Qələmsiz yazılanlar
Orxan Pamukdan feysbuk statusları barədə soruşanda tərəddüdlə
belə cavab vermişdi: “bəlkə bu da bir
ədəbiyyat növüdü,
hələ ki bir söz deyə
bilmərəm”. Dövrün,
innovasiyaların yaratdığı
bu janrın mahiyyəti yəqin ki, gələcəkdə
xüsusi araşdırılacaq!
Bəlkə, bu da jurnalistikanın, yaxud ədəbiyyatın bir növü kimi qəbul ediləcək! Bəzən
sosial şəbəkə
statuslarını “fastfood”
yeməklərə bənzədirəm!
Sanki bir qaçaraq, ayaqüstü janrdı! Hər halda mövcudluğuyla hesablaşmalı
və razılaşmalıyıq!
10 ildir ki, feysbukdayam!
Sosial şəbəkələrin
meydan suladığını
gördüyüm üçün
kitabın və klassik kağız qəzetlərin gələcəyinə
skeptik yanaşmağa
başlamışam!
Statuslar yazmağım isə ovqatımdan asılıdı
- bəzən hansısa
ictimai-siyasi hadisələrə
münasibətimi operativ
olsun deyə sosial şəbəkələrdə
bildirirəm. Hərdən də qaçhaqac həyatımızda əlçatmaz
olan bədii yaradıcılıq arzusu
yeni status - esselərin
yazılmasına səbəb
olur! Ona görə zaman
keçdikcə geriyə
çevirib baxanda bu statuslar həm
qəlbin, həm ovqatın, həm də sürətlə bir-birini əvəz edən gündəmlərin
xronologiyası təsiri
bağışlayır.
Günün birində ağlıma gəldi ki, bəlkə bu onillik statusları toplayıb ayrıca bir kitab halında
dərc etdirim?! Bizdə
belə bir təcrübəni xatırlamıram,
xaricdə isə belə cəhdlər olmamış olmaz! Bizdə də bəlkə ilki mən edim!? - deyə düşündüm.
Beləcə, “Qələmsiz yazılanlar”
kitabından daha bir hissəni “525”in oxucuları üçün
hazırladım.
2019
Son vaxtlar səhər
proqramları içərisində
ən çox baxdığım “Xəzər”
TV-də Həmid Herisçi və İlhamiyyə Rzanın təqdimatında efirə
gedən “Xəzər-səhər”
proqramıdı. Həmidin geniş bilgisi,
hədsiz məlumatlılığı
onun gündəmdəki
hadisələri daha rəngli, maraqlı təqdim etməsinə yol açır. Tarixin dərinliklərinə varır,
keçmişlə bugünü
müqayisədə götürüb
olaylara özünəməxsus
yozumlar verir. Üstəgəl, hadisələrə
yaradıcı adam gözüylə,
canlı təxəyyüllə
baxıb, hərdən
şairanə - Həmidanə
tərzdə coşması...
Onun bu coşğunluğuna,
qaynayan enerjisinə İlhamiyyə xanım rasional yanaşmayla, əsl peşəkar rəftarıyla, kübarcasına
yön verir! Səhər proqramının
aparıcılığı baxımından gözəl,
uğurlu tandemdir! Səviyyəli, təsirli
aparıcılıq örnəyi
kimi diqqətimi çəkir, hər dəfə yaxşı mənada, təəccübləndirir... ... Və bir də yadıma
düşür ki, 20
il öncə
Həmidin “525”də şeirləri
çıxmışdı. Fərqli şeirlərdi. Təzə nəfəsi,
yeni aurası ilə zehnimdə yer tutdu. Bir sabah
həmin şeirlərin
bir tanış səslə ifasına oyandım! Onda İlhamiyyə xanım
AzTV-də “Səhər”
proqramını aparırdı.
Hansısa mövzuda fikirlərinin
gözünə qatıb
Həmidin yeni şeirini söyləyirdi.
Təxminən belə:
...Səni kimsə sevməlidir... Köynəyinin
düyməsi düşəndə
onu kimsə görməlidir... İndi
o qədər də dəqiq xatırlamadığım,
amma duyğusu hələ də mənimlə olan bu ruhda misralar...
Ən gözəli isə aparıcının
bu şeiri məhəbbətlə, xoş
heyranlıqla və bir az da kimə yazıldığını
bilməsindən doğan
qürurla oxumasıydı!
***
Yaxşı vuran şairlərimizdən
biri axşam evə gələndə görür hamı çöldədir! Deyir, nolub?
Deyirlər, yer silkələnir! Deyir, ayə, yer
30 ildi silkələnir,
siz indimi bilirsiniz?! :))
***
3000-dən
çox kitabım Ağdamda qaldı! Atamın kitabxanasına 15
il öz
aldıqlarımı da
əlavə etmişdim!
İndi Masazırda anamın evində 1000-dən
çox kitabım toplanıb! Aldıqlarım,
bağışlananlar, hədiyyə
olunanlar! Düşündüm
ki, bəlkə, bir dəfə kitab həvəslisi olan gənc ədibləri yığım
gətirim bura! Tədbirin birini də burda keçirək!
:) Daraşsınlar kitablara!
:) Amma daraşacaqlarmı, oxuyacaqlarmı?!
