Qələmsiz yazılanlar
Orxan Pamukdan feysbuk statusları barədə soruşanda tərəddüdlə
belə cavab vermişdi: “bəlkə bu da bir
ədəbiyyat növüdü,
hələ ki bir söz deyə
bilmərəm”.
Dövrün, innovasiyaların yaratdığı
bu janrın mahiyyəti yəqin ki, gələcəkdə
xüsusi araşdırılacaq. Bəlkə bu
da jurnalistikanın, yaxud ədəbiyyatın bir növü kimi qəbul ediləcək. :)
10 ildir ki, feysbukdayam!
Sosial şəbəkələrin
meydan suladığını
gördüyüm üçün
kitabın və klassik kağız qəzetlərin gələcəyinə
skeptik yanaşmağa
başlamışam!
Statuslar yazmağım isə ovqatımdan asılıdı
- bəzən hansısa
ictimai-siyasi hadisələrə
münasibətimi operativ
olsun deyə sosial şəbəkələrdə
bildirirəm. Hərdən də qaçhaqac həyatımızda əlçatmaz
olan bədii yaradıcılıq arzusu
yeni status - esselərin
yazılmasına səbəb
olur! Ona görə zaman keçdikcə geriyə çevirib baxanda bu statuslar həm
qəlbin, həm ovqatın, həm də sürətlə bir-birini əvəz edən gündəmlərin
xronologiyası təsiri
bağışlayır…
Günün birində ağlıma gəldi ki, bəlkə bu onillik statusları toplayıb ayrıca bir kitab halında
dərc etdirim?! Bizdə
belə bir təcrübəni xatırlamıram,
xaricdə isə belə cəhdlər olmamış olmaz! Bizdə də bəlkə ilki mən edim!? - deyə düşündüm.
Və statusları hissə-hissə
çap etdirməyə
başladım.
Bu dəfə “525”in oxucularına
“Qələmsiz yazılanlar”
kitabından ictimai-siyasi
proseslərə münasibətimin
əks olunduğu statusları çatdırmaq
istədim.
2015
İdmançıya həm də güclü ruh lazımdır. Bu ruh
isə mühitdən,
azarkeşlərdən gələ
bilər. İdmançının azarkeşi ölkə rəhbəri və onun xanımı olanda onda sarsılmaz
ruh yaranır. Bu mənada cənab
Prezidentin və hörmətli Mehriban xanımın Avropa Oyunlarını birbaşa
idman arenalarından izləmələri idmançılarımıza
sonsuz qol-qanad verir.
2016
Əhmət Davudoğlu feysbukda yaman aktivləşib. :)
***
Erməni söhbəti bəhanədir. Almaniya Türkiyəyə
güc göstərir.
Bunun alt qatını, diplomatik dildən çevirisini tapmaq lazımdır.
Əslində, Bundestaqda
əvvəlcədən hazırlanmış
şou göstərildi
- iclasa ermənilərin
dəvət olunması,
qərar layihəsini Türkiyə əsilli deputatın yaxasına erməni nişanı taxaraq oxuması, digər Türkiyə əsilli deputatların səs verməsinin qabardılması və Merkelin suçlu kimi kölgəyə çəkilib reaksiyaları
izləməsinin izahı
lazımdır. ALMANİYA
TÜRKİYƏYƏ NƏYİN XƏBƏRDARLIĞINI
EDİR? NƏYİN HİRSİNİ, ACIĞINI
ÇIXIR? Səni ən zəif
yerindən və özününkülərin əliylə
vurmaq gücündəyəm?
Bunumu demək istəyir? Heç 3 milyon yarımın təpkisi də adekvat olmadı... Niyə? Nə baş verir
ki? Hədəf Türkiyədir, yoxsa Türkiyə hakimiyyəti?
Dava nəyin üstündədir?
Bu sualların cavabı
maraqlıdır...
