"Akademik Məmməd
Cəfər Cəfərov: böyük ömrün anları və addımlar"
Azərbaycan Milli Elmlər Akademiyasının (AMEA) Nizami
Gəncəvi adına Ədəbiyyat
İnstitutunda "Akademik
Məmməd Cəfər
Cəfərov: böyük
ömrün anları
və addımlar"
mövzusunda tədbir
keçirilib.
Tədbirdə Akademik Məmməd
Cəfərovun Nizami Gəncəvi adına Ədəbiyyat İnstitutu
tərəfindən nəşr
olunan "Get dolangilən,
xainsən hələ"
tragikomediyası, İctimai
televiziya tərəfindən
çəkilmiş "Müdriklik
zirvəsi" sənədli
filmi, həmin filmin ssenarisinin materiallarının yer aldığı kitabın,
akademik İsa Həbibbəyli tərəfindən
müəllifin arxivindən
yeni üzə çıxardığı "Bir mənzum məktuba cavab" poemasının, eləcə
də Naxçıvan
Dövlət Universitetinin
müəllimi, əməkdar
rəssam Həbibə
Allahverdiyeva tərəfindən
çəkilmiş Məmməd
Cəfər Cəfərovun
portretinin geniş ictiamiyyətə təqdimatı
olub.
Tədbiri giriş sözü
ilə AMEA-nın vitse-prezidenti, Nizami Gəncəvi adına Ədəbiyyat İnstitutunun
direktoru, akademik İsa Həbibbəyli açaraq Azərbaycan estetik fikir və
ədəbi tənqidinin
görkəmli nümayəndəsi
Məmməd Cəfər
Cəfərovun elmi fəaliyyətindən söz
açıb. Bildirilib ki,
Məmməd Cəfər
Cəfərov yazıçıların
yaradıcılığı haqqında ədəbi-tənqidi
məqalələrin, Azərbaycan
ədəbiyyatının tarixinə
və nəzəriyyəsinə
həsr olunan əsərlərin, aktual ədəbi, estetik və pedaqoji problemlərə aid kitabların
müəllifidir. Ömrünün 60 ilini ölkəmizdə ədəbi-nəzəri fikrin
inkişafına həsr
edən alimin XIX əsr rus ədəbiyyatının
Azərbaycan oxucusuna çatdırılmasında da
əvəzsiz xidmətlər
göstərib. Akademik Məmməd
Cəfər Cəfərovun
elmi fəaliyyətinin
40 illik bir dövrü AMEA ilə bağlı olub. Ədəbiyyat İnstitutunun
Ədəbiyyat nəzəriyyəsi
şöbəsinə təxminən
iyirmi il
rəhbərlik etmiş
Məmməd Cəfər
Cəfərov həm də bu şöbənin
yaradıcısı və
ilk müdiri olub. Akademik İsa Həbibbəyli bildirib ki, akademik
Məmməd Cəfər
Cəfərov zəngin
elmi fəaliyyəti ilə bərabər bədii yaradıcılıqla
da məşğul olmuşdur. Onun bədii yaradıcılığı
elmi yaradıcılığı
qədər sanballı
və əhəmiyyətlidir.
Nizami Gəncəvi adına Ədəbiyyat İnstitutunun
Ədəbiyyat nəzəriyyəsi
şöbəsinin müdiri,
filologiya elmləri doktoru, professor Tahirə Məmməd "Ədəbiyyatşünas
alimin naməlum tragikomediyası böyük
ədəbiyyat faktı
kimi" mövzusunda məruzə ilə çıxış
edib.
Daha sonra AMEA-nın müxbir üzvü Tehran
Mustafayev, filologiya elmləri doktoru, professor Şirindil Alışanlı,
filologiya elmləri doktoru, professor Vüqar Əhməd, filologiya elmləri doktoru Pərvanə İsayeva, tarix üzrə fəlsəfə doktoru,
"Müdriklik zirvəsində"
sənədli filminin ssenari müəllifi Mahir Qəribov və görkəmli alimin ailəsi adından AMEA Fiziologiya İnstitutunun direktoru, biologiya elmləri doktoru Ulduz Həşimova çıxış edərək
akademik haqqında xatirələrini bölüşüb,
mülahizələrini söyləyiblər.
Çıxış edənlər ömrünü
Azərbaycan ədəbiyyatşünaslıq
elminin aktual problemlərinin tədqiqinə
həsr edən alimin zəngin yaradıcılığından söz açıblar.
Sonda
"Müdriklik zirvəsində"
sənədli filminə
baxış olub.
525-ci qəzet 2018.- 19 yanvar.- S.7.