaycan Təhsil Nazirliyinin xətti ilə ABŞ-ın Cənubi Konnektikut ştatında keçirilən "Məktəb liderliyi" proqramının iştirakçısı olmuşdur. Gülşən xanım Orucovanın təhsil sahəsində xidmətləri Azərbaycan Respublikası Prezidenti tərəfindən yüksək qiymətləndirilmiş, o ölkə başçısının 4 mart 2010-cu il tarixli sərəncamı ilə "Əməkdar müəllim" fəxri adına layiq görülüb. 2010-2011-ci tədris ildən 6 ¹-li məktəb-liseyin direktoru vəzifəsində çalışır. Azərbaycan Respublikasının Təhsil Nazirliyi yanında Dərslikləri Qiymətləndirmə Şurasının üzvüdür.
Sonda bütün mənəvi enerjisini və intellektual qüvvəsini gənc nəslin yetişməsinə səfərbər edən, dövlətimizin və xalqımızın işıqlı gələcəyinin qarantı olan övladların milli ruhda təbriyəsinə həsr edən Gülşən xanım Orucovanı ad günü münasibətilə təbrik edir, ona möhkəm cansağlığı, şərəfli və məsuliyyətli fəaliyyətində uğurlar arzulayıram.
Aytəkin
ZEYNALOVA
BDU-nun Beynəlxalq jurnalistika
kafedrasının dosenti
525-ci qəzet 2018.- 1 fevral.- S.8.