***
Bəzən bir hadisəylə,
şəraitlə bağlı
düşünürsən! Qiymətləndirməyə çalışırsan!
Sonradan bir söz gəlib beyninə ilişir! Baxırsan ki, həmin şəraitə
ən uyğun söz elə bu imiş! “Urvatsız” sözü tez-tez yadıma düşür son vaxtlar!
***
TV-də bir təzə gənc müğənni oxuyur. Və mən on dəqiqə baxdım, ayırd edə bilmədim bu qızdı, yoxsa oğlan!!!
***
Ağcabədi və Beyləqanda
erməni radiosu rahat, maneəsiz konsert verir! (97.70 FM) Mahnılarının da yarısı oğurluq!!! Bizim Rabitə Nazirliyinin uyğun idarələri də dinləyirlər yəqin!
***
Texniki Universitetdə
imtahanların gedişini
izlədik. Tələbələrin imtahanlardan şikayətləri
yox idi. Oğlanların çoxusunun saqqallı
olması diqqətimi çəkdi. Maraqlandım. Dedilər, dinlə bağlılığı
yoxdu. Bu, modernlik nişanəsidi.
:)
***
Yanvarın 1-i adətən qar yağardı. 2018-in son günlərini
bahar havasıyla yola saldıq! 2019-un ilk günü yağışlı, çiskinli
başladı. Qar yağmasa
da, fəsil biraz öz ritminə
qayıtdı. Amma
nə bilmək olar, havada, buludlarda
qar iddiası hiss olunur! Yağmasa da, cəhd var!
Cəhd isə ən azı işin yarısıdı!
2018
Auditoriya
düşük olanda
Şaxta baba da onların bir tayına çevrilir! :)
***
Niyə şəkilləri tez və çox bəyənirik?! Yəqin görüntü sevənik. ona
görə! “Göz gördü, könül sevdi” - deyirik! Qulaq eşitdi, baş düşündü,
qəlb sevdi - demirik! Amma hərdən
sözün gücünə
də inanırıq!
Söz də gərək Söz ola! Söz də
gərək ilanı yuvasından çıxara.
:)
***
Əksər ucalıq vaxt keçdikcə öz ilkin əzəmətini itirir, adiləşir! Tbilisidə də elə oldu...
***
Deyir, 20
il fotoqraf
işləmişəm, sənətim
sıradan çıxdı,
indi çayçı
işləyirəm! Zaman,
texnologiya çox sənətləri sıradan
çıxarıb və
çıxaracaq! Çay
isə həmişə
olacaq! Yaşasın çay - incə belli cam bardaqda! :)
***
Ağıllı telefonların ruhu varmı?! İlişib qalıb Ankara saatında! Liriklər burda mistika və ruh axtarar! Fiziklər
isə səbəbi hansısa düymədə,
yanlış əməliyyatda
görər, izah edər, səhvi düzəldərlər! Amma
hərdən lirik olmaq da xoşdur!
:)
***
Ankarada bir-birinə qarışan
azan səsləri həm
sənə harda olduğunu xatırladır,
həm də fikirlərini çəkib
aparır - göyə,
yerə... arana, dağa... olana, olmayana...
2017
İrfan Çiftçi Türkiyənin
Azərbaycandakı səfirliyinin
Mədəniyyət və
turizm müşaviri kimi ilk ziyarətini AYB-dən başladı. İrfan Türk
dünyası ədəbiyyatı
və mədəniyyətinin
gözəl bilicisidir.
Azərbaycanı çox sevir
və yaxşı tanıyır. Onun təyinatına
sevindik.
***
Allaha kömək vaxtıdı!!!
- Vaqif Səmədoğlunun
misrası dipdiridir və tez-tez yada düşür.
***
Bir-iki ilə telefon zəngləri sıradan çıxacaq! İndi də bəzən təccüblənirəm zəng
gələndə! Yəni
texnologiyalar - votsap, messencer, səsli mesajlar varkən zəngə nə hacət?! :)
Lap elə praktik
cəhətdən də
zəng uduzur. Məsələn, mən tədbirdə olarkən danışa bilmirəm deyə zəngə cavab vermirəm, amma votsap və messencerdə yazılı
sualları cavablandırıram.
***
Hərə öz içinin
xıltını tökməyə
bir girəvə - fürsət axtarır!
2015
İndi hamı hökumətə məsləhət verir! Arpanı ayırd etməyənlər də :)
***
İnternetin bunca geniş imkanlarının yarandığı, hər bilginin əlçatan olduğu dövrdə xurafat və cəhalətin torundan çıxa bilməmək, sadəcə ayıbdı!
***
Bu saytların və sosial şəbəkələrin elədikləri yumruqdan, döyməkdən daha betərdi. Problem yaşayan insana - onun ailəsinə qarşı mənəvi terrordu!
2013
“O səs Türkiyə” yarışmasında Acunun, münsiflərin isdedad üçün əriməsi, sərhədsiz səmimiliyi heyran edir! Hələ sonsuz azadlıqları... Hələ qürursuz heyranlıqları... Görkdülər, nümunədilər!!!
***
İşıqlar söndü :) Rövşanəyə baxa
bilmədim. Bilmirəm nə danışdı arxamca. :)
Rəşad MƏCİD
525-ci qəzet.- 2019.- 9 fevral.- S.12.