2017
Cənab
Prezidentə bu qədər jurnalist ailəsini sevindirdiyinə
görə - bu böyük Savaba görə bir daha sonsuz təşəkkürümü
çatdırıram! 4 il öncə olduğu kimi....
2018
Əli Həsənovun
xaricdə antiazərbaycan
kampaniyası aparan bir qrup şəxs
haqqındakı statusları
kübarlığı və
nəzakət tonu ilə seçilir. Bütün
fəaliyyətində və
insanlara münasibətində
məhz belə gördüyümüz Əli
müəllim Azərbaycanın
simvollarına qarşı
söyüş və
təhqir leksikonu ilə danışanlara qarşı fikirlərində
də heç zaman bu nəzakət
tonunu itirmədi! Sözügedən statuslarında
da “hər bir adamın mahiyyətində bir xeyir başlanğıcı
olduğuna inanıram”
söyləyib, bu şəxsləri ədəb-ərkan
çərçivəsində mübarizəyə çağırdı!
Bu cür münasibətdən
sonra da həmin adamların söyüş və təhqir leksikonunu davam etdirməsi artıq onların mahiyyətində heç
bir xeyir başlanğıcının qalmadığını
göstərir! Belə
məqamda isə cəmiyyətin ağıllı
və vicdanlı adamları susmamalı, bu təhqir və söyüş müharibəsinə qarşı
etiraz səsini ucaltmalıdırlar! İctimai qınaq
bu adamları hər yerdə yaxalamalıdır - insanlar
arasında da, sosial şəbəkələrdə
də. Ağıllı
və abırlı adamlar müşahidəçi
mövqeyində qalmamalı,
“beləsinə baş
qoşmağa dəyməz”
deyib yaxasını kənara çəkməməlidir!
Bu baxımdan Əli müəllimin sözügedən
statusları bütün
vicdanlı, ağıllı
vətəndaşlarımızı bir araya gətirməli,
Azərbaycan cəmiyyəti
üçün yad olan bu iyrənc
mübarizə metodu kəskin şəkildə
qınanmalıdır!
***
Gözlənilməz qərarla ictimaiyyəti təəccübləndirmək bacarığı mahir siyasətçilərə, müdrik
dövlət başçılarına
xas olan keyfiyyətdir. Biz Azərbaycanda
Ümummilli lider Heydər Əliyevin timsalında belə nümunələri çox
görmüşük. Ulu öndərin gözlənilməz
müdrik qərarlarla
toplumu, cəmiyyəti
necə təəccübləndirdiyinin
dəfələrlə şahidi
olmuşuq.
Prezident
seçkilərindən sonra
Azərbaycanın yeni
Baş nazirinin kim olacağı,
nazirlərdən hansının
öz kürsüsünü
itirəcəyi barədə
söz-söhbətlər ölkə
gündəmini zəbt
edən əsas müzakirə mövzusu idi. Baş nazir kürsüsünə
namizədlər sırasında
ən müxtəlif şəxslərin adı
hallanırdı. Amma cənab
Prezident elə fərqli bir şəxsi seçdi ki, hər kəsi,
sözün müsbət
mənasında, təəccübləndirdi.
Novruz Məmmədov hakimiyyətdə
ən iddiasız, özünü təbliğ
etməyən, amma fəaliyyəti ilə dövlətə, dövlət
başçısına sədaqətlə
xidmət göstərən
məmurlardan biridir.
Cəmiyyətdə müsbət imici
var, korrupsiyada adı heç vaxt hallanmayıb, həmişə qruplaşmaların
fövqündə dayanıb.
Səmimidir, dürüstdür. Mən bu seçimi cənab Prezidentin müdrik addımı kimi qiymətləndirir və bu uğurlu
təyinata görə
öz təşəkkürümü
bildirirəm. Cənab prezident
bu gözlənilməz
qərarı ilə özünün peşəkar
dövlət adamı,
təcrübəli siyasi
xadim olduğunu bir daha təsdiqlədi.
