Anarın məqaləsi Özbəkistan mətbuatında

Azərbaycan Yazıçılar Birliyinin sədri, Xalq yazıçısı Anar avqustun 6-da Özbəkistan Yazıçılar İttifaqının dəvətilə “Klassik və çağdaş özbək ədəbiyyatının öyrənilməsinin aktual məsələləri və özbək ədəbiyyatının dünyada tanınması” mövzusuna həsr olunmuş beynəlxalq konfransda iştirak etmək üçün Daşkənddə səfərdə olub.

Bu barədə avqustun 18-də “525-ci qəzet”in şənbə buraxılışında yazıçının “Özbəkistan görüşləri” adlı reportajı yayımlanmışdı.

Xalq yazıçısının beynəlxalq konfrans və Özbəkistan səfəri ilə bağlı sözügedən reportajı həmçinin, Özbəkistanın “Özbəkiston adabiyotı va sanati” qəzetinin (eləcə də “uzas.uz” internet saytının) 5 sentyabr buraxılışında da yayımlanıb.

Məqalədə yazıçı Daşkənd və Səmərqənddəki görüşlərdən, Özbəkistan Yazıçılar Birliyi ilə aparılan danışıqlardan və Türk dünyası üçün mühüm əhəmiyyətə malik beynəlxalq konfransdan geniş bəhs edir.

ŞAHANƏ

525-ci qəzet.- 2018.-8 sentyabr.- S.9.