"Ən gözəl
qəzadır salamlaşmalar, - get-gedə
azalır əl qəzaları"
lənətə gəlsinlər
bütün görüşlər,
artır gündən-günə
gül qəzaları.
qız, sənin baxışın təhlükəlidi,
-
hər an ola bilər göz qəzaları.
çox olur, danışıb həddi
aşmalar,
görün nə qədərdir dil qəzaları.
ən gözəl qəzadır salamlaşmalar,
-
get-gedə azalır əl qəzaları...
qəzan mübarəkdir,
ay mömin kişi,
min dəfə otur-dur, qıl qəzaları...
biz ömür sürməkdə
xam olmasaydıq,
bu qədər olmazdı yol qəzaları...
lll
ömrüm də, vaxtım da badə kimidi,
şərabla doldurram
bütün boşluğu.
bircə nəfər
qalıb əl verəcəyim, -
tanrıya borcluyam
bu sərxoşluğu.
bu evin çölündə nə
varsa, qaçıb,
bu evin içində nə var, gedəcək:
bir gün qanad çalıb şəklin uçacaq,
bir gün ayaq açıb divar gedəcək...
bilmirəm, bilmirəm
neçədi saat,
iki şüşə
qalıb nahar vaxtına.
nə gül var, nə də
bir gül verəcəyim,
məni saxlamayın bahar vaxtına.
lll
zarıyır, çöllərin
canına düşür,
tutub bağlamırıq
it canımızı...
bu zaman olmasa, əcəl-zad nədi,
heç it də
bəyənməz şit
canımızı.
birtəhər qaldırıb
təbə gətirdik,
elə bil bir ölü dəvə gətirdik:
qolundan yapışıb
evə gətirdik,
götürüb apardı
dərd canımızı...
ömür nə faytondu, nə maşınıdı,
cilovsuz atıdı, qaraşınıdı.
ölüm bizdən
ötrü ət maşınıdı,
hər gün biraz çəkir ət canımızı...
lll
vecimə də deyil bəstəboyluğun,
getdikcə ən uzun fəslim olursan.
məni mən eləyən köküm səndədi,
sən mənim nə gözəl əslim olursan.
gedişin ağlımı
tamam çaşdırır,
yüngül ağrıları
ağırlaşdırır,
səni gözlərimdə
tanrılaşdırır,
qayıdıb gələndə
mislim olursan...
bu da bir addımdır, gündür, deyirsən,
hər günü addımtək atıb gedirsən.
əlini qaldırıb
dua edirsən,
görən elə bilir təslim olursan...
lll
“525-ci qəzet”in 25 yaşına
Əziz
işçilər!
4-5 əsr sonra da
yaxşı səslənər:
525-çilər...
Elə xəbərləriniz olsun
oxuyanda işıq gəlsin gözümüzə.
İçəridəki sözü
ən doğma adamımız bilək, -
səhifələr
qapı kimi açılsın üzümüzə...
arada məni də yada salın,
qapınızda adımı
görüm.
özümnən böyüklər
də
mənə maraqlıdı,
amma mən ən çox istəyərəm
hər həftə öz yaşıdımı
görüm...
...Həmin gün bu vətəndə
inanıram ki,
istilik keçər daşa da.
Məsələn, qəzetinizdə
belə başlıqlı
xəbər oxumaq istərdim:
“Jurnalistlərimiz Şuşada”...
... Həmişə
bu qapıdan içəridə
nəfəs alan Sözünüz olsun.
Bir də, siz Allah,
bu 25 yaşlı gəncin üstündə
gözünüz olsun...
lll
Qəza
yerindən reportaj
Elə indicə,
gündüz saat on iki radələrində
ağır yol qəzası baş verib,
canlı yayıma
bağlanırıq,
müxbirimiz hadisə
yerində:
Məhəbbət yolunda
eyni markalı iki ürək toqquşub.
İtki yoxdur.
Hər iki sürücü
sevginin reanimasiya şöbəsindədir.
Faktla bağlı
heç bir araşdırma aparılmır.
Müvafiq polis bölməsi məhəbbət
yolunda
insanları ehtiyatlı
olmağa çağırmır.
lll
Naz eləyir,
qoyur özünü
dağın başına.
və hər il qış kanalında
havaya etiraz eləyir:
öz efir vaxtını dondurur sular.
lll
bir yaxşı çay dəmləyəsən,
bir yaxşı qonağın gələ.
əlləri boş ola, ürəyi dolu.
çayın qala bir tərəfdə,
ürəyin süzüb
içəsən,
indi de görüm, necəsən?
lll
... şairi yarpaqla
basdırmaq gərək,
heyif ki, üstünü torpaqlayırlar.
noolsun ağaclar yarpağın tökür,
şairlər payızda
yarpaqlayırlar...
lll
yatmağına hamı
bilir, yatmırlar,
heç olubmu
bircəciyi bircə
dəfə əsnəyə?
adamlardan gör inciyib, küsürlər?
ömrü boyu bircə addım atmırlar,
bəs niyə
ağacları ayağından
kəsirlər...
lll
Bu payız vaxtın eşqinə,
qaş-qabağınla yer süpür,
alnını qırışdır,
getsin...
O buz otaqda az üşü,
göndərdiyim məktubları
yığ, topla, alışdır, getsin...
Divardakı mən deyiləm,
şəkildi də,
kin saxlama,
bir söz de, danışdır, getsin...
Yenə
səksəndim, ay dəli,
belə qəfildən yadıma
düşməyi... yığışdır,
getsin...
lll
Səni
mən tək sevməyənlər,
bilirəm, mənnən
qəşəngdi.
Adam var, adamdan qəşəng,
gün var ki, günnən qəşəngdi...
İslandıqca baxışlar da,
aram dəyir yağışlarnan.
Alnım,
üzüm qırışlarnan,
saçlarım dənnən
qəşəngdi...
Ruhum sevgi, səsim sevgi,
quruca nəfəsim - sevgi.
Kim nə deyir desin,
sevgi,
imandan, dindən qəşəngdi!
Səni
sözə oxşatmışam,
nə cür görmüşəm, yozmuşam;
Sənə bir şeir yazmışam,
incimə, səndən
qəşəngdi...
lll
az ölün, yara yerinə
ağzımdan ağı
çıxacaq...
bağrımın başı
geyişir,
minillik ağrı çıxacaq.
ac-yalavac ölümlərə
adamlar soyulmuş kimi.
dədə, qaşnan
göz arası
əcələ su yolu kimi.
bu gözünnən
bulanmışa
baxıb, başını
bulama.
dərdim palçıq
şəklindədi,
get, üst-başını bulama...
lll
hələ var vaxta, sən də,
otur, onda gedərsən...
bu son görüş
- deyirsən,
son vaqonda gedərsən...
gələn-gedən olmasın,
qapıları bağlayaq.
öldürək özümüzü,
özümüz də ağlayaq...
bir sən varsan, bir də
mən,
özgələrdən danışma.
içim sınıq-sınıqdı,
güzgülərdən danışma...
bir tələsmə,
sən canın,
bir qoy görək, gedərsən:
təkcəcə ölmək
olmur,
birgə ölək,
gedərsən...
lll
dünya - yatmaq üçün doğulanlara
mütəkkə bazarıdı.
nə Həccə gedirəm salmısan, -
nə Məkkə bazarıdı?
əsil mömin
anasının ayaqlarını
öpər,
o ayaqları ən müqəddəs yer sayar!
lap gündə yüz yol başına hərlənər,
Öz anasın Pir sayar!
Ruslan DOST ƏLİ
525-ci qəzet.- 2018.-
1 sentyabr.- S.23.