Mən Baş nazir vəzifəsinə təsdiq
olunması münasibəti
ilə Novruz müəllimi təbrik edir və inanıram
ki, indiyə qədər olduğu kimi, bu yeni,
mötəbər kürsüdə
də o, öz təmkinli, soyuqqanlı davranışı, fədakar
fəaliyyəti ilə
Vətənimizə, Dövlətimizə
layiqincə xidmət göstərəcək.
***
Ceyhun Bayramovun
təhsil naziri vəzifəsini icra etdiyi bir neçə
aylıq dövr sakit və ajiotajsız
keçdi. Bəziləri bu sakitliyi nazir təyinatının olmaması ilə bağlayırdı. Amma mən
bu sakit, iddiasız işgüzarlığı
Ceyhun Bayramovun şəxsi və idarəçilik keyfiyyətləri
ilə izah edirdim.
Təhsil Nazirliyinə son illər gələn yeni kadrlar içərisində
Ceyhun Bayramov təmkini, müzakirələrə
açıq olması,
eyni zamanda, işinə hədsiz məsuliyyəti və kreativ keyfiyyətləri ilə seçilirdi. Təmasda olduğum
bu illər ərzində onu dəyərləri bilən,
geniş dünyagörüşlü
bir insan kimi tanımışam.
Təhsil
nazirinin kim
olacağı ilə bağlı müxtəlif
səviyyəli diskusiyalarda
da öz fikrimi elə bu müşahidələrimə
əsasən bildirirdim.
Və qənaətim hər dəfə birmənalı olurdu: Ceyhun Bayramovun həm nazir səlahiyyətlərini icra
etdiyi müddətdə,
həm də ona qədərki fəaliyyəti göstərir
ki, nazir vəzifəsinə ən
uğurlu namizəd elə odur. Mən cənab Prezidentin bu uğurlu seçimini alqışlayır
və təyinatı yüksək qiymətləndirirəm.
İnanıram ki, Ceyhun Bayramov sadaladığım
keyfiyyətləri ilə
Azərbaycanın təhsil
sisteminə öz töhfəsini verəcək,
ölkəmizdə təhsilin
səviyyəsinin daha
da yüksəldilməsi
istiqamətində mühüm
uğurlara imza atacaq.
***
Azərbaycan bizim üçün
“okul” kimidir! Qafqazları və keçmiş Sovet ölkələrini Azərbaycandan öyrənirik
- deyir TİKA başqanı.
***
Çoox təəssüf! Allah şəhid olan polislərimizə rəhmət eləsin! Qarşıdurmaya çağıranlar, Vətənimizi qana çalxamaq istəyənlərin dəyirmanına su tökənlər, xurafat və cəhalətin əsiri olanları qəhrəmana çevirənlər, qisas hissiylə alışıb yananlar! Sevinənlər! Durun, dayanın! Xalq siz deyilsiniz! Xalq bu təhlükəni duyan, hiss edən, dövlətimizə qarşı namərd hücumların mahiyyətini anlayan insanlardır! Onlar çoxdurlar! Lap çox! İndi təmkinli dayansalar da, namərdlərə, kürəyə bıçaq saplayanlara layiqli cavab verəcəklər! İctimai fikir və çoxluq xalqın müdrik kəsimindədir! Və bu çoxluq indi dinməli, səsini qaldırmalı, Vətənimizi qana sürükləyən bir ovuc xainə qarşı kəskin münasibətini ortaya qoymalıdır!
***
Əmək və Əhalinin Sosial Müdafiəsi naziri
Sahil Babayevin “Əsa”
teatrına göstərilən dəstək və bu teatrın fəaliyyəti barədə
ürəkdən danışması xoş
təsir bağışladı. Nazir mətbuatı
uzun illərdir diqqətlə oxuduğunu söylədi və “təbliğat
işin yarısıdır' deyərək
media ilə əlaqələrin önəmindən
danışdı.
Rəşad MƏCİD
525-ci qəzet.- 2019.- 23 fevral.- S.9.